Қазақ Автономиялық Кеңестік Социалистік Республиканың құрылуы

Уақытша басқару органдары - облыстар, уездер мен болыстарды басқару бойынша төтенше өкілеттіліктерді иеленген орган

• Халық комиссарлар кеңесі

• КСРО халық шаруашылығын басқару комитеті

• КСРО министрлер кеңесі

• Революциялық комитет

Answer explanation

Комитеттер кеңестік үкіметтің кейінге қалдыруға болмайтын мәселелерін шеше бастады. Ревкомдар ауылдық және селолық Кеңестердің бірігуіне сайлаулар өткізуге көмектесті, уездік және облыстық орталықтарда арнаулы дайындықтан өткен нұсқаушыларды тағайындады.

Орал облысы ауылдары мен селоларында кеңес өкіметін ұйымдастыруда үлкен рөл атқарды

• Ә.Бөкейханов

• Ә.Әйтиев

• И.Калинин

• С.Пестковский

РКФСР ХКК Қырғыз(Қазақ) өлкесін басқару үшін Қырғыз(Қазақ) Революциялық комитетін құру туралы жарғы шығарылған жыл

• 1919

• 1918

• 1920

• 1921

Answer explanation

Негізі бұл сұрақ Казревком қашан құрылды деп келуі мүмкін. 100 датаға кірмесе де, үнемі келіп жүрген сұрақ. Сол себепті біліп жүрейік!

Казревкомның алғашқы төрағасы

• В.Лукашев

• Ә.Жангелдин

• С.Пестковский

• М.Тұнғаншин

Answer explanation

Қазақ революциялық комитеті, Қазревком – Кеңес өкіметінің азамат соғысы жылдарында құрылған уақытша органы. Қазақ өлкесін басқару үшін РКФСР ХКК-нің “Қырғыз өлкесін басқару жөніндегі уақытша әскери-революциялық комитет туралы” қаулысы бойынша 1919 жылы 10 шілдеде құрылған. Оның алғашқы құрамына: С.Пестковский (төраға), А.Байтұрсынов, В.Лукашев, Ә.Жангелдин, М.Тұнғашин, С.Меңдешев, Б.Қаратаев кірді. Әр түрлі уақытта Қазақ ревкомының мүшесі болып Ә.Әйтиев, С.Арғыншиев, А.Авдеев, Ғ.Әлібеков, Б.Қаралдин еңбек етті. Қазревком “Өлкені жоғары әскери-азаматтық басқаруды” өз қолына жинақтап, қазақ халқының мемлекеттігін құру мақсатында өлке Кеңестерінің Құрылтай съезін шақыруға жағдай жасады. Шын мәнінде ревком өкіметтің Қазақстандағы осынау төтенше органының әр түрлі саладағы орасан көп жұмысты атқаруына, Қазақстан Кеңестерінің Құрылтайшы съезін әзірлеп, өткізуіне тура келді. Азамат соғысының қиын да күрделі жағдайы Қазревкомның төтенше жағдайда жұмыс істеуін талап етті. Қазревком қызметінің әскери-азаматтық сипатын осы соғыс анықтап берді. Қазревкомның басқа бір маңызды міндеті – қазақтың байырғы жерін бір қолға жинау, яғни болашақ қазақ кеңес мемлекетінің аумақтық тұтастығын қамтамасыз ету болып табылды. Сонымен бірге Қазревком армияны азық-түлікпен қамтамасыз ету, астықты және басқа да тамақ өнімдерін Орталыққа, Түркістан АКСР-на жеткізу яғни “соғыс коммунизмі” саясатының басты мәселесін шешу ісімен айналысты. Қазревком 1919 жылы шілдеден бастап 15 ай бойы жұмыс істеді. Сол уақыт ішінде Қазревком қазақ елінің кеңестік автономиясын жария етуге байланысты қыруар әзірлік жұмыстарын жүзеге асырды.

Казревкомның баспасөз органы

• Қазақ газеті

• Айқап журналы

• Ұшқын газеті

• Пікір газеті

Казревком жұмыс істеген мерзімі

• 1 жыл

• 15 ай

• 9 ай

• 3 ай

Түркістан АКСР-і құрылған жыл

• 1918

• 1919

• 1920

• 1921

Answer explanation

100 датаға кірмейді. Бірақ негізі өте маңызды дата. 1918 жылы Түркістан автономиясы жойылып,оның орнына осы Түркістан АКСР-і құрған екен

Қырғыз(Қазақ) АССР-і құрылды

• 1920 жылы 26 тамыз

• 1919 жылы 21 желтоқсан

• 1920 жылы 10 шілде

• 1921 жылы 4 наурыз

Answer explanation

ЖАТТАП АЛАМЫЗ!

1920 жылдың 26 тамызында М.И.Калинин мен В.И.Ленин "Қырғыз(Қазақ) Автономиялық Кеңестік Социалистік Республикасын" құру туралы жарғыға қол қойды.

Қазақ АКСР-нің алғашқы астанасы

• Қызылорда

• Орынбор

• Семей

• Ақмола

ҚАКСР(Қазақ Автономиялық Кеңес Социалистік Республикасы) кеңестерінің Құрылтай съезіне қатысқан Қазақстан депутаттарының саны

• 273

• 356

• 140

• 222

Answer explanation

273 депутат пен Алтай губерниясының 6 делегаты қатысты. Құрылтай съездің делегаттары болған Алашорда қайраткерлері(Ә.Бөкейханов, Ә.Жангелдин, С.Мендешев) оның тәртібін және мәселелерін талқылаған.