Paggamit ng Iba't-Ibang Pangungusap sa Pagkilatis ng Produkto

Napanood mo sa telebisyon na bababa ang presyo ng mga de-lata. Sumama ka sa iyong ina na mamili sa grocery. Napansin mo na tila mataas pa rin ang mga presyo ng mga de-lata. Ano ang maaari mong ipahayag sa tindera?

• A. Saan galing ang mga paninda ninyo?

• B. Pakitingin kung ang mga paninda ninyo ay expired na.

• C. Aba! Doble ang presyo ng mga paninda ninyong de-lata.

• D. Bakit po mataas pa rin ang presyo ng mga de-lata na paninda ninyo?

Si Janela ay nagpagawa ng baro’t saya. Maganda ang pagkakaburda nito ngunit maluwag pa ito sa kaniya. Paano niya ito sasabihin sa mananahi nang maayos?

• A. Wow! Napakaganda ng pagkakaburda ng baro at saya.

• B. Pakiayos pong muli ang baro at saya sapagkat maluwag ito sa akin.

• C. Ano pong materyales ang ginamit ninyo sa paggawa ng tela?

• D. Ang telang ginamit sa baro at saya ay gawa sa hibla ng pinya.

Mula sa naipong pera, naisip ni JD na bumili ng laruang ireregalo sa kaarawan ng kapatid na babae. Alin sa mga sumusunod na pahayag ang nagpapakita upang malaman kung ligtas ang mga laruang pambata?

 

• A. Wow! Ang ganda naman ng manikang ito.

• B. Maaari po bang ikuha ninyo ako ng manikang sumasayaw.

• C. Bakit po mababa ang presyo ninyo sa mga laruang pambata?

• D. Ang laruang ito ang pipiliin ko, dahil wala itong maliliit na bahagi na maaaring malunok ng aking kapatid.

May napadaan na nagtitinda ng sorbets sa inyong lugar. Tuwang-tuwa ka dahil matagal ka na ring hindi nakakatikim nito. Paano mo kikilatisin ang mga panindang sorbetes ng tindero?

• A. Ano-ano pong sangkap ang ginagamit ninyo sa paggawa ng sorbetes?

• B. Mayroon po ba kayong cheese flavor?

• C. Wow! Iba’t ibang lasa ng sorbetes ang paninda ninyo.

• D. Manong, magkano po ang paninda ninyong sorbetes?

Si Heinz ay naghahanap ng bag na magagamit niya sa darating na pasukan. Alin kaya sa mga sumusunod na pahayag ang nagpapakita ng tamang pagkilatis ng isang produkto?

• A. Maaari bang limang daang piso na lamang ang bag na ito?

• B. Alin po sa mga klase ng bag na iyan ang may pinakamagandang disenyo?

• C. Maraming gamit po ba ang puwedeng mailagay dito?

• D. Itong bag na ito ang bibilhin ko dahil ito ang may pinakamababang presyo.