Завуся я толькі – Янка Купала…

Якое сапраўднае імя Янкі Купалы?

• Цімох Васілевіч Крысько

• Канстанцін Міхайлавіч Міцкевіч

• Іван Дамінікавіч Луцэвіч

Гэтага беларускага пісьменніка без перабольшвання называюць хросным бацькам Янкі Купалы ў літаратуры, бо менавіта ён пераканаў маладога паэта пісаць на беларускай мове.

• Вінцэнт Дунін - Марцінкевіч

• Ядвігін Ш.

• Альгерд Абуховіч

15 мая 1905 г. у мінскай газеце “Северо-Западный край” упершыню быў надрукаваны гэты верш Янкі Купалы, напісаны на беларускай мове, што ў той час было смелым крокам, бо мова знаходзілася пад забаронаю.

• “Я мужык, беларус…”

• “Малітва”

• “Мужык”

Гэты верш Янкі Купалы ўваходзіць у школьную праграму і перакладзены на 82 мовы свету. Упершыню ён быў апублікаваны ў зборніку “Жалейка”

• “Беларус”

• “А хто там ідзе?”

• “Выйдзі”

Выбар псеўданіма паэт звязаў са святам Купалле.

А які псеўданім быў у яго першапачаткова?

• Ясь Купала

• Янук Купала

• Ян Купала

Гэты верш Янкі Купалы ўвайшоў не толькі ў гісторыю літаратуры, але і ў гісторыю Вялікай Айчыннай вайны. У ваенны час ён шмат разоў перадрукоўваўся як брашура, размнажаўся як плакат, скідываўся над беларускімі лясамі як лістоўка. Радкамі верша радыёстанцыя “Савецкая Беларусь” пачынала і заканчвала ў ваенны час сваё вяшчанне.

• “Зноў будзем шчасце мець і волю”

• “На Гітлера-звера”

• “Беларускім партызанам”

Па матывах паэмы Я. Купалы “Магіла льва” ў 1971 г. кінастудыяй “Беларусьфільм” быў зняты аднайменны мастацкі фільм.

У раёне якога старадаўняга горада адбываліся асноўныя здымкі на Магілёўшчыне?

• Крычаў

• Шклоў

• Быхаў