Latihan Soal US Bahasa Sunda Kelas 9

Perhatikeun teks biantara di handap!

Assalamu’alaikum wr.wb

Bapa miwah Ibu, hormateun sim kuring. Hapunten anu kasuhun, sim kuring ngadeg di ieu tempat sanés tiasa cumarios. Ieu mah wiréh dijurung-jurung ku réréncangan kelas salapan, hoyong sasanggem ngadugikeun kereteg angen.

Dina ieu kasempetan sim kuring hoyong ngahaturkeun sewu nuhun nu teu aya hinggana ka para Ibu miwah Bapa Guru anu parantos ngaping ngajaring ngaraksa ngariksa sim kuring sadaya.

 

Biantara di luhur téh ditepikeun dina acara ….

• Porseni

• Muludan

• Agustusan

• Paturay Tineung

Langkung ti payun sim kuring badé neda dimaklum, bilih dina salebeting sasanggem kirang merenah basana, mawur caritana, teu ninggang tata basana, teu puguh éntép seureuhna, kumargi sanés ahlina. Katambih kasedek ku rupi-rupi rasa anu gumuruh minuhan dada, aya bingah pacampur sareng sedih, rasa waas kagagas paselang sareng kahariwang wiréh badé paanggang.

Paragraf di luhur, mangrupa bagian tina biantara dina acara .…

• Seserahan

• pasanggiri

• Serah jabatan

• Paturay tineung

Conto ungkara anu mangrupa bubuka biantara nya éta ....

• “Hapunten anu kasuhun, bilih aya basa anu kirang merenah.”

• “Sakitu anu kapihatur, sasieureun sabeunyeureun mugia aya mangpaatna.”

• “Dina ieu kasempetan sim kuring seja nyuhunkeun pidu’ana ka Ibu miwah Bapa Guru.”

• “Solawat miwah salam mugia ngocor ngagolontor ka Kangjeng Nabi Muhammad SAW.”

Titénan susunan di handap, tuluy jawab soalna !

1

Dina ieu waktos urang sadaya ngempel téh nya éta badé miéling dibabarkeunana Ibu Radén Déwi Sartika.

2

Rohmat sinareng salam mugia didugikeun ka Jungjunan urang sadayana Kangjeng Nabi Muhammad SAW.

3

Sadaya puji sinareng sukur, urang sanggakeun ka Gusti Nu Murbéng Alam, Anu Maha Welas tur Maha Asih, henteu pilih kasih ka sugri anu kumelip di ieu bumi.

4

Sakitu anu kapihatur, boh bilih langkung saur bahé carék, bobo sapanon carang sapakan, hapunten anu diteda

5

Langkung ti payun sim kuring seja ngahaturkeun nuhun ka panata calagara anu parantos maparin waktos ka sim kuring kanggo sasangem dina ieu acara.

 

 

Kalimah-kalimah di luhur anu mangrupa bagian tina bubuka biantara nya éta....

• 2-3-5

• 1-3-4

• 2-1-3

• 1-3-5

Dina biantara, aya métode atawa  téhnik nalar, nya éta biantara anu ….

• Dilaksanakeunna ngadadak

• Macakeun téks nu geus disayagikeun

• Henteu ngagunakeun teks nalika biantara

• Nyatetkeun hal-hal penting anu rék ditepikeun

Téhnik biantara anu ngagunakeun téks (naskah), disebutna téhnik ...

• maca

• nalar

• nyarita

• nyatetkeun inti

Titénan susunan di handap, tuluy jawab soalna!

1

Langkung ti payun sim kuring seja ngahaturkeun nuhun ka panata calagara anu parantos maparin waktos ka sim kuring kanggo sasangem dina ieu acara.

2

Rohmat sinareng salam mugia didugikeun ka Jungjunan urang sadayana Kangjeng Nabi Muhammad SAW.

3

Sadaya puji sinareng sukur, urang sanggakeun ka Gusti Nu Murbéng Alam, Anu Maha Welas tur Maha Asih, henteu pilih kasih ka sugri anu kumelip di ieu bumi.

4

Sakitu anu kapihatur, boh bilih langkung saur bahé carék, bobo sapanon carang sapakan, hapunten anu diteda

5

Dina ieu waktos urang sadaya ngempel téh nya éta badé miéling dibabarkeunana Ibu Radén Déwi Sartika.

 

Dumasar kana tabel di luhur, runtuyan kalimah anu bener sangkan jadi naskah biantara anu merenah nya éta nomor ….

• 2-3-1-5-4

• 1-2-3-4-5

• 3-2-1-5-4

• 4-3-2-1-5

Titénan susunan di handap, tuluy jawab soalna

1

Pangersa Bapa Kapala Sakola miwah Ibu-Bapa Guru sadayana, sim kuring sadaya wangkid ieu gaduh rupi-rupi piunjuk anu bade dihaturkeun.

2

Éta rupina piunjuk sim kuring sadaya ka Pangersa Ibu miwah Bapa sadaya. Sakitu baé anu kapihatur, hapunten anu kasuhun.

3

Langkung tipayun sumangga urang nyanggakeun puji sinareng sukur ka Alloh Swt., réhna dina danget ieu urang sadayana tiasa ngempel ngariung di ieu patempatan.

4

Kahiji, unjuk hatur nuhun, wiréh sim kuring sadaya kebek ku karumaosan, tina kawit boloho taya kanyaho, ayeuna parantos teu bodo balilu teuing.

5

Solawat sinareng salam mugia didugikeun ka jungjungan urang sadayana, Kangjeng Nabi Muhammad Saw., ka kulawargina, ka para sohabatna, sareng ka jalmi-jalmi anu tumut ka mantenna.

 

Dumasar kana tabel di luhur, runtuyan kalimah anu bener sangkan jadi naskah biantara anu merenah nya éta nomor ….

• 3-5-1-2-4

• 3-5-1-4-2

• 1-3-5-4-2

• 1-5-3-2-4

Perhatoskeun parnyataan di handap ieu !

(1)     Sorana kudu halon

(2)     Garasak garusuk

(3)     Sorana kudu bedas jeung béntes

(4)     Lentongna jeung wirahmana merenah

(5)     Gestur saperluna teu kaleuleuwihi

 

Dumasar kana parnyataan di luhur, sawatara hal anu kudu diperhatikeun nalika nepikeun biantara nya éta nomer ….

• (1) jeung (2)

• (3) jeung (1)

• (1), (3), jeung (5)

• (3), (4), jeung (5)

Biantara the nyaeta …

• nyarita di hareupeun kolot

• nyarita di hareupeun babaturan

• nyarita di hareupeun tatangga

• nyarita di hareupeun balare’a