quiz bahasa sunda

Baca ungkara dongéng di handap!

     Tuluy maranéhna arindit babarengan ka tempat tangkal cau téa. Sakadang Monyét tuluy naék, metikan hiji-hiji bai ditungtut dihakanan. Sakadang Kuya mah teu dibéré sapotong-potong acan, atuh bati cumeplak neureuyan ciduh.

     “Sakadang Monyét, mana bagéan uing? Kapan geus jangji paparoan?” ceuk Sakdang Kuya ngagorowk.

     Tapi Sakadang Monyét teu maliré, jongjon baé metikanjeung ngadaharan, kalah malédogan ku cangkangna.

     Nurutkeun sempalan dongéng di luhur, palaku antagonisna ngabogaan watek….

• jalir jangji

• sarakah

• someah

• pinter

• tambahan

Ngajén atawa meunteun kana hiji karya, saperti buku, pilem, konser, jeung pintonan drama, disebutna…

• apresiasi

• resensi

• ekspresi

• kritik

• esey

Sakumaha pilem Indonesia séjénna, pilem Soekarno masih ngasongkeun galur carita anu gampang diteguh atawa abari katebak ku anu lalajo. Asa jauh kenéh jeung anu meulit tur ngarancabang kawas dina pilem-pilem Hollywood. Kitu deui tokoh Soekarno, loba digambarkeun ngemu kabingung (gloomy). Katurug-turug éfék cahaya pilem anu kalolobanana poék lantaran ngaluyukeun kana latar taun 40-an, kesan Soekarno ngemu kabingung leuwih katara.

Kaasup kana naon struktur résénsi naon sempalan diluhur téh…

• kaonjoyan

• tilikan eusi

• kahengkeran

• panutup

• sinopsis

Perhatikeun naskah paguneman di handap!

Sawala Nataharkeun Kagiatan Sakola

Naufal : “Luyu rarancang awal, poe ieu urang sawalakeun ngeunaan materi naon wae nu bakal dipasanggirikeun dina kagiatan PORSAK (Pekan Olahraga dan Seni Antar Kelas) semester ayeuna. Saha nu rek nepikeun kamandang?”

Andi : “Materi olahraga mah geus we pertandingan futsal. Mun materi seni, kumaha lamun pasanggiri nembangkeun pupuh.”

Indra : “Sigana mun futsal mah leuwih cocog keur barudak lalaki, ari barudak awewena kumaha?”

Andi : “Yeh, lalaki awewe ge bisa. Geura engke mun geus prungna bakal leuwih rame nempo barudak awewe”

Indra: “Ah, urang mah teu satuju. Kumaha mun barudak awewe mah geus we pertandingan voli?”

Tyas: ”Enya Dra, sigana alus keneh voli keur awewe mah”

Lamun ditingali tina paguneman di luhur, kalimah anu condong nuduhkeun tugas Naufal jadi Panumbu catur nyaeta bagean...

• Nganuhunkeun ka pamilon anu hadir

• Ménta dihampura bisi cara mingpin diskusi loba kakurangan

• Nepikeun masalah anu rék didiskusikeun

• Nyapih nu padungdengan sangkan tartib

• Mungkas diskusi jeung nepikeun salam panutup

Cik titénan mana anu kaasup méré waktu ka narasumber pikeun medar matéri...

• Dina ieu kasempetan narasumber, Bapa Udin Supidin, ahli dina widang kaséhatan lingkungan, badé medar matéri ngeunaan ‘Ngajaga Kaberesihan jeung Kaséhatan Lingkungan’.

• Tah, mangga ayeuna ka pamilon ieu diskusi bisi aya anu can paham atawa panasaran kumaha ngajaga kaberesihan lingkungaan, dipasihan waktu kanggo ngadugikeun pertanyaan ka narasumber. Tong hilap sebutkeun nami sareng ti mana asal.

•  Assalam’ualaikum wr. Wb. Sampurasun! Ti payun urang sanggakeun puji sareng sukur ka Gusti Nu Maha Suci anu tos masihan kaséhatan ka urang sadaya.

• Supados ieu acara lumangsung kalawan kalancaran, sim kuring Asép Soléhudin, badé ngamoderatoran atanapi jadi panumbu catur dugi ka réngséna. Ka Bapa Udin Supidin sumangga dihaturanan kanggo ngabahas matéri salami 10 menit.

Di tatar Sunda, aya nu disebut upacara adat ‘siklus hirup’, nyaéta upacara adat nu dilaksanakeun ti mimiti jalma di jero kakandungan tepi ka maotna. Di handap ieu, mana nu teu kaasup kana upacara adat siklus hirup…

•   Adat ngabubur beureum bubur bodas pikeun orok nu kakara borojol

• Adat 7 bulanan pikeun saurang awéwé nu keur kakandungan

• Adat nyepitan pikeun saurang budak lalaki nu disunatan

• Adat nikahkeun pikeun saurang awéwé jeung lalaki nu rék kawin

• Adat sérén taun pikeun tandaning rasa sukur masarakat kana hasil tani

Pék ilo sempalan carita pantun di handap!

Bul kukus mendung ka manggung

Ka manggung neda papayung

Ka dewata neda suka

Ka pohaci neda suci

Kuring rek diajar ngidung

Nya ngidung carita pantun

Dina carita pantun, cutatan di luhur disebut…

• Rajah panutup

• Rajah pamuka

• Dialog

• Monolog

• Deskripsi

Sangkan narik perhatian panongton, nalika keur biantara salian ti lentong jeung lafal omongan urang kudu jelas, sora urang oge kudu…

• Tatag, bedas, jeung jéntré

• Sakapeung kudu halon jeung halimpu

• Haharéwosan

• Gogorowokan

• Ngagalendeng jeung ngawirahma

Mana anu saluyu, nuduhkeun bébédaan antara Carita Wayang India jeung Carita Wayang Sunda…

• Aya tokoh Punakawan (Semar, Cépot, Déwala, Garéng), rékaan anu tujuanna pikeun ngawakilann rayat leutik, jeung euweuh tokoh punakawan.

• Dorna téh guru pandawa jeung Kurawa, tapi pasipatanana jahat, julig, tur sok ‘ngadudombakeun’ Pandawajeung Kurawa, jeung Dorna téh guru Pandawa jeung Kurawa nu wijaksana jeung dipihormat.

• Gatotkaca lain tokoh penting tur galur hirupna réa teu kacaritakeun. Ukur lahir, boga kasaktian, jeung perlaya dina Bratayuda, jeung Gatotkaca téh tokoh penting, pahlwan nagara Amarta, jeung réa dicaritakeun dina Mahabarata.

• Srikandi téh awéwé geulis, adina Drupadi, jeung pamajikan Arjuna, jeung Srikandi lain awéwé sampurna, lanceukna Drupadi, jeung lain pamajikan Arjuna.

Bapa         : Mayang, cik punten pangmukakeun jandéla! Asa rada ngekeb kieu nya.

Mayang    :           …

Kalimah nu merenah pikeun ngalengkepan paguneman di luhur nyaéta…

• Muhun mangga pa, mung ieu téh rada seuseut muka jandélana

• Embung ah pa, Mayangna horéam usik

• Teu bisa dibuka jandéla nu éta mah pa

• Tah ka si Rini wé pa nitahna, Mayang mah teu bisa mukana

• Naha ari bapa bet nitah ka Mayang?