Katapatan review

1. Si Manuel ay isa sa kinikilalang mag-aaral na magaling sa pasulat na pagsusulit. Minsan nahuli siyang may kodigo sa pagsusulit at nalaman ito ng kaniyang mga kamag-aral. Ano ang maaaring ibunga nito kay Manuel kaugnay ng pagtingin sa kaniya na isang magaling na mag-aaral?

• Hindi na siya pagbibigyang makakuha ng pagsusulit.

• Mas malakas ang loob ng iba na mangodigo upang maging magaling na mag-aaral.

• Hindi na siya paniniwalaan at pagkakatiwalaan

• Hindi na siya kakaibiganin ng mga mag-aaral.

mula sa bilang na 2-5.Tukuyin kung anong uri ng pagsisinungaling ang isinabuhay ng mga tao sa sumusunod na sitwasyon. Piliin ang pinakaangkop na sagot mula sa pagpipilian.

2. Ipinagkakalat ni Flor na ampon ang kanyang kaklase kahit na ito ay hindi naman totoo. Naiinggit kasi siya rito dahil maraming tao ang nais na makipagkaibigan sa huli.

• Pagsisinungaling upang pangalagaan o tulungan ang ibang tao

• Pagsisinungaling upang isalba ang sarili upang maiwasan na mapahiya, masisi o maparusahan

• Pagsisinungaling upang sadyang makasakit ng kapwa

• Pagsisinungaling upang protektahan ang sarili kahit pa makapinsala ng ibang tao

3. Pinatatawag sa paaralan ang magulang ni Joey dahil sa isang paglabag sa panuntunan sa paaralan. Sa takot na mapagalitan, humanap siya ng ibang kakilala na magpapanggap na magulang niya.

• Pagsisinungaling upang pangalagaan o tulungan ang ibang tao

• Pagsisinungaling upang isalba ang sarili upang maiwasan na mapahiya, masisi o maparusahan

• Pagsisinungaling upang sadyang makasakit ng kapwa

• Pagsisinungaling upang protektahan ang sarili kahit pa makapinsala ng ibang tao

4. Kilala si Angelo sa kaniyang labis na pagiging madaldal sa klase. Madalas na nahuhuli siya ng kaniyang guro na hindi nakikinig sa klase at sa halip ay kinakausap at ginagambala ang kaniyang kaklase. Kapag siya ay nahuhuli ng guro sinasabi niya na nadadamay lamang siya dahil palagi siyang kinakausap ng kaklase.

• Pagsisinungaling upang pangalagaan o tulungan ang ibang tao

• Pagsisinungaling upang isalba ang sarili upang maiwasan na mapahiya, masisi o maparusahan

• Pagsisinungaling upang sadyang makasakit ng kapwa

• Pagsisinungaling upang protektahan ang sarili kahit pa makapinsala ng ibang tao

5. Pumunta kayo sa kaarawan ng isang kaklase kasama ang inyong mga kaibigan. Hindi nakapagpaalam sa kaniyang mga magulang ang iyong matalik na kaibigan dahil alam niya na hindi naman siya papayagan. Ngunit dahil napasarap sa pakikipag kwentuhan, hindi na ninyo namalayan na gumagabi na pala. Alam mo na pagagalitan siya ng kaniyang mahigpit na ama.Kung kaya kinausap ka niya upang magsinungaling sa mga ito upang sabihin na ginabi kayo dahil sa paggawa ng proyekto sa inyong bahay. Ginawa mo ito dahil ayaw mong mapahamak ang iyong kaibigan.

• Pagsisinungaling upang pangalagaan o tulungan ang ibang tao

• Pagsisinungaling upang isalba ang sarili upang maiwasan na mapahiya, masisi o maparusahan

• Pagsisinungaling upang sadyang makasakit ng kapwa

• Pagsisinungaling upang protektahan ang sarili kahit pa makapinsala ng ibang tao

6. Ang sumusunod ay mga dahilan sa pagsasabi ng totoo maliban sa:

• Mas magtitiwala sa iyo ang iyong kapwa

• Ang pagsasabi ng totoo lamang ang magtutulak sa iyo upang makaramdam ng seguridad at kapayapaan ng kalooban

• Ang pagsasabi ng totoo ang magsisilbing proteksyon para sa isang tao hindi upang masisi, maparusahan at masaktan

• Hindi mo na kinakailangang lumikha pa ng maraming kasinungalingan para lamang mapanindigan ang iyong nilikhang kuwento

Mula sa bilang na 7-10. Tukuyin kung anong pamamaraan ng pagtatago sa katotohanan ang ipinakikita sa sumusunod na sitwasyon. Piliin ang pinakaangkop na sagot mula sa sumusunod na pagpipilian.

7. Kahit na nasasaktan dahil sa pamimilit ng hindi kilalang tao na sabihin niya ang lugar kung nasaan ang kaniyang ama ay hindi pa rin nagsalita si Alvin.

• Pag-iwas

• Pananahimik

• Pagtitimping Pandiwa (Mental Reservation)

• Pagbibigay ng salitang may dalawang kahulugan

8. Sinabi ni Joy sa kaniyang Ina na pupunta siya sa bahay ng kaniyang kaibigan ngunit hindi niya sinabi rito na malayo ang tirahan ng mga ito dahil alam niyang hindi siya papayagan ng mga ito.

• Pag-iwas

• Pananahimik

• Pagtitimping Pandiwa (Mental Reservation)

• Pagbibigay ng salitang may dalawang kahulugan

9. Hindi tuwirang sinagot ni Ramil si Rene nang tanungin siya nito kung may gusto siya kay Charmaine. Sa halip ay sinagot niya ito na magdadala kay Rene na mag-isip nang malalim at ang kaniyang sagot ay maaaring mayroong dalawang kahulugan.

• Pag-iwas

• Pananahimik

• Pagtitimping Pandiwa (Mental Reservation)

• Pagbibigay ng salitang may dalawang kahulugan

10. Iniiba ni Leo ang usapan sa tuwing tatanungin siya sa tunay niyang damdamin para sa kaniyang mga magulang na matagal na nawala at hindi niya nakasama . Mas ipinaramdam na lamang niya rito na siya ay nasasaktan sa kaniyang tanong sa halip na sabihin niya rito ang tunay niyang nararamdaman.

• Pag-iwas

• Pananahimik

• Pagtitimping Pandiwa (Mental Reservation)

• Pagbibigay ng salitang may dalawang kahulugan