Jullig kuy tukki

Mansour Tuubaa la dëkk. Lundi mu tukki Tambaa ngir liggéeyam. Samedi lay dellu Tuubaa. Mansour dafay wàññi julli yi ba keroog muy ñibbi.

• Dëgg la !

• Du dëgg !

Answer explanation

Mansour du wàññi ndax lu ëpp 20 waxtu dina ko fekk Tamba. Walla boog nga ni dina def Tamba lu ëpp 4 jours.

Modou day tukki. Samba tukki wul. Tisbaar jot, Samba bëgg Modou jiite ko. Lan mooy àtte li Samba bëgg ?

• Bu fekke Modou dafay wàññi, lu ñu sib la.

• Dara nekk u ci.

• Dafa haraam.

• Dañuy waxtaan ba juboo rekk.

Answer explanation

Diggante kuy tukki ak ku tukki wul sib na ñu kenn ci ñoom jiite moroomam.

Aïcha dafa tukki tukki bu dagan. Muy julli Tàkkusaan am yéene wàññi waaye mu matal def 4 ràkka. Nu muy def ?

• Julli gi baax na. Dara waru ko.

• Dafay def bahda salaam bu fekke dafa fàtte.

• Bu fekkee moo ko tay, julli gi baaxul.

• Dafay baamu abadan !

• Soppu na nu mu baamu.

Answer explanation

- Kuy julli amoon yéene wàññi waaye mu tay ko daal di matal, julli gi baaxul ndax yéene gi ak jëf ji dañoo woroo (l'intention et l'action sont disjointes).

- Waaye su fekkee ni dafa juum matal, kon dafay def bahda salaam rekk.

- Soppu na nu mu baamu.

Imaam dafay wàññi. Bi mu defee 2 rakkas, daal di jog ngir def beneen rakka. Mustafaa sàbbaal ko waaye imaam dellusi wul. Mustafaa toog di ko xaar. Saaliw moom jog ànd ak imaam. Khadija moom daaldi sëlmal ndax dafa nekk ci tukki bu dagan wara wàññi.

• Khadija julleem baaxul.

• Mustafaa julleem baax na.

• Mustafaa julleem baaxul waaye Khadija julleem baax na.

• Saaliw julleem baaxul.

• Imaam dafa wara baamu ci waxtu wi.

Answer explanation

- Khadija julleem baaxul ndax dafa njëkka sëlmal imaam.

- Saaliw julleem baaxul ndax imaam kenn du ko toppu fii ndax dafa amoon yéene wàññi ba ñépp xam ko.

- Imaam moom dafay baamu ci waxtu wi ndax yéene ji ak jëf ji dañoo wuute.

- Mustafaa julleem baax na ndax daa xaar imaam mu sëlmal te toppul imaam ci matal gi.

Mourtalla dafa nekk ci tukki ba Tàkkusaan jot. Ci yoonam, mu gis mbooloo muy julli mu yaakaar ni ñii dañuy wàññi. Mu ànd ak ñoom. Waaye mbooloo mi julli 4 rakkas. Luy àtte jullig Mourtalla bi ?

• Julleem baaxul. Dafay baamu abadan.

• Julleem baax na waaye soppu na ñu mu baamu.

• Julleem baaxul ndax yéene ji ak jëf ji dañoo wuute.

• Julli gi baax na ndax moo ëpp tuyaaba.

Answer explanation

Murtalla dafa yéene woon wàññi. Kon dafay baamu abadan ndax yéene ji ak jëf ji dañoo wuute.

Maymuna dafa tukki woon di ñibbi. Tisbaar ak Tàkkusaan ci yoon wi la ko fekk waaye julli wu leen. Bi mu àgge këram (chez elle), Li des ci waxtu wi mat na 3 rakka. Lu muy def ?

• Dafay matal Tisbaar ak Tàkkusaan.

• Dafay wàññi Tisbaar matal Tàkkusaan.

• Dafay wàññi Tàkkusaan matal Tisbaar.

• Dafay wàññi ñaar yépp.

Answer explanation

Règle à savoir :

Kuy ñibbi fa mu dëkk te julli wul Tisbaar ak Tàkkusaan ci yoon wi. Bi mu agsee (arrivé) li des ci waxtu wi 4 raka ou moins moo ci xaj, dfay wàññi Tisbaar, matal Tàkkusaan.

Ustaaz dafa tukki woon di ñibbisi. Timis ak Gee jot julli wu leen. Bi mu agse këram, li des ci waxtu wi mat na rakka. Lu muy def ?

• Dafay wàññi ñaar yépp.

• Dafay wàññi Timis matal Gee.

• Dafay matal ñaar yépp.

• Dafay matal Timis wàññi Gee.

Answer explanation

Règle :

Kiy ñibbisi te julli wul Timis ak Gee te bi mu agsee këram li des ci waxtu wi 1 rakka ou plus moo ci des dafay matal Timis (Timis kenn du ko wàññi !) wàññi Gee.