Складаназлучаныя сказы

1.    Адзначце складаназлучаныя сказы:

• У расчыненыя дзверы цэдзіцца сіняя раніца, і звініць ужо ў парожнім вядры малако.

• Хто ж усё-такі прыходзіць сюды і чым ён займаецца?

• Садзі сады і ў маладосці, і ў старасці.

• Ён любіць толькі самога сябе і то адзін раз у год.

• Узыходзіць сонца, і аж пераліваюцца залатымі бляскамі вадзя­ныя кропелькі на лісці старой вішні

Адзначце складаназлучаныя сказы са спалучальнымі адносінамі:

• Горка часам праца, ды плён ад яе салодкі.

• Бліснула маланка - і дрэва пераламалася.

• І макі даўно адцвілі, і жыта паспела, і водар ранета даносяць да вокнаў вятры.

• Ноччу вечар памалу сціхаў, затое з шумлівай цемрадзі пачаў накрапваць дождж.

• Яшчэ цвітуць мае сады, і свет такі яшчэ дзівосны.

Адзначце складаназлучаныя сказы з супраціўнымі адносінамі:

• Вецер спіць, не прымяўшы калосся, у жыце, ды тужліва шапоча лістота асін.

• Слоў мяшок, а спраў - на вяршок.

• Толькі нягучна пасвістваюць сініцы і каралькі ды нагадвае пра сябе дзяцел.

• Дзікае паляванне памчала далей, а я сеў на зямлю.

• Смачны жабе арэх, ды зубоў бог не даў.

Адзначце складаназлучаныя сказы з размеркавальнымі адносінамі паміж часткамі:

• Хоць бы певень праспяваў ці сабака гаўкнуў.

• Ці то мышка прабяжыць, ці то вавёрачка на зямлю спусціцца.

• Яшчэ некалькі крокаў - і я на самай вяршыні...

• То спёка млее, то дажджыць, то раптам грымне навальніца.

• Блакіт нябёсаў і блакіт пралесак.

Якія характарыстыкі адпавядаюць сказу:

Ні колас на ніве не ўскалыхнецца ні ліст на дрэве не ўзварухнецца.

• Просты сказ з аднороднымі членамі.

• Складаназлучаны сказ са спалучальнымі адносінамі.

• У сказе дзве граматычныя часткі.

• У сказе прапушчана дзве коскі.

• У сказе прапушчана адна коска.