ASESMENT HARIAN BAHASA SUNDA KELAS 8

Kelas

• 8.1
• 8.2
• 8.3
• 8.4
• 8.5

1. Rakha: “Mbu, Rakha amitan badé mios ka sakola.” Bu Ami “Oh enya, tos sasarap teu acan?” Rakha: “Atos, Mbu engké Rakha wangsulna rada siang badé latihan Pramuka heula.” Bu Ami: “Muhun, kadé kalangkung netepan lohor nya.” Rakha: “Moal atuh Mbu, Rakha mios heula nya, assalamualaikum.” Bu Ami: “Waalaikum salam, kadé nya ati-ati di jalan. Sempalan carita di luhur kaasup kana paguneman ....

• A. Menta hampura
• B. Pamitan
• C. Menta ijin
• D. Menta jajan

2. Dina paguneman di luhur ngagunakeun basa keur ka saluhureun atawa anu dipihormat. Istilah dina undak usuk basana, nya éta …

• A. basa lemes
• B. basa kasar
• C. basa loma
• D. basa halon

3. Koransunda.com – Nadia Silva mojang kawit Sukabumi ngahontal gelar sarjana kedokteran atawa S.Ked dina yuswa anom pisan nya éta 18 taun. Anjeunna lulusan mahasiswa Program Studi Kedokteran panganomna, Fakultas Kedokteran Universitas Islam Bandung (Unisba) taun akademik 2018/2019 kalawan IPK 3,44. Nadia Silva mangrupa anak kadua ti opat sadulur pasangan Sudirman (50 th) sareng Ani Andriani (40 th). Ti alit anjeuna miboga cita-cita hoyong janten dokter margi termotivasi ku indungna anu miboga profesi bidan. Pokok pikiran tina warta di luhur nyaeta....

• A. Nadia Silva lulusan sarjana kedokteran panganomna dina umur 18 taun.
• B. Nadia Silva urang Sukabumi lulusan kedokteran Universitas Islam Bandung.
• C. Nadia Silva indungna miboga profesi bidan di Kota Sukabumi.
• D. Nadia Silva kuliah di Universitas Islam Bandung.

4. Salajengna, kumaha atuh tarékah sangkan basa katut budaya Sunda janten kareueus nonoman Sunda? Kahiji, basa jeung budaya Sunda kedah tiasa midang luyu jeung kamekaran élmu pangaweruh katut panéka téknologi. Kadua, meungpeung aya lolongkrang, meungpeung aya kaludeung meungpeung aya widi ti nu Maha Suci, Perda no 14 taun 2014 ngeunaan “Ngamumulé Basa, Sastra jeung Aksara Daérah” katut Peraturan Gubernur Jawa Barat ngeunaan pangajaran Basa Sunda téh kedah diwulangkeun di sakola-sakola ngawitan ti TK dugi ka SMA. Katilu, dina kahirupan kiwari mah tos teu luyu deui nembongkeun sikep parangkat-purungkut. Ayeuna mah tos waktosna urang téh kudu goong nabeuh manéh. Ayeuna urang teu kudu gimir mayunan alam kamodérénan, tapi éstuning kudu saged tur tarapti. Caringcing pageuh kancing, saringset pageuh iket. Jejer biantara di luhur téh nya éta …

• A. Kamekaran élmu pangaweruh katut panéka téknologi
• B. Peraturan Gubernur Jawa Barat ngeunaan pangajaran basa Sunda
• C. Teu kudu gimir mayunan alam kamodérenan
• D. Tarékah ngamumulé basa jeung budaya Sunda

5. Assalamu’alaikum wr.wb Bapa miwah Ibu, hormateun sim kuring Hapunten anu kasuhun, sim kuring ngadeg di ieu tempat sanés tiasa cumarios. Ieu mah wiréh dijurung-jurung ku réréncangan kelas salapan, hoyong sasanggem ngadugikeun kereteg angen. Dina ieu kasempetan sim kuring hoyong ngahaturkeun sewu nuhun nu teu aya hinggana ka para Ibu miwah Bapa Guru anu parantos ngaping ngajaring ngaraksa ngariksa sim kuring sadaya. Éta biantara téh ditepikeun dina acara …

• A. Porseni
• B. Paturay Tineung
• C. Agustusan
• D. Muludan

6. Téhnik biantara anu henteu ngagunakeun téks (naskah), disebutna téhnik ...

• A. Impromptu
• B. Ékstémporan
• C. Maca naskah
• D. Ngomong

7. Bilih aya kacalétot basa salami biantara, hapunten ka sadayana. Ungkara di luhur téh biasana diomongkeun dina biantara minangka bagéan …

• A. Bubuka
• B. Eusi
• C. Panutup
• D. Du’a

8. Wewengkon Kampung Naga legana lima héktar. Ari nu dijadikeun pakampungan aya 1,5 héktar ngawengku paimahan, pakarangan, balong, jeung pasawahan penduduk. Sésana mangrupa leuweung, anu disebut leuweung karamat, lantaran di éta leuweung téh aya makam karuhun masarakat Kampung Naga. Pakampunganana aya dina léngkob anu kawilang subur. Beulah kulon diwatesan ku leuweung karamat. Beulah kalér jeung wétan diwatesanan ku walungan Ciwulan. Beulah kidul mangrupa lawang asup ka lingkungan pakampungan. Mana gagasan utama tina paragraf di luhur?

• A. Wewengkon Kampung Naga legana lima héktar.
• B. Pakampunganana aya dina léngkob anu kawilang subur.
• C. Beulah kidul mangrupa lawang asup ka lingkungan pakampungan.
• D. Ari nu dijadikeun pakampungan aya 1,5 héktar.

9. Mana di handap ieu nu kaasup kana kampung adat nu aya di Jawa Barat?

• A. Kampung Baduy
• B. Kampung Asmat
• C. Kampung Mahmud
• D. Kampung Bandung