Kuis Paguneman

Paguneman teh dilakukeun ku...

• sorangan bari sorana bedas

• duaan tapi nu ngomongna saurang

• duaan atawa leuwih bari silihtempas

• sorangan bari sorana teu kadenge ku batur

Anu kaasup paguneman teh nya eta...

• prolog

• monolog

• dialog

• epilog

Kaasup henteu pantes dilakukeun upama urang keur paguneman teh aya nu...

• nyarita dibarung ku pasemon anu marahmay

• nyarita dibarung ku rengkuh anu merenah

• nyarita dibarung ku lentong anu merenah

• nyarita dibarung ku lajag-lejeg jeung poporongos

Di handap ieu hal anu kudu diperhatikeun ku urang dina mangsa keur paguneman, iwal...

• ngaregepkeun nu keur nyarita kudu daria

• henteu motog kalimah atawa ngaganggu omongan batur

• nyarita kudu daria, sorana bentes, tetela, wajar, henteu aya kesan saperti anu cowong

• nyarita ngagunakeun lentong anu heuras

Media nu dipake dina paguneman, nya eta...

• lisan

• masa

• basa

• tulisan

Basa lemes keur ka batur "jawab" nya eta...

• ngajawab

• ngawaler

• jawab

• ngawalon

Aturan sopan santun ngagunakeun basa disebut...

• undak usuk basa

• basa hormat

• tatakrama basa

• basa loma

Robah kana ragam basa hormat!

"Ayeuna kuring rek indit ka Klari."

• Ayeuna abdi rek mangkat ka Klari.

• Ayeuna abdi rek miang ka Klari.

• Ayeuna abdi bade mios ka Klari.

• Ayeuna abdi arek mios ka Klari.

Paguneman siswa ka guru ngagunakeun basa...

• lemes keur diri sorangan

• lemes keur batur

• loma

• kasar sedeng

Makena tatakrama basa gumantung kana...

• suasana jeung eusi paguneman

• palaku jeung eusi paguneman

• palaku jeung suasana paguneman

• palaku jeung tujuan paguneman