Pagsasanay 1- Pagpupulong

Handog na Tulong

ni Lailanie D. Ebilane

 Castillejos Elementary School

 

Tagpo:  Araw     ng           Sabado sa            ganap    na           ika-3:00 ng           hapon, nagpatawag ng pulong sa Brgy. Hall ang SK Chairman ng Brgy.

 

San Isidro sa mga kabataang miyembro ng Sangguniang Kabataan. Ito ay dahil sa nagdaang kalamidad na naranasan sa lugar ng Quezon. Tinanong niya ang mga kabataan ukol sa kanilang plano kung paano makatulong sa mga nasalanta.

 

Princess:              Chairman, maari po tayong mangalap ng donasyon          sa kapwa natin kabataan para sa mga nasalanta ng bagyo.

Adriane:               Opo nga. Para lahat tayo ay maging kabahagi ng pagtulong.

Samantha:          Bukod sa pera, ano pa ang maaring ibigay ng mga kapwa natin kabataan?

Jasper:  Aba, pwede din naman tayong magbigay ng mga lumang damit o mga gamit para sa kanilang pag- aaral. Napakinggan ko kasi sa balita na marami sa kanila ang nawalan ng gamit sa pag-aaral.

SK

Chairman:           Tama kayong lahat. Nakatutuwa naman at ganyan ang inyong mga saloobin. Ako ay hihingi din ng tulong sa aking mga kapwa opisyales ng barangay.

 

Samantha:          Salamat din po Chairman. Maaari din po kaya kaming humingi ng tulong sa aming mga magulang para maging kabahagi din sila ng

proyektong ito?

Princess:              Opo nga, higit silang may kakayahan para makatulong sa mga nasalanta. Maaari din nating hikayating magbigay ang iba pang mga kabataang wala sa pulong ngayon.

SK Chairman:     Tama yan! Salamat sa inyong lahat. Maaari na nating gawin ang paghahanda upang makapagpaalam na tayo sa ating punong barangay.

Mga Kabataan:  Opo Chairman. Kailangan naming makibahagi sa pagtulong na ito upang kahit sa maliit na paraan ay makapagbigay kami ng handog na tulong sa kanila.

1. Sino ang tagapanguna sa pulong?

• A. Pangulo

• B. SK Chairman

• C. Kapitan ng Barangay

• D. Kalihim ng Barangay

                2. Kailan nagpatawag ng pulong ang Chairman?

• A. Araw ng Lunes

• B. Araw ng Linggo

• C. Araw ng Biyernes

• D. Araw ng Sabado

                3. Sino-sino ang mga dumalo sa pagpupulong?

• A. Mga Kawani ng Barangay

• B. Sangguniang Kabataan ng San Isidro

• C. Sangguniang Kabataan ng San Antonio

• D. Sangguniang Kabataan ng San Agustin

Saan ginanap ang kanilang pulong?

• A. Sa Brgy. Hall

• B. Sa Brgy. Plaza

• C. Sa Brgy. Outpost

• D. Sa Covered Court ng Barangay

5. Anong samahan ang nagsagawa ng pagpupulong?

• A. Barangay Tanod

• B. Sangguniang Kabataan

• C. Opisyales ng Barangay

• D. Samahan ng mga kababaihan

6. Ano ang dahilan ng pulong na ipinatawag ng SK Chairman?

• A. Upang humingi ng tulong.

• B. Upang malaman kung sino ang mga nasalanta.

• C. Upang makapagbigay ng mga di nila gustong gamit.

• D. Upang makapagplano kung paano makatulong sa mga nasalanta.

7. Ano ang kanilang naging pasya sa pagpupulong na ginawa?

• A.            Pipilitin ang kanilang magulang na tumulong.

• B.            Lalapit sila sa mga kabataan ng kabilang barangay.

• C.            Mangalap ng donasyon, mga damit at gamit na mayroon ang mga kabataan.

• D.            Hindi sila maghahandog ng tulong dahil wala pa silang kakayahang tumulong.

8. Mahalaga ba ang planong nabuo ang mga kabataan?

Paano ito makatutulong?

• A.            Opo. Sapagkat sila ay nagbigay ng galing sa kanilang tulong lamang.

• B.            Hindi. Sapagkat walang nakibahagi sa talakayan sa pagpupulong.

• C.            Opo. Sila ay makatutulong sa pamamagitan ng mga donasyong kanilang makakalap.

• D.            Hindi. Sapagkat hindi nila gusto ang usaping inilahad ng tagapanguna.

9. Bakit kaya may pamagat na “Handog na Tulong” ang pulong na ating nabasa?

• A.            Ito ay pinamagatang “Handog na Tulong’ sapagkat ito ay handog ng mga kabataan galing lamang sa sarili nilang bulsa

• B.            Pinamagatan itong ‘Handog na Tulong” dahil sa kanilang pinagsama-samang tulong bilang  handog sa mga nasalanta.

• C.            “Handog na Tulong” ang  naging pamagat sapagkat sa Barangay nagmula ang tulong.

• D.            May pamagat itong “Handog na Tulong” dahil sa tulong na ipinaabot ng kanilang mga magulang.

10. Sa iyong palagay naging matagumpay ba ang pagpupulong na ginawa ng

                    Sangguniang Kabataan? Bakit?

• A.            Hindi po. Sapagkat hindi sila nakapagpasya sa isyung tinalakay.

• B.            Opo. Ngunit hindi sila nakabuo ng angkop na plano para makatulong.

• C.            Opo. Sapagkat ang bawat isa ay nagbahagi ng kanilang mungkahi sa pamamagitan ng maayos at magagalang na pananalita.

• D.            Hindi po. Sapagkat hindi sang-ayon ang mga kabataan na magbigay ng tulong.