Elemento ng Maikling Kuwento

Anong elemento ng maikling kuwento ang masasalamin sa sumusunod na bahagi ng akdang "Ang Kalupi"

Tanghali na nang makauwi si Aling Marta at nasa daan pa lamang siya ay nakita na niya ang kaniyang anak na nakatanaw sa bintana at hinihintay siya at nang siya ay nasa tarangkahan ay tinanong siya ng kaniyang mag-ama kung saan siya kumuha ng kaniyang ipinamili, sinabi ng ginang na sa kaniyang kalupi ngunit nagtaka ang kaniyang mag-ama at sinabi ng kaniyang asawa na paanong sa kalupi niya siya kumuha ng ipinamili niya Samantalang ang kalupi niya ay naiwan niya sa kanilang tahanan at nang marinig ito ay namutla si Aling Marta at nagbalik sa kaniyang gunita ang huling mga salitang binigkas ni Andres bago ito bawian ng buhay “Maski kapkapan ninyo ako, e wala kayong makukuha sa ‘kin” bago siya tuluyang panawan ng ulirat.

• Saglit na Kasiglahan

• Tunggalian

• Kasukdulan

• Wakas

Anong elemento ng maikling kuwento ang masasalamin sa sumusunod na bahagi ng akdang "Ang Kalupi"

Mataas na ang araw nang lumabas si Aling Marta sa bakuran ng kanilang bahay upang

tumungo sa pamilihan sa Tondo para mamili ng rekados para sa ihahandang mga putahe para sa pagtatapos ng kaniyang anak.

• Simula

• Tunggalian

• Kakalasan

• Wakas

Anong elemento ng maikling kuwento ang masasalamin sa sumusunod na bahagi ng akdang "Ang Kalupi"

Dumating na si Aling Marta sa bilihan ng mga tuyong paninda at bumili ng isang kartong mantika at doon niya napagtantong nawawala ang kaniyang kalupi.

• Simula

• Tunggalian

• Kakalasan

• Wakas

Anong elemento ng maikling kuwento ang masasalamin sa sumusunod na bahagi ng akdang "Ang Kalupi"

Nang siya ay papasok na sa pamilihan ay siya namang paglabas ng humahangos na batang si Andres na nakasuot ng marumi at wasak sa damit na muntik nang ikabuwal ni Aling Marta na kanyang ikinagalit.

• Simula

• Saglit na Kasiglahan

• Kasukdulan

• Wakas

Anong elemento ng maikling kuwento ang masasalamin sa sumusunod na bahagi ng akdang "Ang Kalupi"

Naalala ni Aling Marta ang batang nakabunggo sa kaniya at naisip niyang ang bata ang dumukot sa kaniyang kalupi kaya agad-agad niya itong hinanap, at nang makita niya ang bata ay pilit niya itong pinaaamin sa pagkuha ng kaniyang kalupi at pinalalabas niya ito sa bata, ngunit matindi ang pagtanggi ng batang si Andres na hindi siya ang kumuha ng kalupi kahit na dinala na siya ni Aling Marta sa himpilan ng pulisya at dahil sa pananakit ng ginang sa bata ay nagpupumiglas ang bata at nagtatatakbo nang mabilis at sa kaniyang pagtakbo ay hindi niya namalayan ang paparating na humahagibis na sasakyan at siya ay nasagasaan nito na kaniyang ikinamatay.

• Simula

• Saglit na Kasiglahan

• Kasukdulan

• Wakas

Anong elemento ng maikling kuwento ang masasalamin sa sumusunod na bahagi ng akdang "Ang Kalupi"

Walang nagawa si Aling Marta kundi mangutang na lamang sa tindera upang may ipanghanda sa pagtatapos ng kaniyang anak at upang makaiwas sa tanong ng kaniyang asawa kapag umuwi siya galing sa pamilihan na walang kahit na anong dala.

• Simula

• Tunggalian

• Kasukdulan

• Kakalasan