Araling Panlipunan 5 Q3 Reviewer

Isinulong ni Apolinario dela Cruz ang kalayaan sa paraan ng pananampalataya sa kabila ng pagtutol ng pamahalaan at simbahan. Pinagbintangan siyang erehe at hinatulan ng parusang kamatayan. Ano ang aral na maari nating matutuhan sa kaniyang naging karanasan?

• Ang ating buhay ay dapat ialay sa pagsunod sa mga patakaran at tradisyon.
• Ang anumang adhika ay nalulusaw at nagtatapos sa kamatayan ng nagsimula nito.
• Ang paggamit ng dahas ay hindi maiiwasan sa pagsulong ng prinsipiyong ipinaglalaban.
• Sa kamatayan ng katawan, nabubuhay sa puso ng mga naiwan ang adhikang ipinaglalaban.

Ano ang naging ambag ni Magalat sa Cagayan sa pagkabuo ng nasyonalismong Pilipino?

• Nakapatay siya ng mga Espanyol at naging kilabot na pinuno ng pag-aalsa.
• Nahimok niya ang mga katutubo na magtipon-tipon at ipaglaban din ang karapatan sa kalayaan.
• Wala siyang naiambag sa pagkabuo ng nasyonalismong Pilipino dahil pinairal niya ang karahasan imbes na pagkakaisa.
• Wala siyang naiambag sa pagkabuo ng nasyonalismong Pilipino dahil pansariling interes lamang niya ang kaniyang ipinaglaban.

Alin sa mga sumusunod na hakbang ang makapagbibigay ng inaasam na kalayaan mula sa mga mananakop?

• Pakikipaglaban
• Pagtanggap sa dayuhan
• Pagtakas patungong kabundukan
• Pagkitil sa sariling buhay

Alin sa mga sumusunod na pahayag tungkol sa “nasyonalismo” ang HINDI totoo?

• Ang nasyonalismo ay dati nang taglay ng mga katutubo bago pa man dumating ang mga mananakop.
• Ang nasyonalismo ay unti-unting nalinang sa mga katutubo dahil sa hamon ng kolonyalismong Espanyol.
• Ang nasyonalismo ay nabuo mula sa mga sakripisyo ng mga katutubong piniling manindigan para sa kalayaan.
• Ang mga katutubong nasawi sa labanan para sa pagkamit ng kalayaan ay may malaking ambag sa pagkabuo ng nasyonalismong Pilipino.

Alin sa mga sumsusunod na pahayag ang tumutukoy sa kabutihang naidulot ng pananakop ng mga Espanyol sa Pilipinas?

• Nakalimutan ng mga Pilipino ang kanilang mga sinaunang pananampalataya o relihiyon.
• Higit na tinangkilik ng mga Pilipino ang kulturang banyaga kaysa sa sariling kultura.
• Sapilitang pinagtrabaho ang mga kalalakihan sa mga mabibibigat na gawain nang walang bayad.
• Namulat ang mga katutubo at nahimok sa pakikibaka para sa kanilang karapatan sa kalayaan at pagsasarili bilang isang nasyon.

Ang karamihan sa mga Pilipinong piniling ipaglaban ang kanilang karapatan at kalayaan laban sa mga mananakop na Espanyol ay nabigo at namatay. Ang ilan sa kanila ay sina Juan dela Cruz Palaris, Hermano Pule, at Diego Silang. Nararapat bang kilalanin natin ang kanilang mga nagawa para sa pagkamit ng kalayaan?

• Hindi, dahil nabigo naman sila sa kanilang pag-aalsa
• Hindi, dahil wala namang napala ang mga naiwan nang sila ay namatay
• Oo, dahil ang nangyari sa kanila ay nagmulat sa damdaming makabansa ng mga katutubo
• Oo, dahil marami rin naman silang napatay na sundalong Espanyol bago sila masupil

Bakit nabigo ang karamihan sa mga naunang pag-aalsang isinagawa ng mga katutubo laban sa Kolonyalismong Espanyol?

• dahil sa kawalan ng damdaming nasyonalismo na makikita sa pagkawatak-watak o hiwa-hiwalay na mga pag-aalsa
• dahil higit na mas marami ang mga sundalong Espanyol kaysa sa lahat ng mga katutubong maaring lumaban
• dahil inuna ng mga nag-alsa ang kanilang pansariling kapakanan kaysa sa kapakanan ng kapwa
• dahil walang kakayahan ang mga katutubong maglunsad ng digmaan laban sa mga mananakop

Makatuwiran ba ang ginawa ng mga Itneg sa Cagayan sa pamumuno nina Miguel Lanab at Alababan na pagpatay sa mga paring Dominikano?

• Oo, dahil ginamit lamang ng mga pari ang Kristiyanismo upang sila ay malinlang at mapasailalim sa kapangyarihan ng Espanya.
• Oo, dahil ang mga paring ito ay mga masasamang tao na umalipin sa kanila sa mahabang panahon.
• Hindi, dahil ang anumang karahasan sa kapwa tao ay hindi kailanman maituturing na makatuwiran kahit gaano pa man kabigat ang kadahilanan.
• Hindi, dahil ginawa lamang nila ito upang maagaw sa kanila ang kapangyarihang pamunuhan ang Cagayan.

Alin sa mga sumusunod na pahayag ang totoo tungkol sa kahalagahan ng pakikipaglaban ng mga Pilipino sa mga mananakop na Espanyol?

• Ang pakikipaglaban ng mga Pilipino sa kabila ng kakulangan sa armas at pagkawatak-watak ay nagmulat sa kanila sa kahalagahan ng sakripisyo at pakikibaka sa pagkamit ng kalayaan.
• Ang pakikipaglaban at pagkabigo ng mga Pilipino ay nagsadlak sa kanila sa kahirapan at pang-aapi.
• Ang pakikipaglaban ng mga Pilipino ay walang kabuluhan at hindi nakatulong sa pagkamit ng kalayaan.
• Ang pakikipaglaban ay kinakailangang matapos sa kamatayan upang maging makabuluhan.

Sa anong panahon sa kasaysayan ng Pilipinas maituturing na WALANG NASYONALISMO o walang naramdamang pagpapahalaga sa pagiging iisang bansa ang mga mamamayan?

• Panahong Pre-kolonyal
• Panahon ng Kolonyalismong Espanyol
• Panahon ng Pananakop ng mga Amerikano
• Panahon ng Panankop ng mga Hapones