Ang climate change ay tinatalakay hindi lamang bilang usaping pangkapaligiran o pangkalikasan kundi pati _________________.

• pulitikal, pang-ekonomiya, at panlipunan

• pang-ekonomiya, pulitikal, at pantahanan

• pangtao, pulitikal, at pantahanan

• pangtao, pampamayanan, at pang-ekonomiya

Answer explanation

Ang isyu ng climate change ay hindi lamang pangkalikasan bagkus, umiikot ito sa iba’t ibang aspekto tulad ng pulitika, ekonomiya, at lipunan.

Alin sa sumusunod ang isang likas na dahilan ng climate change?

• pagpasok ng mga bagyo

• pagputok ng bulkan sa ilalim ng karagatan

• pag-ikot ng mundo sa axis nito

• pagkatunaw ng yelo sa North Pole

Answer explanation

Ang distansya ng araw sa ating mundo ay maaaring maging sanhi ng climate change. Kapag ito ay malapit ay mas mainit, at kapag malayo naman ay malamig. Maari ring maging dahilan ng climate change ang pagputok ng mga bulkan sa ilalim ng karagatan.

Alin sa sumusunod na gawain ng tao ang nakadadagdag sa epekto ng climate change?

• paggamit ng mga natural fertilizer sa mga pananim

• pagsusunog ng fossil fuels

• paggamit ng renewable energy gaya ng solar energy

• pagtatanim ng mga puno

Answer explanation

Ang pagsusunog ng fossil fuels ay isa sa mga gawain ng taong malaki ang nagiging epekto sa paglawak at pagpapatuloy ng climate change.

Paano nakatutulong ang paggamit ng renewable energy para mabawasan ang epekto ng global warming?

• Nakatutulong ito upang makita natin ang mas malalang epekto ng global warming.

• Nakatutulong ito upang maging bukas ang ating kaisipan sa mga epekto ng global warming.

• Nakatutulong ito upang mabawasan ang pagsusunog ng fossil fuels.

• Nakatutulong ito upang magamit natin ang agham upang malutas ang mga suliranin ng mundo.

Answer explanation

Ang paggamit ng green energy, tulad ng solar at wind energy, ay nakatutulong upang mabawasan ang pagsusunog at paggamit ng fossil fuels na pinagkukunan ng enerhiya. Ang prosesong ito ay nakapagpapalala sa global warming na ating nararanasan.

Paano nakakaapekto ang climate change sa kalagayan ng tao sa mundo?

• Mas nabibigyang pansin ang pagbabago ng klima ng mundo.

• Nagdudulot ito ng malalakas at mapaminsalang kalamidad katulad ng bagyo na nararanasan sa bansa.

• Nagkaroon ng malawakang kamalayan ang mga mamamayan sa mundo.

• Nagkakaroon ng inspirasiyon ang mga taong labanan ang mga epekto ng climate change.

Answer explanation

Isa sa mga epekto ng climate change sa kalagayan ng mundo ay ang pagkakaroon ng mas malalakas at mapaminsalang kalamidad katulad ng nangyari sa Pilipinas noong kasagsagan ng bagyong Yolanda noong 2013.

Alin sa sumusunod na pahayag ang hindi totoo?

• Walang lunas sa mga hamong dulot ng climate change.

• Kailangang magkaisa ang lahat upang hindi lumala ang mabilis na pagbabago ng ating klima

• Ang ating gobyerno ay may mahalagang gampanin sa usaping climate change.

• Kailangan nating umaksyon laban sa climate change.

Answer explanation

Ang climate change ay isang isyung kinakaharap ng buong mundo. Hindi maikakailang mapanghamon ang mga epektong dulot nitong nararanasan ng mga tao. Gayunpaman, ang solusyon o lunas upang mas mainam na makatugon sa mga hamong ito ay nakasalalay rin sa atin.

Alin sa sumusunod ang hindi tumutukoy sa climate change bilang isang isyung pulitikal?

• Mahalaga ang paglikha ng pampulitika at pampublikong consensus para sa mga aksiyong gagawin.

• Lahat ng sangay ng pamahalaan ay may mahalagang gampanin sa pagtugon sa climate change.

• Magmamahal ang presyo ng bilihin sa merkado.

• Tinatalakay rin dapat ng mga batas ang climate change at ang kapaligiran.

Answer explanation

Lahat ng pahayag maliban sa pagmamahal ng presyo ng bilihin sa merkado ay nagpapahayag kung bakit isyung pulitikal ang climate change.

Alin sa mga sumusunod ang hindi naglalahad kung bakit isyung pang-ekonomiya ang climate change?

• Nakakaapekto ang climate change sa mga magsasaka at mangingisda.

• Mahalaga ang ating ekonomiya sa pang-araw-araw na buhay.

• Ang ilan sa mga malalaking kompanya at korporasyon ay gumagamit ng makinaryang nagbubuga ng maruruming gases.

• Maaaring magtaas ang presyo ng mga bilihin sa merkado dahil sa kakulangan ng suplay.

Answer explanation

Tunay ngang mahalaga ang ekonomiya sa ating buhay ngunit hindi ito naglalahad ng dahilan kung bakit isyung pang-ekonomiya ang climate change.

Alin sa sumusunod na pahayag ang naglalahad kung bakit isyung panlipunan ang climate change?

• Nangangailangan ng mas marami pang mga puno sa komunidad.

• Hindi naaapektuhan ang araw-araw na gawain ng tao.

• Naaapektuhan ang mga mahihirap na sektor gayundin ang mga developing countries.

• Nagmamahal ang presyo ng mga bilihin sa merkado.

Answer explanation

Nangangailangan tayo ng mas marami pang puno ngunit hindi ito dahilan kung bakit isyung panlipunan ang climate change. Hindi rin totoong hindi naaapektuhan ang ating araw-araw na gawain ng climate change at mga hamong dulot nito. Ang pagtaas naman ng presyo ng mga bilihin ay kinalaman sa ekonomiya.

Bakit mahalagang talakayin ang climate change?

• Dahil lahat tayo ay apektado at may magagawa sa isyung ito.

• Dahil kailangang umaksiyon ng pamahalaan upang masolusyonan ito.

• Dahil ang kabataan lamang ang may kakayahang tumugon dito.

• Dahil ang mga nakatatanda lamang ang may magagawa sa usaping ito.

Answer explanation

Lahat tayo, bata, matanda, mag-aaral o nagtatrabaho, ay may maiaambag upang mapigilan ang masasamang epektong dulot ng climate change. Mayayaman o mahihirap, lahat ay apektado nito.