MGA LINGUA FRANCA SA PILIPINAS

Ano ang lingua franca?

• A. wikang ginagamit ng mga taong may magkaibang unang wika

• B. wikang ginagamit ng mga taong may magkaibang edad

• C. wikang ginagamit ng mga taong may magkaibang kasarian

• D. wikang ginagamit ng mga taong may magkaibang pinag-aralan

Answer explanation

Ang lingua franca ay wikang ginagamit ng tao o grupo ng tao na may magkakaibang unang wika upang makapag-usap o magkaintindihan. Sa ibang mga pag-aaral, tinatawag ito na interlingua.

Ano ang pambansang lingua franca ng Pilipinas?

• A. Filipino

• B. Tagalog

• C. llokano

• D. Pangasinense

Answer explanation

May tinatayang 180 na wika sa Pilipinas. Dahil dito, mahalagang magkaroon ng isang wika na magiging tulay para magkaunawaan ang mga Pilipino mula sa iba't ibang panig ng bansa—ito ang wikang Filipino.

Ano ang pandaigdigang lingua franca?

• A. Ingles

• B. Espanyol

• C. Mandarin

• D. French

Answer explanation

Wikang Ingles ang pandaigdigang lingua franca. Ito ang wikang ginagamit ng mga taong nagmula sa iba't ibang bansa para makapag-usap at magkaunawaan.

Alin sa sumusunod ang panrehiyong lingua franca?

• A. Cebuano

• B. Hiligaynon

• C. Bikol

• D. Ilokano

Answer explanation

Ang mga panrehiyong lingua franca ay wikang kinikilala, nauunawaan, at ginagamit ng nakararami sa isang partikular na rehiyon. Mahalaga ito sa mga rehiyong ang mga tao ay may magkakaibang unang wika. Ilokano ang lingua franca sa Hilagang Luzon; Bikol ang lingua franca sa rehiyon ng Bikol, kasama na ang Catanduanes at Sorsogon; Hiligaynon ang lingua franca sa Kanlurang Visayas, kasama na ang malaking bahagi ng Negros Occidental; at Cebuano ang lingua franca sa Gitnang Visayas at malaking bahagi ng Mindanao.

Alin sa sumusunod na pahayag ang totoo tungkol sa lingua franca?

• A. Ito ay wikang ginagamit ng mga taong may magkaibang unang wika.

• B. Ito ay wikang kinikilala at nauunawaan ng mas nakararaming tao sa isang lugar.

• C. Ito ang wikang pinipili ng pamahalaan na gagamitin ng mga tao sa bawat rehiyon.

• D. Hindi nagbabago ang lingua franca sa pagdaan ng panahon.

Answer explanation

Ang lingua franca ay wikang ginagamit ng mga taong may magkaibang unang wika para makapag-usap at magkaunawaan. Kung gayon, ang wikang ito ay nauunawaan at kinikilala ng mas maraming tao sa isang partikular na lugar. Hindi kinakailangan na itakda ito ng pamahalaan at maaaring magbago ang lingua franca sa isang lugar, lalo na kung may wikang mas higit na nauunawaan at nagagamit ng mas maraming mamamayan.

Bakit mahalaga ang lingua franca?

• A. tulay ito para magkaunawaan ang mga tao

• B. daan ito para magkaisa ang mga tao

• C. paraan ito para mapasunod ang mga tao

• D. kasangkapan ito para masakop ang mga tao

Answer explanation

Mahalaga ang lingua franca dahil ito ang tulay para magkaunawaan ang mga tao. Dahil nauunawaan ang wikang ito ng dalawang taong may magkaibng unang wika, naiiwasan ang hindi pagkakaunawaan at pag-aaway. Bunga nito, masasabi rin na ang lingua franca ay daan para magkaisa ang mga tao.

Ano ang mangyayari kung walang lingua franca sa Pilipinas?

• A. mag-aaway-away ang mga Pilipino

• B. magiging magkakaibigan ang mga Pilipino

• C. magiging maunlad ang bansang Pilipinas

• D. magkakaroon ng iisang layunin ang mga Pilipino

Answer explanation

Kung walang lingua franca, hindi magkakaunawaan ang mga Pilipino. Ang mensaheng nais ipahayag ng isang taong may ibang wika, Ilonggo halimbawa, ay maaaring mabigyan ng kaiba o hindi magandang interpretasyon ng isa pang taong may ibang unang wika.

Halimbawa, sabihin ng isang Ilonggo na "Ay! tanga!" at sabay turo sa tabi ng isang Tagalog. Dahil may ibang pakahulugan ang mga Tagalog sa salitang "tanga," iisipin ng Tagalog na pinupulaan o sinasabihan siya nang hindi maganda ng isang Ilonggo. Magiging dahilan ito ng kanilang pag-aaway, kahit pa ang tinutukoy ng Ilonggo ay isang "ipis," o ang mensahe ay "nakakita siya ng ipis malapit sa Tagalog." (ang "tanga" sa Tagalog ay salitang ginagamit para pasakitan o pulaan ang isang tao dahil sa kaniyang kamangmanagan o kawalan ng alam. Samantala, ang "tanga" sa wikang Hiligaynon ng mga Ilonggo ay tumutukoy sa insektong nagdadala ng sakit o "ipis.")

Si Harold ay ipinanganak at lumaki sa Surigao del Norte. Sa susunod na buwan ay pupunta siya sa Maynila upang paghandaan ang pagpasok niya sa kolehiyo. Anong wika ang gagamitin ni Harold sa kaniyang pakikipag-usap sa mga kaibigan sa Surigao del Norte?

• A. Cebuano

• B. Ilokano

• C. Tagalog

• D. Bikol

Answer explanation

Si Harold ay naninirahan sa Surigao del Norte, isang lalawigan sa hilagang-silangang bahagi ng Mindanao. Ang lingua franca sa rehiyong ito ay Cebuano.

Pagdating ni Harold sa Maynila ay agad siyang nanibago sa pakikipag-usap sa mga tao, lalo na sa kaniyang mga guro at kaklase. Ano ang lingua franca na dapat gamitin ni Harold kapag nakikipag-usap sa kaniyang mga kaibigan at kaklase sa Maynila?

• A. Tagalog

• B. Cebuano

• C. Ingles

• D. Ilokano

Answer explanation

Dahil nasa Kamaynilaan, mainam kung gagamit si Harold ng wikang Filipino (batay sa Tagalog), ang pambansang lingua franca, sa pakikipag-usap sa kaniyang mga kaklase. Malaki ang posibilidad na ang mga kaklase at guro ni Harold ay nagmula rin sa iba pang lalawigan ng bansa at may ibang unang wika.

Makalipas ang ilang linggo ay nakilala ni Harold si Chester, ang pamangkin ng kasera ni Harold, na nagbabakasyon sa Maynila. Si Chester ay mula sa bansang Germany. Ano ang wikang dapat gamitin ni Harold kung makikipag-usap siya kay Chester?

• A. Ingles

• B. Filipino

• C. Aleman

• D. Cebuano

Answer explanation

Dahil sina Harold at Chester ay mula sa magkaibang bansa, pinakamainam kung gagamit si Harold ng pandaigdigang lingua franca—Ingles—para makipag-usap kay Chester. Maaari lamang silang magkaintindihan kung Ingles ang wikang kanilang gagamitin, maliban na lamang kung marunong si Harold ng wikang Aleman o marunong si Chester ng wikang Cebuano.