First Periodical Test in ESP 5

Sino sa mga batang ito ang nagpakita ng pagiging mapanuri?

• Lahat ng nababasa ni Ana sa internet ay kaniyang pinaniniwalaan.

• Bago maniwala sa balita, inaalam muna ni Alma kung totoo ito o hindi.

• Ikinakalat ni Gene ang anumang usapan nila ng kaniyang kaibigan kapag hindi niya ito kaharap.

• Isinusumbong agad ni Raffy sa kanilang guro ang mga kaklaseng sa tingin niya ay nangongopya tuwing may pagsusulit.

Bakit mahalaga sa isang batang tulad mo ang laging mapanuri sa iyong nababasa, naririnig o napanonood?

• Upang umunlad ang buhay mo.

• Upang dumami ang iyong mga kaibigan.

• Upang maging maayos ang pakikitungo mo sa kapwa.

• Upang tamang impormasyon ang makalap at matutuhan.

Alin sa mga sumusunod ang HINDI makatutulong para malinang ang pagiging mapanuri?

• Ang natatanggap na impormasyon ay sinusuring mabuti kung tama at totoo.

• Hinihingi ang opinyon ng mga magulang, guro o mga taong mapagkakatiwalaan.

• Ang sariling kagustuhan ang ginagawang batayan sa pagpili ng babasahin, pakikinggan o panonoorin.

• Ang mga binabasa, pinakikinggan o pinanonood ay nagdaragdag ng kaalaman at naghahatid ng magandang aral.

Ano ang mabuting maidudulot ng paggamit ng cellphone?

• Nagagamit ito bilang libangan sa buong araw.

• Nakababasa rito ng mga balita o kuwento ng buhay ng ibang tao.

• Nakakukuha ng mga impormasyon na maaaring maibahagi sa iba.

• Wala sa nabanggit.

Sa panonood ng telebisyon, alin ang dapat mong isaalang-alang?

• Ang mga sikat ngayon na palabas lamang ang iyong pinanonood.

• Ang mga palabas na puwede lamang sa mga batang tulad mo ang iyong pinanonood.

• Pinanonood kahit hindi angkop sa iyong edad tulad ng malalaswa at mararahas na eksena.

• Lahat ay tama.

Sa pagbabasa mo tungkol sa napapanahong isyu tulad ng COVID-19, may nabasa kang bagong salita na hindi mo naintindihan. Ano ang gagawin mo para malaman ang kahulugan ng salita at mapaunlad ang iyong kaalaman?

• Tatawag ako sa aking kaklase at itatanong ito sa kanya.

• Hindi na ako mag-aaksaya ng panahon para alamin ang tungkol dito.

• Hahanapin ko sa diksyonaryo ang kahulugan nito o magtatanong sa taong mas nakakaalam tungkol dito.

• Wala sa nabanggit.

Alin sa mga ito ang HINDI magandang dulot ng social media sa mga Kabataang tulad mo?

• Malaki ang naitutulong nito sa pag-aaral

• May pagkakataon na makipag-chat sa mga hindi kakilala

• Mabilis ang komunikasyon sa mga kagrupo gamit ang social media.

• Wala sa nabanggit.

Napapanood mo sa balita ngayon ang tungkol sa paghahanap ng gamot sa COVID-19. Patuloy itong pinag-aaralan ngunit wala pang nakatutuklas ng lunas sa sakit na ito. Pangarap mo ang maging isa sa makatuklas ng anumang uri ng sakit na katulad nito. Bilang isang mag-aaral, ano ang gagawin mo?

• Mag-aaral nang mabuti upang makamit ang pinapangarap.

• Susundin ang utos ng pamahalaan para makaiwas sa sakit.

• Magbigay ng donasyon sa mga labis na naapektuhan ng pandemic.

• Igalang at magbigay-pugay sa mga eksperto na patuloy na naghahahanap ng lunas sa sakit.

Ang mga sumusunod na pangungusap ay nagpapakita ng iyong kawilihan sa pag-aaral MALIBAN SA ISA. Alin ito?

• Pumapasok araw-araw sa klase.

• Nakikilahok sa gawaing pampaaralan.

• Gumagawa ng takdang-aralin sa bahay.

• Sumasama sa mga lakad ng kaklase kahit may mga takdang-araling dapat gawin.

Oras na ng klase ninyo sa Edukasyon sa Pagpapakatao. Pumasok na ang inyong guro. Bawat grupo ay inatasang gumawa ng isang awitin na may makabuluhang mensahe para sa mga frontliners ngayong may COVID-19. Paano ninyo ito isasagawa?

• Pakinggan ang sasabihin ng ibang mga ka-grupo.

• Hayaang ang lider ang magpasiya para sa inyong grupo.

• Tingnan ang ginagawa ng ibang grupo para makakuha ng ideya.

• Lahat ay makilahok sa pangkatang gawain at magbigay ng sariling ideya o opinyon tungkol dito.