Оқу сауаттылығы for teachers

Бір күні судың жағасына шығып қалған шаянды құтқару үшін тырысып жатқан адамды көріп:

- Сен неге оған көмектесіп жатсың? Ол сені шақты емес пе? - деген екен. Сол кезде әлгі адам:

- Шаянның табиғатында шағу бар, ал менің табиғатымда сүю бар. Олай болса мен неге оған көмектеспейін? - деген екен.

Мәтіннен не түюге болады?

• Таудың басын көр де, басына барма

• Не ексең соны орасың

• Маған үрген итке мен де үрсем, адамшылығымнан не қалады?

• Иілгенге иіл, маңдайың жерге тигенше

  Шалқайғанға шалқай,

  төбең көкке жеткенше

• Кең болсаң, кем болмайсың.

  Қолы ашықтың, жолы ашық.

Түйе сүтінен әртүрлі тағамдар жасалады. Одан құрт, май, ірімшік әзірленеді. Шұбаты әрі сусын, әрі тамақ. Әсіресе емдік қасиеті күшті.

Мәтіннің қай түрі екенін анықтаңыз.

• Сипаттау

• Пайымдау

• Әңгімелеу

• Баяндау

• Суреттеу

Әжесі немересіне:

- Балнұржан, айқайлама. Ашу шақырып ешкіммен ұрсыспа!

Немересі:

- Онда не болады?

- Онда ма, онда ашу киіліккен соң, ақылың қашып кетеді. Ақылсыз істелген істе береке, қайыр болмайды, уақытың зая кетеді.

Жоғарыда берілген мәтінде қандай мәселе сөз болғанын көрсетіңіз.

• Немересінің тәрбиесін талқылау

• Қатты дыбыстың құлаққа зияны

• Ашудың зияны

• Қатты сөйлеудің ақылсыздыққа жататындығы

• Шыдамсыздықтың залалы

Бір күні Дәуіт пайғамбар Лұқман хакімнен:

- Адамның ең жақсы еті қайсы? - деп сұраса

- Тілі мен жүрегі, - депті

-Ал ең жаманы қайсы дегенде қайтадан тілі мен жүрегін көрсетіп, бұл екеуі жақсы болса адам жақсы, бұл екеуі бұзылған болса, адам да бұзылған, - депті

Мәтінде кездеспейтін дене мүшелерін көрсетіңіз.

• 
• 
• 
• 
• 

 

Кітапқа байланысты мақалды көрсетіңіз.

• Кітаптың сыртына қарап ішін бағалама

• Оқысаңдар балалар,

  Шамнан шырақ жағылар

• Оқу инемен құдық қазғандай

• Күш білімде, білім кітапта

• Тәрбиесіз алынған білім адамзаттың қас жауы

Бір Аллаға сиынып,

Кел, балалар, оқылық,

Оқығанды көңілге,

Ықыласпен тоқылық.

Асты сызылған сөзбен ауыстыруға келмейтін нұсқаны көрсетіңіз.

• Ниет

• Махаббат

• Байыптылық

• Ынта

• Құштарлық

Асханада жұмыс істеймін. Бүгін таңертең бір азамат келді. Кассадағы кезегі жеткен соң «Менің артымда тұрған қыздың кофесін мен төлеп кетейін. Менен оған «Қайырлы күн!» тілей салыңызшы» деді. Ол кеткен соң қыз оның қылығына таң қалды. Көп ойланбастан өзінен кейін тұрған адамға ол да солай жасады. Осылай бес адам бірінен соң бірінің кофесін төледі! Жақсы күн болды!

Мәтіннің тірек сөздерін көрсетіңіз.

• Кофе, ақша, күн.

• Кезек, күн, төлеу.

• Асхана, қыз, кофе.

• Жұмыс, таңертең кофе.

• Кофе, кезек, төлеу.

Сауда орталығында құрбым екеуміз қыдырып жүрген едік. Жарнаманың викториналық ойынына қатысып, жұмсақ ойыншық ұтып алдық. Жанымызда ақыл-есі кемдеу баласын жетектеп жүрген бір әке болды. Біз ойыншықты сол балаға беріп кеттік. Ол бізге «рақмет» деді. Әкесі соны естіп жылай жаздады. Баласы сөйлей алмайды екен.

Бала қандай еді?

• Зағип

• Мылқау

• Керең

• Сал

• Сақау

Рональд Уэйн - Apple Computer негізін қалаушы үш адамның бірі. Уэйн компанияның бірінші логотипін жасап шыққан және Apple-ге бірінші нұсқауды жазып шығыпты. 1976 жылы Уэйн Apple-дегі он пайыздық үлесін небәрі 800 долларға сатып жіберіпті. Бүгінде ол шамамен 35 миллиард тұратын еді. Қазір Уэйн зейнеткер. Ол ештеңеге өкінбейтінін айтады.

Рональд неше жыл бұрын өз үлесін сатқан еді?

• 1976 жылы

• 44 жыл

• 45 жыл

• 2012 жылы

• 46 жыл

Әйтімбет деген сөзге шешен кісі болыпты. Бірде оның замандастары:

- Достық нешеу? - деп сұрапты.Сонда Әйтімбет тұрып:

- Қазақстан бойынша 25, - депті

- Әй, ондай емес кәдімгі "достық" туралы сұрадым, - десе:

- Аа, олай болса, достық екі түрлі болады. Бірі - адал достық, екіншісі амал достық. Оны қалай ажыратамыз десеңіздер, адал достық өмірлік нұсқа болады, амал достықтың өрісі қысқа болады, - деп жауап берген екен.

Асты сызылған сөйлемнің мағынасын көрсетіңіз.

• Ұзаққа созылады

• Аяғына дейін жалғасады

• Алысқа барады

• Көпке бармайды

• Берекесіз болады