PTS BASA JAWA KELAS 9

Gatekna pethikan Teks Palapuran Asil Observasi ing ngisor iki!

Pemanasan global utawa global warming mujudake proses dhuwure suhu bumi saben taune sing disebabake mundhake gas buwang karbon saka kegiyatan industri, pembakaran bahan bakar, lan liya-liyane. Pemanasan global dumadi amarga efek gas rumah kaca sing arupa gas karbon dioksida (CO2), karbon monoksida (CO), gas metan lan liya-liyane. Gas-gas iki sing nyebabake greenhouse effect …..

Miturut isine, teks ing dhuwur bisa digolongake jinis struktur...

• Deskripsi Umum

• Definisi Umum

• Deskripsi Bagean

• Deskripsi Guna

Pethikan Teks Palapuran Asil Observasi ing ngisor iki sing kalebu deskripsi guna yaiku...

• Perokok pasif yaiku wong kang ora ngrokok, nanging sandhing wong kang lagi ngrokok, banjur kebule rokok kemelun lan ora disengaja kesedhot pawongan sandhinge mau. Rokok kang diisep sing ngrokok mung 30% , dene 70% mabur digawa angin lan di isep wong-wong ing kiwa tengene.

• Daru Setyorini ngandharake menawa biyen ing Kali Surabaya bisa ditemokake werna-werna jinis iwak, kayata iwak rengkik, lan iwak jendhil, nanging saiki wis arang tinemu. Ing taun 2011 isih bisa ditemokake cacah 20 iwak rengkik lan 30 iwak jendhil.

• Saka kagiyatan ekspedisi lan panaliten ing Kali Surabaya kang ditindakake para Aktivis Pecinta Lingkungan Hidup iki duwe mupangat lan pengaruh kang gedhe tumrap masarakat, pelaku usaha, lan pamarentah kutha Surabaya. Prigi Arisandi, Direktur Lembaga Kajian Ekologi dan Konservasi Lahan Basah (Ecoton) ngendikan, manawa masalah pencemaran ing Kali Surabaya kudu dirampungake kanthi kawicaksanan pamarentah kang teges. Pabrik-pabrik sing ora duwe Instalasi Pengolahan Akhir Limbah (IPAL) lan mbuwak langsung limbahe menyang Kali Surabaya kudu diwenehi sanksi kang abot.

• Khususe sampah padhet kang awujud plastik, dadi masalah lingkungan ing Indonesia. Amarga, plastik iku kalebu sampah kang angel dimusnahakake. Butuh pirang-pirang taun kanggo musnahake sampah plastik kuwi.

Gatekna pethikan teks Palapuran Asil Observasi ing ngisor iki!

Plastik saliyane ngeculake senyawa bencana, uga gampang ngiket bahan pencemar beracun sing bisa njalari kanker (karsinogenik), mutasi genetic lan rusake embrio. Bab iki njalari rugine ekspor kita, awit akeh sing ditulak negara-negara Uni Eropa lan AS, merga anane cemaran logam berat, mikroba pathogen, residu hestamin lan obat hewan. Kejaba secara ekonomi, kita uga rugi merga ana prabeya kasarasan minangka akibat ngonsumsi iwak sing wis terkontaminasi.

Pethikan Teks Palapuran Asil Observasi ing dhuwur isine ngenani...

• Gunane sampah plastik

• Dampak pencemaran segara

• Iwak segara wis terkontaminasi

• Ekspor kita ditulak negara-negara Uni Eropa

Farhan maca Teks Palapuran Asil Observasi kanthi judhul Pencemaran ing Kali Surabaya. Sawise maca, dheweke dadi ngerti menawa bahayane pencemaran Kali Surabaya iku bisa ndadekake iwak wedok malih dadi lanang.

Saka ilustrasi ing dhuwur nggambarake menawa Palapuran Asil observasi duweni sipat...

• Objektif

• Komunikatif

• Informatif

• Fiktif

Gatekna pethikan Teks Palapuran Asil Observasi ing ngisor iki!

Taman Nasional Baluran minangka salah sijine kawasan konservasi sing duweni maneka warna tetuwuhan lan kewan. Ekosistem sing maneka warna bisa narik kawigaten panaliti kanggo nliti Taman iki. Hawane sing seger uga bisa dadi papan rekreasi. Wayah srengenge gumlewang mangulon ndadekake endahe swasana kang nentremake ati.

Tetuwuhan ing Taman Nasional iki gunggunge ana 444 jinis, ing antarane ana tetuwuhan asli ingkang mligi utawa khas lan nenarik yaiku widoro bukol (Ziziphus rotundifolia), mimba (Azadirachta indica), lan pilang (Acacia leucophloea). Widoro bukol, mimba, dan pilang mujudake tetuwuhan kang bisa adaptasi marang mangsa ketiga ngerak, tetuwuhan iki isih katon ijo nalika tetuwuhan liyane wis padha alum.

Isi teks Palapuran Asil Observasi kudu objektif utawa selaras karo kasunyatan. Ukara sing nuduhake menawa Teks Palapuran Asil observasi ing dhuwur asipat objektif yaiku...

• Ekosistem sing maneka warna bisa narik kawigaten panaliti kanggo nliti Taman iki.

• Hawane sing seger uga bisa dadi papan rekreasi.

• Wayah srengenge gumlewang mangulon ndadekake endahe swasana kang nentremake ati.

• Tetuwuhan ing Taman Nasional iki gunggunge ana 444 jinis.

Gatekna pethikan teks drama ing ngisor iki!

 

Prolog

Dhek biyen rikala jaman penjajahan Walanda ing taun 1920 pamarentah penjajah nedya mbangun kreteg Porong lan tangkis kali wiwit saka Porong nganti tekan Beji. Para warga kalebu warga Beji kudu melu kerja rodhi mbangun kreteg lan tangkis kali kasebut. Ana sawijining lurah kang mbalela lan ora narimakake manawa wargane dikongkon kerja paksa. Lurah kasebut aran Bintoro saka desa Gondhanglegi, tlatah Beji Pasuruan.  

Lurah Bintoro      :    “Rik.... Carik…. mene para warga ndhik desa Gondhanglegi kene ojok oleh budhal kerja rodhi maneh ya...!”

Carik Wicaksono :    “Wah… mangke menawi ndara onder duka,kadospundi?”

Lurah Bintoro      :    “Gak preduli Rik…. Pokoke kita kabeh nyawiji gak katene Walanda bakal wani. Arep takadhepi yen kompeni Walanda teka ndhik kene.”

Carik Wicaksono :    “Kula lan para warga badhe nyengkuyung sedaya prentah lan kawicaksanan panjenengan.”

Lurah Bintoro      :    “Ayo, Rik…! Rika kudu melu nyiyagakna para warga ndhik desa kene kanggo ngadhepi tentara kompeni Walanda! Arek-arek enggal digladhi barek olah kanuragan lan sanjata ya Rik...!”

Carik Wicaksono         :           Ngestokaken dhawuh Ki Lurah. Gusti Allah ingkang Maha Agung mugi tansah paring pangayoman dhumateng kita sedaya.”

Pethikan teks drama ing dhuwur manut strukture kalebu...

• Orientasi

• Komplikasi

• Resolusi

• Kodha

Gatekna pethikan Teks Drama ing ngisor iki!

Perang tandhing antarane Jaka Sambang lan Lurah Bargowo ora bisa dipenggak maneh. Lurah Bargowo kang sekti mandraguna rumangsa kaya dikileni dhadhane, ditantang bocah enom kang isih saumuran anake. Jaka Sambang kang ginawa rasa pingget atine merga sudarmane diprejaya dening Lurah Bargowo lan ibune dibergonjak, ora narimakake kabeh tumindake lurah kang murang tata iku. Kanthi gumelenge tekad lan pawitan ilmu saka gurune ing Jalatundha, Pananggungan, Jaka Sambang kasil ngasorake lan mrejaya Lurah Bargowo. Wondene Carik Abilowo kasil dikalahake Jaka Buntek. Prajurit Kumpeni uga keplayu salang tunjang ngadhepi para pemudha saka Gunung Gangsir, desa Gondhanglegi, Beji, Pasuruan. Wiwit kadadeyan iku pamarentah Hindia Belanda ora wani maneh ngganggu gawe para warga ing desa Gondhanglegi. Wong sing mbela bebener kaya Jaka Sambang, tansah antuk pitulungan lan diayomi dening Gusti Allah. Wondene wong-wong kang tumindak ala lan sawenang-wenang kaya Lurah Bargawa, kompeni Walanda, lan andhahane bakal antuk piwales kang satimpal.

 

Manut strukture perangan teks ing dhuwur kalebu perangan...

• Orientasi

• Komplikasi

• Resolusi

• Kodha

Gatekna pethikan Teks Drama ing ngisor iki!

Niate klething Kuning arep melu unggah-unggahi Andhe-Andhe lumut sirna. Dheweke malah disiya-siya, diundamana karo dulur-dulure. Klething Kuning malah diutus Ibune ing Kali saperlu ngresiki dandang gosong. Kanthi ati susah Klething Kuning nggetuni nasibe sing ala..

Klething kuning:  “Owalah Nasibku kok kaya mangke ya!” kenapa ibu degsiya marang aku?” Dhuh Gusti, kenging menapa panjenengan paring nasib dhumateng kula ingkang kados mekaten, menapa dosa lan kalepatan Kula Gusti!”

 

Manut Teks ing dhuwur omongane Klething Kuning iku kalebu...

• Dialog

• Prolog

• Monolog

• Epilog

Sawise rampung melu kegiyatan ekstra tari,  Laras didangu Bu Santi.

Bu Santi          : “Kowe arep mulih saiki, Laras?’

Laras               : “Inggih Bu, kula badhe.......... .amargi sampun sonten”.

 

Tembung sing trep kanggo njangkepi wangsulane Laras yaiku ...

• Mulih

• Tindak

• Wangsul

• Kondur

Awan iku nalika mulih sekolah, saka kadohan Risma ngerti ana wong lanang tuwa kang katone  bingung nggoleki omahe sedulure. Risma banjur nyedhaki pawongan mau banjur takon.

Risma                 : “Pangaputen, Pak. Wonten ingkang saged kula biyantu?”

Pawongan          : “Anu nduk, omahe Pak Khasan Mudin iku endi ya nduk?”

Risma                 : “.................. “

Wangsulane Risma sing bener, yaiku ....

• Dalemipun Pak Khasan Mudin wonten  leripun margi nomer sedasa.

• Daleme Pak Khasan Mudin enten ler margi nomer sedasa.

• Griyane Pak Khasan Mudin  enten lere margi nomer sedasa.

• Omahe Pak Khasan Mudin ana lore dalan nomer sepuluh.