Ստորադասական նախադասություն

Ո՞րն է բարդ ստորադասական նախադասություն։

• 1)Գիշերները չի քնում.խիղճը հանգիստ չէ։

• 2)Ավարտվեց այն,ինչ մեզ այդքան տանջել էր։

• 3)Կատուն դուրս եկավ թաքստոցից՝փափկամազ պոչը գետնին քսելով։

• 4)Ես այդպես չէի մտածում,սակայն նրա հետ էլ էի համաձայն։

Տրված նախադասության ստորադասը ի՞նչ շարահյուսական դեր ունի.

Դու,որ զառամյալ ծերունուն խնայելու չափ խիղճ չունես,արժանի չես զորապետի կոչման:

• Ենթակա

• Որոշիչ

• Բացահայտիչ

• Ստորոգելի

Ո՞ր նախադասության ստորադասն է որոշիչ ստորադաս

• Կարծես միտն էր ընկել մի երջանիկ դեպք,որին ականատես են եղել արահետը և հին անտառը:

• Ով հասնում էր այդ կետին,ահով էր նայում ներքևի անդունդին:

• Առաջին կանգնողը,որն Արտաշն էր,հարցրեց գիշերը գնացածների մասին:

• Հիշում էր,թե ինչ սարսափելի մանկություն էր ունեցել:

Ո՞ր նախադասության ստորադասն է անուղղակի խնդիր

• Հոգնած մարդը սթափվում էր,հավաքում այն,ինչ տալիս էին:

• Նա միշտ շրջապատված է նրանցով,ովքեր իրեն ճիշտ են հասկանում:

• Նազարը որ վագրին չի տեսնում,լեղին ջուր է կտրում:

• Եկավ այն օրը,երբ մենք պիտի իրար հրաժեշտ տայինք:

Ո՞ր նախադասությունն է ճիշտ կետադրված:

• Որին խնդրելով,որին տեսնելով հասցրել եմ էստեղ,թե ինչ է բարեկամներս կուշտ մնան:

• Ինձ թվաց,թե հանդեսը տխուր անցավ ու բոլորն էլ այդ զգացին:

• Աննման նժույգն այն է,որ ոտքերը գետնին չի կպցնում,ու ոչ մեկը գետնին հետք չի տեսնում

• Մեր գյուղում եկեղեցու պարսպի կողքին մի հսկա ընկուզենի կա,աշնանը վրան մի քանի ընկույզ:

Ո՞րը շաղկապ չէ:

• թեկուզ

• որպես

• որովհետև

• հենց որ

Ի՞նչ տեսակի ստորադաս նախադասություն չկա:

• տեղի

• անտեղի

• ձևի

• ժամանակի

Ո՞ր նախադասության ստորադասը տեղի չէ:

• Վերջին տարիներին գնացել եմ,ուր սիրտս ուզել է:

• Մեկնեցի քաղաք,ուր շատ աշխատանք կար:

• Աշխարհում որտեղ մի կուշտ կա,այնտեղ հարյուր քաղցած կա:

• Ճանապարհը մեզ տարավ այնտեղ,որտեղից բոլորը հեռանում էին:

Ի՞նչ շարահյուսական պաշտոն ունի տրված նախադասության դերբայական դարձվածը.

Երկար ժամանակ խոնավ տեղում պահելուց տղաների ունեցած մթերքը փչացել էր:

• ժամանակի

• տեղի

• պայմանի

• պատճառի

Ո՞ր նախադասությունը դերբայական դարձված չունի:

• Ամբողջ դահլիճը շունչը պահած նայում էր ներկայացումը:

• Իր տան բանալիներին նայելիս սիրտը մղկտում էր կարոտից:

• Թախտի ծայրին քնած մարդը մեզ ծանոթ թվաց:

• Ձեռքին բռնել էր մի բաժակ մաքուր խմելու ջուր ու կենաց էր ասում: