Q1-BALIK-ARAL FILIPINO 6

Ang protina ay isang uri ng sustansiyang kailangang-kailangan ng ating katawan. Ang mga gulay at karne ay siyang pinagkukunan natin ng protina. Ang  mga dahon ng malunggay, alagaw at kamote ay nagbibigay ng  araming protina  kapag ito ay iniluluto at kinakain habang talbos pa. Bukod sa mga dahon, ang mga  bunga at bulaklak ng ilan sa mga puno ay pinagkukunan din ng protina. Ang mga

bulaklak ng kalabasa at katuray ay nagbibigay ng protina kung isasama sa ating  pagluluto. Sa paligid-ligid natin ay maraming gulay at halamang mapagkukunan ng  protinang kailangan ng ating katawan. (Liwanag, Lydia B., Landas sa Wika 6, 2011 Pahina 50)

• Mga Gulay at Halaman

• Ang Kahalagahan ng Protina

• Mga Mapagkukunan ng Protina

• Sustansiyang Kailagan ng Katawan

Gabi noong ika-7 ng Hulyo, 1892, itinatag ni Andres Bonifacio ang Kataastaasan, Kagalang-galangang Katipunan ng mga Anak ng Bayan. Isinagawa ito sa

isang bahay sa Tondo, Maynila. Katulong niya sa pagbuo nito ang kaniyang  dalawang kaibigang sina Teodoro Plata at Ladislao Diwa.  Nang bumagsak ang La Liga Filipina ni Jose Rizal kung saan kasapi rin si Bonifacio, lalo pa niyang pinagsumikapang buuin at palakasin ang rebolusyonaryong samahang Katipunan. (Liwanag, Lydia B., Landas sa Wika 6, 2011 Pahina 52)

• Si Andres Bonifacio

• Ang La Liga Filipina

• Pagkatatag ng Katipunan

• Ang Samahang Katipunan

Mayaman ang Bicol sa nakasulat at di-nakasulat na panitikan. Marami itong alamat at kuwentong-bayan. Mayroon din itong katangi-tanging epiko na ang pamagat ay Ibalon. Itinuturo sa epikong ito ang pagpapahalaga sa katapangan, kapayapaan, at katapatan sa paggawa. Nilalayon din nitong maalis ang hindi kanaisnais na mga pag-uugali tulad ng pagkamainggitin at pagiging mapanlinlang sa kapwa. Ang mabubuting pag-uugaling namana pa ng mga taga-Bicol sa kanilang mga ninuno ay bahagi ng mga alamat at kuwentong-bayang nababasa o naririnig nila. (Liwanag, Lydia B., Landas sa Wika 6, 2011 Pahina 41)

• Ang Panitikan ng Bicol

• Ugali ng mga Taga-Bicol

• Ang Mga Epiko ng Bicol

• Ang Yaman ng Lalawigan ng Bicol

Likas na mapamahiin ang mga Pilipino. Isa siguro ito sa mga dahilan kung bakit hindi tayo umuunlad sa siyensya. Kung minsan ay nakatatawa na ang mga pamahiin. Ganoon pa man, ang mga ito ay sinusunod pa rin ng maraming Pilipino. Ilan sa mga pamahiing ito ang paniniwala ng mga taga-Polilio, Quezon na ang isang

taong nagtatanim ng saging ay kailangang busog na busog upang maging mapipintog, matataba at malalaki ang saging. Sa Tanuan, Batangas naman, ang mga tao ay naniniwala sa mga nuno. Ang mga ito raw ay nakatira sa isang bundok, puno, o sa isang punso. Kung makikiraan ka sa tirahan ng nuno, kailangang humingi ka muna ng pahintulot bago ka kumilos. (Liwanag, Lydia B., Landas sa Wika 6, 2011 Pahina 71)

• Iba’t Ibang Pamahiin ng mga Pilipino

• Ang Kakaibang Pamahiin sa Polilio

• Ang Kakatawang Nuno sa Batangas

• Kahanga-hangang Pamahiin ng mga Pilipino

Hindi kaila sa lahat na ang mga Pilipino ay masipag, matiyaga, matiisin, at may pananaw sa buhay. Nais nilang magkaroon ng magandang kabuhayan at mabigyan ng magandang kinabukasan ang mga miyembro ng kanilang pamilya. Nagtutungo ang mga kababayan nating Pilipino sa ibang bansa upang magtrabaho. Tinitiis nila ang matagal na pagkawalay sa kanilang mga mahal sa buhay upang

kumita ng sapat para sa kanilang mga pangangailangan. (Liwanag, Lydia B., Landas sa Wika 6, 2011 Pahina 28)

• Pagtitiis

• Ang Problema sa Pamilya

• Pagkamatiisin ng mga Pilipino

• Ang Mahalagang Pananaw ng mga Pilipino