Վարչական դատավարություն

Վարչական դատավարությունում կիրառական նշանակություն ունեցող ի՞նչ բառակապակցություն է հիշեցնում այս պատկերը։

(a)  

Նշվածներից ո՞ր տարբերակն է դուրս փաստական հանգամանքներն ի պաշտոնե (ex officio) պարզելու սկզբունքի պատճառաբանությունից։

• Դատարանն առաջարկում է ճշտել ոչ հստակ հայցային պահանջները։

• Դատարանը կաշկանդված չէ վարչական դատավարության մասնակիցների ներկայացրած ապացույցներով։

• Դատարանը կաշկանդված չէ վարչական դատավարության մասնակիցների ներկայացրած միջնորդություններով։

• Դատարանը միացնում է միմյանց հետ փոխկապակցված մի քանի պահանջներով գործը։

Ի՞նչ արտահայտությամբ են պարտավոր դատավարության մասնակիցները և այլ անձինք դատարանին դիմել վարչական դատավարության շրջանակներում։

• <<Հարգելի դատարան>>

• <<Մեծարգո դատարան>>

• <<Հարգարժան դատարան>>

• <<Պատվարժան դատարան>>

Վարչական դատավարության վերաբերյալ ներքոնշյալ պնդումներից քանի՞սն են ճիշտ։

1) Դատարանը պարտավոր է ապահովել, որ կողմերն ունենան հավասար հնարավորություններ գործի քննության ամբողջ ընթացքում։

2) ՀՀ֊ում վարչական դատավարության լեզուն հայերենն է։

3) Վարչական դատարանին ընդդատյա են հանրային իրավահարաբերություններից ծագող բոլոր գործերը։

4) Վարչական վերաքննիչ դատարանում գործն ըստ էության լուծող վարչական դատարանի դատական ակտի դեմ բերված բողոքները քննվում են կոլեգիալ։

• 2֊ը

• 3֊ը

• 1֊ը

• Նշված բոլոր պնդումները ճիշտ են։

Կատարել համապատասխանեցում։

1) Հայցադիմումը ստորագրված չէ

2) Գործի քննության ընթացքում պարզ է դառնում, որ հայցադիմումի պահանջն ընդդատյա չէ այն քննող դատարանին։

3) Հայցը ենթակա չէ դատարանում քննության։

ա) հայցադիմումի ընդունումը մերժել

բ) հայցադիմումը վերահասցեագրել

գ) հայցադիմումը վերադարձնել

դ) հայցադիմումը վարույթ ընդունել

• 1)֊դ), 2)֊բ), 3)֊ա)

• 1)֊դ), 2)֊գ), 3)֊բ)

• 1)֊գ), 2)֊բ), 3)֊ա)

• 1)֊գ), 2)֊բ), 3)֊դ)

... պարագայում վիճարկման հայցի վարույթ ընդունելը չի կասեցնում վիճարկվող վարչական ակտի կատարումը մինչև այդ գործով գործն ըստ էության լուծող դատական ակտի օրինական ուժի մեջ մտնելը։

• Կատարողական վարույթի ընթացքում հարկադիր կատարողի կողմից կայացված վարչական ակտի վիճարկման

• Տրանսպորտային միջոցներ վարելու իրավունքը կասեցնելու որոշման վիճարկման

• Արտակարգ դրության իրավական ռեժիմի կանոնների խախտման համար նշանակված վարչական տույժ նշանակելու վերաբերյալ վարչական ակտի վիճարկման

• Համայնքային սեփականության գոտում գտնվող ինքնակամ կառույցի քանդման մասին վարչական ակտի վիճարկման

... հայցով հայցվորը կարող է պահանջել ընդունել այն բարենպաստ վարչական ակտը, որի ընդունումը մերժել է վարչական մարմինը։

• Վիճարկման

• Պարտավորեցման

• Գործողության կատարման

• Ճանաչման

Լրացնել բաց թողնված բառը։

Հակընդդեմ հայց չի կարող ներկայացվել ... և պարտավորեցման հայցերով, ինչպես նաև սույն օրենսգրքի 26֊րդ և 28֊րդ գլուխներով նախատեսված գործերով։

(a)  

Վկայի խաչաձև հարցաքննության ընթացքում ուղղորդող հարցերը ...

• թույլատրվում են։

• չեն թույլատրվում։

• թույլատրվում են, բացառությամբ սույն օրենսգրքի 52֊րդ հոդվածով նախատեսված դեպքերի։

• թույլատրվում են՝ կախված վկայի տրամադրությունից։

Ինչի՞ց են կազմված դատական ծախսերը վարչական դատավարությունում։

• հայցագնից, պետական տուրքից և դատավարության մասնակիցների ներկայացուցիչների վճարներից

• հայցագնից, դատավարության մասնակիցների փոստային ծախսերից և պետական տուրքից

• հայցագնից, պետական տուրքից և գործի քննության հետ կապված այլ ծախսերից

• պետական տուրքից և գործի քննության հետ կապված այլ ծախսերից