Balik-Tanaw sa Hele ng Ina

1.     May mga pagkakatulad na kultura ang bansang Pilipinas at Uganda sa kabila ng distansya nito sa isa't isa. Batay sa pamagat ng tula na “Hele ng Ina sa Kaniyang Panganay”, anong kultura ng mga taga-Uganda ang maihahalintulad sa kultura ng mga Pilipino?

• a.     Pagbibigay ng bawat naisin ng anak.

• b.   Pagpapangalan ng ina sa kaniyang panganay

• c. Pangangarap nang mataas sa hinaharap ng anak.

• d.     Pag-awit upang mapatulog o mapatahan ang sanggol

2.     “At ika’y hahalikan sa yapak ng mga kaapo-apohan, Kahit pa malaon nang naparam sa sanlibutan.” Ang taludtod na ito ay kakikitaan ng tayutay na pagmamalabis at may kaugnayan sa anong kulturang Pilipino?

• a.     Pagmamano sa nakatatanda.

• b.     Pagbibigay galang sa mga nakatatanda.

• c.     Pagkilala sa pangaral ng mga kanunununuan kahit sila’y pumanaw na.

• d.     Pagbibigay ng pugay sa legasiya ng kanunununuan kahit sila’y matagal nang yumao.

3.   “Hindi ka rin ipapangangalan sa iyong amang si Nawal sapagkat ika’y panganay”. Ang taludtod na ito ay sumasalamin sa tradisyong pagpapangalan sa anak ng mga taga-Uganda. Alin sa sumusunod na kulturang Pilipino ang taliwas sa kaugaliang ito?

• a.     Ang pagpapangalan ng mga Pilipino sa anak ay batay sa ngalan ng mga santo.

• b.     Ang pagpapangalan ng mga Pilipino sa anak ay batay sa ngalan ng mga magulang.

• c.     Ang pagpapangalan ng mga Pilipino sa anak ay batay sa kagustuhan ng mga magulang.

• d.     Ang pagpapangalan ng mga Pilipino sa anak ay batay sa mga selebrasyon.

4. “Kapag ika’y itinanghal na gererong marangal, Ako’y malulunod sa luha ng paggunita”.  Sa unang pagkakataon ay naranasan ng persona sa tula na maging isang ina at gaya ng ibang ina puno rin siya ng matataas na pangarap para sa kaniyang anak. Ano kayang damdamin ang pinakanangingibabaw sa bahaging ito ng tula?

• a.     katuwaan ng ina sa pag-alaga ng kaniyang anak

• b.     pagmamahal ng ina para sa kaniyang panganay niyang anak

• c.     pagmamalaki ng ina sa kinabukasan ng kaniyang anak

• d.     kaligayahan ng ina para sa pangarap ng kaniyang anak

5.     “Samakatuwid, ako’y minahal. Samakatuwid, ako’y lumigaya. Samakatuwid, ako’y kapilas ng buhay. Samakatuwid, ako’y nagtamasa ng dangal.” Batay sa taldutod na ito, mahalaga ang papel na ginagampanan ng kababaihan sa lipunan at daigdig. May mga paniniwala na ang pagiging ganap na babae ay nakabatay sa pagiging asawa at ina. Masasabi bang ganap ang babae kung hindi siya naging ina at/o asawa? Bakit?