шинэ

1. Судлагдсан бодит байдлаас индукцийн аргын дагуу тодорхой түвшний онолыг бүтээх боломжтой гэж тайлбарладаг онол аль нь вэ?

• A. Бүтэц чиг үүргийн онол
• B. Марксизм
• C. Бэлгэ тэмдгийн харилцан үйлдлийн онол
• D. Шүүмжлэлт онол
• E. Нийгмийн онол

2. Асуулгад өрхийн хэв шинжийн хариултыг дан, нийлмэл, өрх толгойлсон, ганц бие гэсэн дөрвөн хариулттайгаар мэдээлэл цуглуулсан бол “.............................” – ыг дунджийн үзүүлэлт болгон ашиглана.

• A. Моод
• B. Моод болон голч
• C. Дундаж
• D. Голч
• E. Дунджийн үзүүлэлт

3. Боловсролын түвшин нь гарааны тэгш бус байдлаас хамаарч байгаа бол гарааны тэгш бус байдал нь .............................. болно.

• A. Хувьсагч
• B. Үл хамаарах хувьсагч
• C. Хамаарах хувьсагч
• D. Нээлттэй кодлолт
• E. Категоричлол

4. Бүтэц чиг үүргийн онолын төлөөлөгч Э.Дюркгеймийн үзэл санаа, тайлбар аль нь вэ?

• A. Аж үйлдвэржилтийн нөлөөгөөр эмэгтэйчүүд нь үнэгүй ажил эрхлэгч болж, эрэгтэйчүүд нь гэр бүлээ тэжээгч болон хувирдаг.
• B. Өөрийнхөө санаа бодлыг илэрхийлэхдээ хэрэглэж буй бэлгэ тэмдэг, худалдаа арилжаандаа хэрэглэж буй мөнгөний тогтолцоо, мэргэжлийн зүгээс дагаж мөрдөх горим журам гэх мэт зүйлс надаас миний хэрэглээнээс үл хамааран оршдог.
• C. Нийгмийн институтын чиг үүргийг судална гэдэг нь түүний гүйцэтгэж буй үүрэг буюу үйлдлийн үр дүнд ямар үр дагавар бий болов гэдгийг судлах хэрэг юм.
• D. Хүмүүс өөрслийнхөө түүхийг бүтээж байдаг, яаж бодсоноороо бус, өөрсдөө сонгоогүй бөгөөд байж байсан, тэдэнд өгөгдсөн өнгөрсөн үеэс дамжиж ирсэн нөхцөлд бүтээж байдаг.
• E. Нийгмийн харилцан үйлдлийн явцад хувь хүн бусдын үүргийг хүлээн авах замаар өөрийн Би нь бүрэлдэн бий болдог

5. Чиг үүргийн хэлбэрүүдийн хувьд үйлдэгч нь урьдчилан тооцоолоогүйгээр бий болсон үр дагаврыг юу гэж нэрлэдэг вэ?

• A. Институт
• B. Институтийн чиг үүрэг
• C. Ил чиг үүрэг
• D. Далд чиг үүрэг
• E. Сөрөг чиг үүрэг

6. Тохиолдол шинжлээрэй: Судлаач Спиц /1945/ шоронгийн дэргэдэх ясли, асрамжийн газар өсөж буй хүүхдүүдийг харьцуулан судалжээ. Асрамжийн газар ахлах сувилагч, таван туслахын хамтаар 45 хүүхдийг асардаг бол шоронгийн яслид ахлах сувилагч, гурван туслахын хамтаар эхчүүдийг хүүхдээ хөхүүлэх, асрахад нь тусалдаг байв. Хүүхдүүд гурван сартай болох үед асрамжийн газар өсөж буй хүүхдүүдийн биеийн өсөлт, оюуны хөгжил шоронгийн яслид өсч буй хүүхдүүдийнхээс хоцорч эхэлжээ. Судалгааны үр дүнд нийгэмшилттэй холбоотой ямар дүгнэлт хийж болох вэ?

• A. Судлаач ясли болон асрамжийн газрыг судалсан
• B. Хүүхдийн нийгэмшилтийн эхэн үед төрүүлсэн эхийн халамж хамгийн чухал нөлөөтэй
• C. Хүүхдийн нийгэмшилд бусад хүмүүсийн оролцоо нөлөөлдөг.
• D. Хүүхдийг яслид өсгөж хүмүүжүүлэх нь хорих газраас илүү үр дүнтэй.

7. Урьд өмнө тогтсон үнэт зүйлс, өөрийн мэдрэмж, зан үйлийн загвараа эрс өөрчлөх нь бий. Үүнийг .................... гэнэ.

• A. Адилсал
• B. Дахин нийгэмшилт
• C. Хүүхдийн нийгэмшилт
• D. Насанд хүрэгчдийн нийгэмшилт
• E. Ахмад настны нийгэмшилт

8. Нийгмийн хувьсал бол нийгмийн институтуудын ялгарлын өсөн нэмэгдэлт гэж үзсэн эрдэмтэн хэн бэ?

• A. Г.Ленский
• B. Ф.Тённис
• C. Т.Парсонс
• D. Э.Гидденс
• E. М.Вебер

9. НТӨ 4000 оны тэртээ үүсэж, Ази, Европ даяар тархсан ба өнөө үед Африкт уламжлагдан хадгалагдаж буй нийгмийн хэв маяг аль нь вэ?

• A. Ан агнуурын нийгэм
• B. Цэцэрлэг аж ахуйн нийгэм
• C. Газар тариалангийн нийгэм
• D. Аж үйлдвэржсэн нийгэм
• E. Аж үйлдвэржсэний дараах нийгэм

10. Харилцааны үйл явцад “Дамжуулахыг зорьж буй мэдээллээ үг болон дохио зангаа зэргээр илгээх үйл явц”-ыг юу гэх вэ?

• A. Орчин нөхцөл
• B. Саад
• C. Илэрхийлэх
• D. Тайлах
• E. Эргэх холбоо