April Activity (SHS)

Siya ang Lakambini ng Katipunan. Nakilala siya bilang asawa ni Andres Bonifacio sa gulang na l8. Nang umanib siya sa Katipunan, naging tagapangalaga siya ng mga dokumento at armas nito. Namatay siya dahil sa sakit sa puso noong Marso 15, 1943.

Siya ay pinuno ng pag-aaklas sa Ilocos. Ipinatigil niya ang paniningil ng buwis sa mga taong-bayan. Ipinatigil din niya ang sapilitang paggawa at serbisyong personal ng masa sa mga Kastila kaya nagpadala siya ng hukbo upang siya ay parusahan ngunit sila ay nabigo. Binaril siya sa likod ng taksil na Miguel Vicos matapos pagpulungan ng mga Kastila ang pagpatay sa kanya.

Siya ang ating pambansang bayani. Bata pa lamang ay kinakitaan na siya ng talino. Nag-aral siya ng pilosopiya at medisina sa Pilipinas at Madrid. Siya rin ay naging dalubwika sapagkat bukod sa Filipino ay marunong siya ng Ingles, Pranses, Italyano, Aleman, Portuges, Olandes, Latin, at iba pa. Napagbintangan siyang may kinalaman sa himagsikang naganap kaya siya'y ipinatapon sa Dapitan. Ibinilanggo siya sa Fort Santiago, at binaril sa Bagumbayan.

Siya ay kilala bilang "Ama ng Himagsikan at Tagapagtatag ng Katipunan". Naging tanyag ang kanyang dekalogong pinamagatang "Katungkulang Gawain ng mga Anak ng Bayan", at ang tulang " Pag-ibig sa Tinubuang Lupa".

Siya ang Dakilang Lumpo at Utak ng Himagsikan Siya ang tagapayo ni Heneral Aguinaldo. Nang itatag ang Unang Republika ng Pilipinas, siya ang ginawang kalihim ng estado kung saan gumawa siya ng mg pahayag at kauutusan. Siya ang nagsulat ng Programa Constitutional de la Republika Filipina. Sa panahong iyon ay sinulat niya ang "Tunay na Dekalogo".

Siya ang "Dakilang Pilipinong Pintor". Iginuhit niya ang "Ang Kamatayan ni Cleopatra" sa isang patimpalak sa Madrid noong 1881 kung saan nagkamit siya ng medalyang ginto. Ilan pa sa kanyang mga tanyag na larawan ay ang "Sanduguan", at "Spolarium". Bukod dito ay marami pa siyang iginuhit. Dahil sa tema ng kanyang mga iginuhit, siya ay napaghinalaang kasapi ng mga lumalaban sa pamahalaang Kastila.

Bawat katipunerong dumating sa kanyang bahay ay kanyang pinakakain at pinagpapahinga. Kung sugatan naman ay kanyang ginagamot. Ipinahuli siya ng mga Kastila nang matuklasan ang kanyang ginawa. Siya ay ibinilanggo at ipinatapon sa Marianas, Guam. Siya ay kilala bilang "Tandang Sora" at "Dakilang Ina ng Himagsikan".

Siya ang dakilang propagandista. Siya ang nagtatag ng Diariong Tagalog noong 1882. Dito niya inilalathala ang mga puna niya sa pamahalaang Kastila. Nilathala naman niya kasama si Graciano Lopez Jaena ang La Solidaridad kung saan isiniwalar dito ang mga masamang gawain ng mga Kastila.

Siya ang Utak ng Katipunan. Sumapi siya sa Katipunan. Siya ang pinakabata sa samahan. Siya ang nagsulat ng "Kartilya ng Katipunan". Ito ay isang pulyeto na naglalahad ng mga aral ng Katipunan at nagtuturo ng pagmamahal sa bayan. Itinalaga siya ni Bonifacio bilang punong hukbo sa hilaga. Ang pahayagang "Kalayaan" ang pinaglathalaan niya ng kanyang mga akda gamit ang sagisang na Dimasilaw.

Isa siya sa tatlong paring martir na kilala bilang GomBurZa. Nang magkaroon ng pag-aalsa sa Cavite, isa siya sa nakipag-ugnayan at tumulong sa mga gawain ng kilusan ukol sa paglaya. Dahil dito, dinakip siya ng mga Kastila. Binitay siya sa pamamagitan ng garote sa Bagumbayan.