MGA KALIKASAN NG WIKA

Sinong dalubwika ang nagsabi na ang wika ay may limang kalikasan?

• Henry Sweet

• Virgilio Almario

• Henry Gleason Jr.

• Ferdinand de Saussure

Answer explanation

Mula sa depinisyon na ibinigay ni Henry Gleason na “Ang wika ay masistemang balangkas ng sinasalitang tunog na isinaayos sa paraang arbitraryo upang magamit ng tao na bahagi ng isang kultura sa komunikasyon,” mayroong limang kalikasan ang wika.

Anong kalikasan ng wika ang nagsasabing ang wika ay may sinusundang estruktura batay sa gramatika o balarila?

• Ang wika ay arbitraryo.

• Ang wika ay masistemang balangkas.

• Ang wika ay sinasalitang tunog.

• Ang wika ay bahagi ng kultura.

Answer explanation

Ang wika ay organisado dahil may tiyak na prosesong sinusundan sa pagbuo ng mga salita para magkaroon ng kahulugan at kabuluhan. Ito ay batay sa pattern o panuntunang itinakda ng gramatika o balarila.

Alin sa sumusunod ang hindi bahagi ng limang kalikasan ng wika?

• Ang wika ay masistemang balangkas.

• Ang wika ay arbitraryo.

• Ang wika ay ginagamit din ng mga hayop.

• Ang wika ay bahagi ng kultura.

Answer explanation

Ang wika ay ginagamit ng tao lamang at hindi ng hayop. Samantalang may sariling paraan ng pakikipag-usap ang hayop gamit ang natatangi nilang mga tunog, hindi ito maituturing na wika dahil hindi ito nagbabago at nalilikha sang-ayon sa malikhaing pag-iisip ng gumagamit nito.

Alin sa sumusunod na pangungusap ang nagsasabi na ang wika ay bahagi ng kulturang Pilipino?

• Marami tayong katawagan sa iba’t ibang endemikong uri ng tigre sa Palawan.

• Marami tayong katawagan sa iba't ibang uri ng bigas.

• Marami tayong katawagan sa iba’t ibang uri ng patatas.

• Marami tayong katawagan sa snow sa wikang Filipino.

Answer explanation

Wala tayong karanasan sa "snow," wala ring tigreng endemiko sa bansa, at iisa lamang ang turing natin sa patatas. Ang bigas ay isa sa maituturing na pangunahing bahagi ng ating pagkain. Dahil taal na sa atin ang pagkain nito, nabigyan natin ng iba't ibang katawagan ang mga uri ng bigas batay sa kulay, hugis, haba, at amoy.

Alin ang tamang pagkakasunod-sunod sa pagkabuo ng wika batay sa gramatika?

• tunog --> titik --> pantig --> salita --> parirala --> pangungusap

• pangungusap --> parirala --> salita --> pantig --> titik --> tunog

• salita --> titik --> tunog --> pantig --> pangungusap

• titik --> tunog --> pantig --> salita --> pangungusap --> parirala

Answer explanation

Batay sa panuntunan ng gramatika, ang wika ay nabuuo mula sa pinakamaliit na yunit ng isang salita, ang tunog, hanggang sa pinakamahaba at pinakakomplikadong pangungusap, na naglalaman ng pinagsama-samang salita.

Bakit nagbabago ang kahulugan ng salita sa isang wika?

• Nagbabago ang paggamit nito batay sa kagustuhan, kawilihan, at inaasal.

• Nagbabago ang paggamit nito batay sa panahon, konteksto, at nagsasalita.

• Nagbabago ang paggamit nito batay sa espasyo, kausap, at pinasukang paaralan.

• Nagbabago ang paggamit nito batay sa kasarian, paboritong wika, at kinawiwilihang kausap.

Answer explanation

Ang wika ay arbitraryo. Ibig sabihin, nagbabago ito sa paglipas ng panahon batay sa konteksto kung paano ito ginagamit at kung sino ang nagsasalita o gumagamit nito. Halimbawa nito ay kung paanong nagbabago sa haba ng panahon, at sa taong gumagamit ang tawag para sa magulang---maaaring naging nanay ito, tapos ay ermats, saka ginagamit ang salin na mommy.

Alin sa sumusunod ang nagpapakita na ang wika ay masistemang balangkas?

• Ako tahol.

• Pakpak bumuka ang aking.

• Bumili ako ng mantika sa tindahan.

• Ang tigre ay kumanta.

Answer explanation

Ang wika ay organisado. Kung gayon, nagkakaroon lamang ng kabuluhan at kahulugan ang isang pangungusap kung ang mga salitang bumubuo rito ay isinaayos sa paraang naayon sa mga alituntunin ng gramatika. Dagdag pa, walang kabuluhan ang nabuong pangungusap kung ang mga salitang ginamit ay hindi angkop sa gamit at pahayag na nais iparating. Halimbawa, hindi kumakahol ang tao at hindi rin angkop ang salitang "kumanta" para ilarawan ang isang tigre.

Ano ang magpapaliwanag sa pagkakaroon ng magkaibang kahulugan ng salitang "pagpag?"

Pagpag:

1. pagtanggal ng dumi

2. pagkaing tira-tira mula sa mga restawran

• pagbabago batay sa paraan ng pagsasalita

• pagbabago batay sa gumagamit/tao

• pagbabago batay sa espasyo

• pagbabago ng kahulugan batay sa panahon

Answer explanation

Ang wika at ang kahulugan ng mga salita ay batay sa konteksto ng mga taong gumagamit nito. Sa halimbawa, ang unang kahulugan ay ang payak at karaniwang kahulugan ng salitang "pagpag." Samantalang ang ikalawang kahulugan ay nasa konteksto ng mga "urban poor" na gumagawa nito.

Aling pangungusap ang gumamit ng salitang "bukas" na may sumusunod na kahulugan?

Bukas - susunod na araw; pagkatapos ng ngayon

• Kumuha ka ng mansanas sa nakabukas na kahon.

• Ilaw na lamang sa kusina ang bukas nang bumangon ako.

• Bukas ang pinto nang dumating ako sa bahay.

• Bukas ko na lamang isasauli ang hiniram kong payong.

Answer explanation

Ang kahulugang ibinigay ay tumutukoy sa araw na darating pagkalipas ng kasalukuyan. Ibig sabihin, ang pangungusap na angkop dito ay dapat na nagpapahayag ng isang gawaing isasakatuparan sa susunod na araw.

Ang wika ay ginagamit ng tao. Alin sa sumusunod ang nagpapakita ng kalikasang ito?

• Mabuhay

• Pak Ganern!

• Pormal na wika

• Bekimon

Answer explanation

May kakayahan ang tao na makapagbigay ng ibang kahulugan sa isang salita, at makabuo ng bagong salita. Ang pagpapauso ng isang bagong wika para sa layuning makapagpahayag at maunawaan lamang ng ilang tao, tulad ng Bekimon, ay patunay na ang wika ay ginagamit ng tao. Gayundin, ang pagpapauso ng salitang Pak Ganern ay patunay na nakapagbibigay kabuluhan ang tao sa isang salita kung binigyan niya ito ng bagong kahulugan at ginagamit sa pagpapahayag.