3rd GRADE 4 FILIPINO

Matapat na Kaibigan

Sinasabi na ang aso ay isa sa mga pinakamatapat na kaibigan ng tao. Maraming kuwento tungkol sa katapatan ng aso sa tao. Narito ang isa sa mga ito. Sina Ginoo at Ginang Salvacion ay naninirahan sa isang lugar na malayo sa kanilang trabaho. Maaga pa lamang ay umaalis na ang mag-asawa. Walang naiiwang tao sa kanilang bahay. Tumigil sa pagtatrabaho si Ginang Salvacion. Naisip ng mag-asawa na bumili ng isang tuta upang may makasama si Ginang Salvacion sa bahay. Isang puting tuta ang nabili nila. Binigyan nila ang tuta ng pangalang Shadow. Mabilis na lumaki si Shadow. Isang matalinong aso si Shadow. Maraming itinuro ang mag-asawa sa kanilang aso. Natuto si Shadow na magbukas ng pinto. Lagi rin itong nakaabang sa pagdating ng mag-asawa. Tuwang-tuwa ang mag-asawa sa kanilang alagang aso. Hindi nagtagal at nagkaroon ng anak na lalaki ang mag-asawa. Pinangalanan nila ang kanilang anak na Ronnie. Dahil sa pagiging abala sa kanilang sanggol, napabayaan na ng mag-asawa si Shadow. Hindi rin pinapayagan ng mag-asawa na lumapit si Shadow sa kanilang sanggol. Minsan, nakita ni Ginang Salvacion na hila-hila ni Shadow ang kuna ni Ronnie. Napatakbo ang ginang at nagalit sa ginawa ng aso. Ngunit pagpasok sa loob ng bahay, nalaman niya kung bakit hila-hila ni Shadow ang kuna ng anak. Umaapoy ang kalan na naiwan niya. Inilayo ni Shadow ang bata palabas ng bahay upang huwag itong masaktan. Mabilis namang napatay ang apoy ng mga tumulong na kapitbahay. Gayon na lamang ang pasasalamat ng mag-asawa kay Shadow. Lalo nilang natanto ang halaga ng kanilang alagang aso. Mula noon, si Shadow ay lagi nang nagbabantay sa kuna ni Ronnie.

Sagutin ang mga tanong ng pangyayari sa kuwento. tama o mali batay sa mga pangyayari sa kuwento.

______1. Sinasabi na ang aso ay isa sa mga pinakamatapat na kaibigan ng tao.

• A. TAMA

• B. MALI

2. Malayo sa kanilang trabaho ang tirahan ng mag-asawa.

• A. TAMA

• B. MALI

3. Maraming kamag-anak ang kasama ng mag-asawa sa kanilang tahanan.

• A. TAMA

• B. MALI

4. Hiniling ng ginang sa asawa na ibili siya ng isang tuta.

• A. TAMA

• B. MALI

5. Maraming itinuro ang mag-asawa sa kanilang alagang aso.

• A. TAMA

• B. MALI

Piliin ang kaugnay na kaisipan ng salitang nakasalangguhit sa pangungusap.

6. Napakatumal ng benta ko sa palengke. _______ ang mga mamimiling bumibili ng aking paninda.

• a. marami

• b. kakaunti

7. Nahinto ang pagdidili-dili ni Rose nang malakas na tumunog ang dorbel. Kasalukuyan noong siya'y _______ tungkol sa balak nilang pag-alis sa bansa.

• a.nag-iisip nang malalim

• b.nangangarap nang gising

8. Si Benjo ay tinapik-tapik ng kapitan sa balikat habang inilalahad ang magandang balita. ________ ang bata pero nagulat siya sa sinabi ng matanda.

• a.Sobrang nasaktan

• b.Hindi nasaktan

Sino-sino ang mga nagpapakita ng pagmamahal at pagmamalasakit sa mga kaanak?

9. Kakaunti ang ulam na pagsasaluhan ng magkakapatid. Tiniyak ni Roy na busog na ang maliliit niyang kapatid bago siya kumain.

• a. oo

• b. hindi

Sino-sino ang mga nagpapakita ng pagmamahal at pagmamalasakit sa mga kaanak?

10. Nabigyan si Ric ng pera ng kaniyang ninong. Nang siya'y umuwi, inabutan niyang asin ang ulam ng kaniyang pamilya. Umalis siya at kumain sa isang karinderya.

• a. oo

• b. hindi