MGA WIKANG PANTURO SA PILIPINAS

Ano ang wikang panturo?

• A. wikang ginagamit sa paaralan

• B. wikang ginagamit sa pagtukoy ng direksiyon

• C. wikang ginagamit sa tahanan

• D. wikang ginagamit sa pakikipag-usap sa nakatatanda

Answer explanation

Ang wikang panturo ay wikang ginagamit sa mga paaralan upang higit na mabilis at maging epektibo ang pagkatuto ng mga mag-aaral.

Sa anong mga materyales ginagamit ang wikang panturo?

• A. aklat

• B. aralin sa loob ng silid-aralan

• C. anunsiyo at patalastas

• D. opisyal na dokumento ng paaralan

Answer explanation

Ang wikang panturo ay hindi lamang ginagamit sa talastasan o talakayan sa loob ng paaralan. Ito rin ang wikang ginagamit sa sumusunod na materyales para mapagtibay ang epektibong pagkatuto ng mga mag-aaral:

• libro at leksyon ng guro,

• pakikipagtalastasan ng mag-aaral sa loob ng silid-aralan,

• mga anunsyo at patalastas,

• mga pangalan ng mga silid, at

• kasulatan at opisyal na dokumento sa paaralan.

Ano ang Patakarang MTB-MLE?

• A. paggamit ng unang wika sa pagtalakay ng mga aralin sa paaralan

• B. paggamit ng wikang pambansa sa pagtalakay ng mga aralin sa paaralan

• C. paggamit ng wikang Ingles sa pagtalakay ng mga aralin sa paaralan

• D. paggamit ng pinaghalong Filipino at Ingles sa pagtalakay ng mga aralin sa paaralan

Answer explanation

Ang Mother Tongue Based-Multilingual Education (MTB-MLE) ay programa ng Kagawaran ng Edukasyon kung saan mula sa Kindergarten hanggang Ikatlong Baitang ay gagamitin ang unang wika ng mga mag-aaral sa pagtalakay ng mga aralin sa paaralan. Bunga ito ng paniniwalang higit na nauunawaan ng mga mag-aaral ang kanilang pinag-aaralan kung natatalakay ito sa wikang pinakapamilyar sa kanila, ang kanilang unang wika o mother tongue.

Alin sa sumusunod ang hindi naging wikang panturo sa Pilipinas?

• A. Nihonggo

• B. Ingles

• C. Tagalog

• D. Cebuano

Answer explanation

Sa kasaysayan ng pag-unlad ng wikang panturo sa Pilipinas, tanging Nihonggo lamang ang hindi ginamit bilang wikang paturo. Sa panahon ng pananakop ng mga Hapones, wikang bernakular tulad ng Tagalog at Cebuano ng ginamit sa pagtuturo, samantalang ipinag-utos ang pagtuturo ng Nihonggo sa mga Pilipino.

Ano ang itinalagang wikang panturo nang maitatag ang Ikatlong Republika ng Pilipinas?

• A. Tagalog

• B. Ingles

• C. Filipino

• D. Pilipino

Answer explanation

Pagkatapos ng Ikalawang Digmaang Pandaigdig ay itinatag ang Ikatlong Republika ng Pilipinas. Sa panahong ito ay nagpatupad ng patakarang bilingguwal ang pamahalaan kung saan gagamit ng dalawang wika sa pagtuturo sa mga paaralan—ang wikang pambansa at wikang Ingles. Matatandaan na taong 1937 nang italaga ang Tagalog bilang batayan ng wikang pambansa. Ang Pilipino naman ay itinalaga lamang noong 1959, maraming taon na ang nakalipas matapos itatag ang ikatlong republika.

Alin sa sumusunod na wika ang itinalagang wikang panturo ng Kagawaran ng Edukasyon noong 2012?

• A. Kapampangan

• B. Hiligaynon

• C. Maguindanaoan

• D. Sambal

Answer explanation

Taong 2009 nang ipatupad ang Mother Tongue Based-Multilinggual Education (MTB-MLE) ng Kagawaran ng Edukasyon. Batay naman sa Department of Education Order No. 16, series of 2012, may 12 wika, liban sa Filipino at Ingles, na ituturing at gagamiting wikang panturo. Ang mga ito ay:

• Ilokano,

• Pangasinense,

• Kapampangan,

• Tagalog,

• Bikol,

• Hiligaynon,

• Cebuano,

• Waray-waray,

• Chavacano,

• Maguindanaoan,

• Tausug, at

• Maranao.

Sa aling asignatura hindi ginagamit ang wikang Filipino bilang wikang panturo mula Baitang 4?

• A. MAPEH

• B. Araling Panlipunan

• C. Edukasyon sa Pagpapakatao

• D. Filipino

Answer explanation

Mula Baitang 4 pataas, ginagamit ang wikang Filipino sa Edukasyon sa Pagpapakatao, Araling Panlipunan, at Filipino samantalang Ingles naman sa Matematika, Agham, at MAPEH.

Ang pamilya ni Marlon ay naninirahan sa Zamboanga Sibugay. Ang kaniyang nakababatang kapatid ay nasa Kindergarten. Anong wikang panturo ang gagamitin ng guro ng nakababatang kapatid ni Marlon?

• A. Chavacano

• B. Cebuano

• C. Filipino

• D. Ingles

Answer explanation

Chavacano ang wikang bernakular sa rehiyon ng Zamboanga. Ibig sabihin, ito ang unang wika ng mga taong naninirahan dito. Kung gayon, batay sa patakarang MTB-MLE, wikang Chavacano ang wikang panturo para sa Kindergarten hanggang Ikatlong Baitang sa rehiyong ito.

Kung si Marlon ay nasa Baitang 10 na, ano ang wikang panturo na gagamitin sa pagtuturo ng Agham sa kanilang klase?

• A. Ingles

• B. Filipino

• C. Chavacano

• D. Cebuano

Answer explanation

Bagaman Chavacano ang unang wika ni Marlon, siya ay nasa ika-10 baitang na. Ibig sabihin, matatag na ang pundasyon ng kaniyang kaalaman sa iba pang wika tulad ng Filipino at Ingles. Batay sa patakarang bilunggual ng edukasyon, wikang Ingles ang gagamitin sa pagtuturo ng Agham sa ganitong antas.

Halimbawang lumipat ng tirahan ang pamilya ni Marlon. Mula Zamboanga Sibugay ay nanirahan na ang kanilang pamilya sa Cebu. Anong wikang panturo ang pinakamainam gamitin para sa kaniyang kapatid na nasa Kindergarten?

• A. Chavacano

• B. Cebuano

• C. Ilokano

• D. Tagalog

Answer explanation

Bagaman lumipat na ng tirahan, nananatiling Chavacano ang unang wika ng pamilya ni Marlon. Kung gayon, wikang Chavacano pa rin ang pinakamainam na gamiting wikang panturo para mas epektibong matuto ang kaniyang nakababatang kapatid. Gayunpaman, hindi ito magiging madali lalo na at may ibang unang wika sa lugar na nilipatan ng pamilya ni Marlon. Kung gayon, mahalaga ang papel ng kanilang mga magulang upang maalalayan ang magkapatid sa pagbabago sa wikang gagamitin sa bagong tirahan.