Pagmamahalan at Pagtutulungan sa Pamilya: Palaganapin

Alin sa mga sitwasyon ang nagpapakita ng angkop na kilos sa pagpapatatag ng pagmamahalan at pagtutulungan sa pamilya?

• Si Bernardo ay pamilyadong tao. Bumili siya ng pagkain para sa kaniyang sarili lamang kaya lubos itong ikinagalit ng kaniyang asawa.

• Si Pablo ay naglaan ng sapat na oras at panahon upang maipasyal ang pamilya sa plaza nang mapag-usapan ang mga problemang nararanasan.

• Ang pamilyang Remorosa ay sama-samang kumakain sa hapag-kainan. Pagkatapos kumain ng lahat ay hinuhugasang mag-isa ni Jeasel ang pinagkainan.

• Ang pamilyang Pecundo ay walang pakialam sa isa't isa. Parati na lamang nag-aaway ang mag-asawa. Ang mga anak naman nito ay nalulong na sa online games.

Alin sa mga kilos ang dapat isagawa upang mapatatag ang pagmamahalan at pagtutulungan sa pamilya?

• pagkakaisa sa mga gawain

• mag-isang naglilinis ng bakuran

• pinapairal ang pagiging maramot

• nagbibingi-bingihan sa utos ng magulang

Alin sa sumusunod na kilos ang nagpapakita ng pagpapahalaga sa mabuting nagawa ng isang miyembro ng pamilya?

• pag-aaksaya ng oras at panahon

• nagliliwaliw sa mga gustong lugar

• pagtangkilik ng mga mabubuting kilos

• pagsasantabi ng tagumpay ng miyembro ng pamilya

Alin sa mga sitwasyon ang nagpapatatag sa pagtutulungan ng pamilya?

• Sinasarili ni Agatha ang problema sa pamilya kaya nakaranas ito ng depresiyon.

• Tila walang narinig si Romeo sa mga pangaral na ibinibigay ng ina kaya napariwara ang buhay nito.

• Nakasanayan na ni Erning ang magsinungaling sa kaniyang magulang at napagtanto niyang hindi ito mabuti.

• Sama-samang gumagawa ng mga gawaing bahay ang pamilyang Ligaya kaya't napabibilis ang pagtapos dito.

Bumabangon nang maaga si Aling Carlita upang maglako ng kaniyang mga paninda sa palengke. Masama man ang kaniyang pakiramdam ay patuloy pa rin itong nagtatrabaho para mabigyan ng masaganang buhay ang kaniyang pamilya. Hindi ito sumusuko sa lahat ng problemang dumarating dahil alam niyang pinapahalagahan ng mga anak ang kaniyang sakripisyo. Kung ikaw ang anak ni Aling Carlita paano mo maipapakita ang pagpapahalaga sa ginagawang sakripisyo ng iyong ina?

• pumapasok sa paaralan at nagbubulakbol

• pumapasok sa paaralan ngunit mababa ang marka

• pumapasok sa paaralan at ikinahihiya ang trabaho ng ina

• pumapasok sa paaralan at nagsusumikap na makapagtapos

Alin sa mga sitwasyon ang nagpapakita ng pamilyang may matatag na pagmamahalan?

• Maririnig ang napakalakas na sigawan sa loob ng tahanan nina Carlos at Alexa.

• Palaging nagbabangayan ang magkapatid na Mary at Jane dahil lang sa maliit na bagay.

• Nagpapalitan ng masasakit na salita ang mag-asawang Ariel at Mae na nagbunga ng kanilang paghihiwalay.

• Tinatanggap ni Claresse ang kamalian ng kaniyang kapatid at pinatawad ito sa mga nagawang kamalian.

Pag-uwi ng panganay na anak galing sa trabaho nadatnan na nagkakalat ng laruan ang bunsong kapatid. Bilang panganay, ano ang iyong gagawin?

• Pagagalitan ang bunsong kapatid.

• Pababayaang nakakalat sa sahig ang mga laruan.

• Isusumbong sa magulang ang pagkakalat ng bunso

• Ililigpit ang kalat dahil hindi pa alam ng bunsong kapatid kung paano magligpit.

Bakit mahalagang maisagawa ang mga angkop na kilos sa isang pamilya?

• upang mapatibay ang relasyong pampamilya

• upang maipakita na ang bawat pamilya ay perpekto

• upang mapatibay ang relasyong pakikipagkapuwa tao

• upang ipagmalaki sa iba ang katatagan ng kanilang pamilya

Alin sa sumusunod na sitwasyon ang nagpapakita ng matatag na pamilyang may pagmamahalan at pagtutulungan?

• Madaling mapikon si Andrew sa tuwing binibiro ng kapatid.

• Sina Kat at Rina ay matalik na magkaibigan at hindi nag-aaway kahit minsan.

• Sa tuwing may problema ang isa sa miyembro ng pamilya ay nakahandang magbigay ng tulong at payo ang magulang.

• Hindi kumikibo si Angelo sa tuwing kinakausap siya ng kaniyang magulang dahil sa nahihiya siyang magbahagi ng kaniyang problema.

Pinag-aawayan ng dalawang anak na sina Pat at Rick ang bagong biling laruan. Bilang ina, ano ang maaari mong gawin upang pagbatiin at hindi maisip ng dalawa na may kinakampihan ka?

• Kakampihan ng ina si Pat.

• Sisigawan ng ina ang dalawang anak.

• Hahayaan ng ina ang dalawa dahil away bata lang ito.

• Ipaalala sa mga anak ang kahalagahan ng pagbibigayan.