MODULE 1 Kilos ng Tao Quiz

Ang mga hindi mo namamalayang galaw ng iyong katawan gaya ng paghikab, reaksiyon sa pagkagulat o pagkurap ng mata ay mga halimbawa ng .

• Kilos ng tao

• Di kusang-loob

• Kusang-loob

• Nakasanayang kilos

Paano mailalarawan ang kusang-loob na kilos ayon kay Aristotle?

• Ang kilos ay nagpapakita ng kaalaman tungkol sa gawain at pagsang ayon

• Ang kilos ay hindi isinagawa bagaman may kaalaman sa gawain na dapat isakatuparan

• Ang kilos ay walang pagsang-ayon dahil walang kaalaman ang taong nagsasagawa dito

• Ang kilos ay resulta ng bulong ng konsensiya

Nakapulot si Elsa ng bag na naglalaman ng pera. Alam niyang hindi niya dapat buksan ito dahil hindi niya pag-aari pero nagbabasakali siyang makakita ng pagkakakilanlan ng may-ari ng bag. Sa sitwasyong ito, alin ang maituturing na makataong kilos?

• Ang pagkapulot niya ng bag na naglalaman ng pera

• Ang pagbukas niya sa bag para malaman ang pagkakakilanlan ng may-ari

• Alam niyang mali na buksan ang bag na hindi niya pag-aari

• Nagbabasakaling makilala ang ma-ari ng bag

Buong husay na ginagawa ni Elmer ang kaniyang mga proyekto sa lahat ng kaniyang asignatura. Alam niyang mataas na grado ang katumbas nito at tiyak na ikatutuwa ng kaniyang mga magulang. Bakit kusang-loob na uri ng kilos ang nasa sitwasyon?

• Maliwanag sa halimbawa na kusa at may lubos na kaalaman si Elmer sa ginagawa niya

• Maliwanag na hindi niya namamalayang nagagawa pala niya nang maayos ang kaniyang proyekto

• Maliwanag na hindi niya ginusto ang kaniyang ginagawa dahil lamang sa kagustuhan niyang matuwa ang kaniyang mga magulang

• Ang sitwasyon ay hindi nagpapakita ng kusang-loob na uri ng kilos kundi ito ay walang kusang-loob

Ikaw ay laging tumutugon sa tawag ng komunidad sa panahon ng pangangailangan, sinisiguro mong kahit na maliit na bagay ay may maitutulong ka sa inyong lugar. Sa gawaing tulad nito, may kapanagutan ka ba sa kahihinatnan ng iyong kilos? Bakit?

• Wala, dahil hindi masama ang layunin o intensiyon ng pagtulong

• Wala, dahil kusa kong ginawa ito at walang pumilit

• Oo, dahil mayroon akong lubos na pagkaunawa sa kalikasan ng aking gagawin at kahihinatnan nito

• Oo, kung may masamang magiging bunga ng aking ginawa

Bakit hindi mapanagot ang taong nagsagawa ng kilos sa walang kusang-loob na uri ng kilos?

• May depektibo sa intensiyon at pagsang-ayon ng taong nagsagawa sa kilos

• Ang tao ay walang alam kaya’t walang pagkukusa sa kilos

• Ang tao ay may kaalaman sa gawain na dapat isakatuparan pero hindi isinagawa

• Ang tao ay may lubos na pagkaunawa sa kalikasan at kahihinatnan ng kilos

Sa tatlong uri ng kilos ayon sa kapanagutan ni Aristotle, alin ang karapat-dapat panagutan?

• Walang kusang- loob

• Di kusang-loob

• Kusang-loob

• Kilos ng tao

Alam mong bawal at labag sa iyong kalooban ang “dagdag timbang” pero ginawa mo pa rin dahil katwiran mo, ginagawa naman ito ng lahat ng nagtitinda sa palengke. Anong uri ito ng kilos ayon sa kapanagutan?

• Walang kusang- loob

• Di kusang-loob

• Kusang-loob

• Kilos ng tao