Edukasyon sa Pagpapakatao

Ang bawat isa ay nararapat makapag-aral, ito ay isa sa mga obligasyon ng mga magulang sa mga anak. Sa anong pangunahing karapatang pantao napapaloob ang pahayag?

• Pagkilala sa Sarili

• Pag-unlad

• Mabuhay

• Dignidad

Paano nagbibigay ng proteksiyon sa tao ang prinsipyong “First Do No Harm” ng mga medikal na doktor?

• Anoman ang kalagayan ng isang tao, huwag tayong mananakit.

• Ingatan na huwag saktan ang isang tao.

• Gawin lagi ang tama.

• Gamutin ang sariling sakit bago ang iba.

Ano ang pinakamataas na layunin ng tao sa kanyang paggawa?

• pagkamit ng kanyang kaganapan

• pagkita ng salapi upang siya ay mabuhay

• nakabatay sa anomang uri ng yaman o pag-aari

• mabigyang kaluguran ang sarili upang makabili ng mga materyal na bagay

Ang tama ay pagsunod sa mabuti. Ito ay totoo dahil __________.

• umaayon sa lahat ng pagkakataon

• angkop sa pangangailangan at kakayahan

• mula sa sariling pag-alam at pakiramdam

• para sa ikabubuti ng lahat at hindi ng iilan lamang

Ano ang makakamit ng ating lipunan kung ang bawat isa ay nagsasagawa ng pakikilahok at bolunterismo?

• Pag-unlad

• Pagkakaisa

• Kabutihang Panlahat

• Pagtataguyod ng Pananagutan

Sa anong paraan natin maaaring matutuhan ang Likas na Batas Moral?

• Naiisip lamang natin ito.

• Natutuklasan sa tahanan.

• Sumisibol ito mula sa ating konsensiya.

• Itinuturo ito ng bawat magulang sa kanilang mga anak.

Ano-ano ang dapat makita sa isang taong nagsasagawa ng kaniyang pakikilahok at bolunterismo?

• talento, panahon, at pagkakaisa

• kaalaman, talent, at kagalingan

• pagmamahal, malasakit, at talento

• panahon, talento, at pinagkukunang-yaman

Ang tunguhin ng lipunan ay kailangang pareho sa tunguhin ng bawat indibidwal. Ang pangungusap ay__________.

• tama dahil sa pagkakataon na ganito lamang matitiyak na makakamit ang tunay na layunin ng lipunan

• tama dahil mahalagang makiayon ang bawat indibidwal sa layuning itinalaga ng lipunan

• mali dahil may natatanging katangian at pangangailangan ang bawat indibidwal

• mali dahil ang bawat indibidwal sa lipunan ang nararapat nagtatakda ng mga layunin

Maaaring mabuhay ang tao kahit hindi siya makipag-ugnayan sa kapwa subalit ____________.

• tatanda siya ng walang karamay sapagkat wala siyang kapuwa tao

• kulang ang kanyang kaalaman sa mga pangyayari sa paligid

• hindi magiging ganap ang kanyang pagkatao

• wala siyang pagkakakilanlan

Alin sa sumusunod ang nagpapakita ng higit na pagsasaalang-alang sa kabutihang panlahat sa paaralan?

• Nagkaroon ng alitan ang dalawang section sa baitang 9 na magkatabi ng silid-aralan. Ang sabi ng isa tamad daw sa paglilinis ng koridor ang kabilang section.

• Ang kaklase ni Adrian ay palaging nangongopya sa kaniya ng takdang aralin at pagsusulit.

• Si Gng. Cruz, bilang guro ay nagpapakita ng pantay na pagtingin sa mga mag-aaral anoman ang kalagayan ng bawat isa.

• Laging nagpapakita ng pagkamatulungin si Pedro sa kanyang guro sa pag-asang matulungan siya nito dahil sa hirap siya sa asignaturang Matematika.