Asesmen Sumatif Paguneman

Obrolan anu dilakukeun antara dua urang atawa leuwih jeung jejerna téh bébas disebutna téh nyaéta….

• biantara

• sisindiran

• paguneman

• pupujian

Tengetan téks ieu di handap!

Basa anu digunakeun dina paguneman biasana gumantung kana situasi jeung kondisi, atawa gumantung kana lawan anu diajak ngobrol. Saupama ngobrol jeung anu geus wanoh komo deui babaturan deukeut mah biasana sok ngagunakeun basa anu loma, béda deui lamun urang ngobrol jeung saluhureun, biasana sok maké basa anu lemes/ hormat.

 

Dumasar kana téks di luhur, aya kecap “wanoh” anu dicitak kandel. Harti tina kecap “wanoh” téh nyaéta….

• kenal

• panggih

• indit

• datang

Dina karya sastra saperti drama, istilah lain tina paguneman téh sok disebut dialog. Tapi aya ogé karya sastra anu disebut monolog. Dina karya sastra, kecap monolog téh ngabogaan harti nyaéta….

• nyarita duaan

• nyarita tiluan

• nyarita lobaan

• nyarita sorangan

Undak-usuk basa atawa lével dina ngagunakeun basa Sunda jumlahna nyaéta aya….

• 1

• 2

• 3

• 4

Tujuan ayana undak-usuk basa Sunda/ lével dina ngagunakeu basa Sunda téh nyaéta….

• pikeun ngabéda-bédakeun

• pikeun silih ajénan/ hormat

• ngarah basa sunda loba rupana

• pikeun ngaagul-agulkeun basa Sunda

Tengetan kasus ieu di handap!

Nalika hidep diajar basa Sunda di sakola, tuluy aya matéri anu kurang dipikaharti. Hidep ngawanikeun manéh nanyakeun ka guru hidep ménta pang ngajelaskeun sakali deui ngeunaan matéri anu masih kénéh kurang dipikaharti.

 

Dumasar kana kasus di luhur, basa anu pantes pikeun ménta tulung ka guru hidep nyaéta….

• basa Sunda lemes

• basa Sunda loma

• basa Sunda kasar

• basa Sunda campuran

Salahsahiji léngkah dina nyieun téks paguneman nyaéta nangtukeun heula jejer. Harti tina kecap jejer téh nyaéta….

• eusi

• téma

• amanat

• simpulan

Ieu di handap anu teu kaasup kana hal-hal anu kudu diperhatikeun nalika urang keur paguneman nyaéta….

• ngaregepkeun anu keur nyarita kudu daria

• henteu motong kalimah atawa ngaganggu omongan batur, iwal dina kaayaan perlu pisan

• nyarita kudu daria, sora béntés, tétéla, jeung wajar.

• nyarita ngagunakeun lentong/ nada anu sosorongot

1.       Tengetan sempalan paguneman ieu di handap!

Encép       : “Den, ari manéh ambek ka urang?”

Dédén       : “Henteu, urang mah teu ambek da ka manéh.”

Encép       : “Naha atuh gening ciga anu baeud jeung ngajauhan urang?”

Dédén       : “Sabenerna mah urang téh nyeri haté ku omongan manéh kamari, bener manéh téh

   meureun tujuanna mah heureuy, angger wéh asa nyelekit pisan kana haté urang.”

Encép       : “Oh pédah omongan urang kamari, nya atuh hampura nya. Urang moal sakali-kali

   deui ngomong ciga kamari. Sakali deui hampura, Dén.”

Dédén       : “Heueuh, Cép. Ku urang dihampura.”

 

Jejer/ téma tina paguneman di luhur téh nyaéta….

• ménta hampura

• ménta idin

• wawanohan

• nganuhunkeun

1.       Tengetan paguneman dihandap ieu!

1)      Kenida: “ Bade ngawartosan, ayeuna waktosna di kelas VII E.”

2)      Ibu Siti: “ Tadi mah aya, meureun keur kaluar heula, baé naon kitu ka Ibu Nurjanah?“

3)      Kenida: “ Sawios atuh Bu, ku abdi badé dipilarian, hatur nuhun. “

4)      Ibu Siti: “ Aya naon Neng? “    

5)      Kenida: “ Dupi Ibu Nurjanah parantos sumping, Bu? “

6)      Ibu Siti: “ Sawangsulna. “

7)      Ibu Siti: “ Antosan waé sakedap, ke upami aya ku Ibu diwartoskeun. “

 

Susunan anu merenah dumasar kana paguneman di luhur nyaéta...

• 7-1-2-3-5-4-6

• 4-5-7-1-2-3-6

• 4-5-6-1-2-3-7

• 4-5-2-1-7-3-6