251-300

ЖИА жоқ АГ-мен ауыратын 78 жастағы науқастың ІІІ ФК созылмалы  жүрек жеткіліксіздігін емдеу үшін оптималды препаратты тағайындаңыз:

• верапамил

• амлодипин

• бисопролол

• нитросорбит

• нифедипин

67 жастағы науқас төс артындағы қысып ауыру сезіміне шағымданып емханаға кардиолог кеңесіне келді. 2 жыл бойы ЖИА-мен ауырады. Соңғы аптада ауыру сезімінің жиіленуінен, қарқындылығының ұлғаюынан науқастың жағдайы нашарлаған. ЭКГ тағайындалды. Электрокардиограммада не ең анықталуы мүмкін?

• ST сегментінің ишемиялық ығысуы

• Жүректің сол бөлігінің жүктемесі

• Сол қарыншаның гипертрофиясы

• Брадикардия

• Тахикардия

Әйел 56 жаста, тыныштық жағдайда және әдеттегі жүктеме кезінде пайда болатын, сол қолға берілетін төс артындағы ауру сезімінің жиілеуіне және ұзақтығының ұзаруына шағымданады.  Анамнезінде: 3- жылға жуық ЖИА ауырады. Қарағанда: аускультацияда жүрек тондары тұйықталған, ырғағы дұрыс, ЖСЖ - 80 рет мин. АҚ - 110/70 мм рт.ст. ЭКГ:  STV1-V3 депрессиясы.. P-Q интервалының  ұзаруы, Р тісшесі сақталып периодты түрде QRST комплексінің түсіп қалуы (Самойлов-Венкебах кезеңі) анықталады. Науқасқа аталған препараттардың қайсысын тағайындаған ең тиімді?

• метопролол

• нитроглицерин

• анаприлин

• верапамил

• атенолол

Миокард инфарктысымен ауыратын науқастағы ұзаққа созылған ангинозды ауырсынуды тоқтату үшін морфийді қайталап қолданған. Осы препараттың қандай кері әсері айтарлықтай қауіпті:

• тәбеттің жоғарылауы

• іш кебуі

• ұйқышылдық

• тыныс орталығын нашарлату

• эйфория

Науқас В., 78 жаста, қабылдау бөлімшесіне тыныштықтағы ентікпе, аяғының ісінуі, ішінің көлемінің үлкеюі шағымдарымен жеткізілді. АГ-мен 30 жылдан бері ауырады, 10 жылдан бері — жүрекше фибрилляциясының тұрақты формасы. Жағдайының соңғы рет нашарлауына бір айдай болған. Объективті: акроцианоз, ортопноэ. Өкпенің төменгі бүйір бөлімдері үстінен іркілген ұсақ көпіршікті ылғалды сырылдар естіледі. Жүрек қызметі ырғақсыз, жүрек ұшында 1 тон әлсіреген, АҚ 165/95 мм сынап бағаны, ЖЖЖ 110 соққы/мин., пульс минутына 94 рет. Іші жұмсақ, асцит болғандықтан көлемі үлкейген, бауыры қабырға доғасынан 4,5 см төмен, тығыз. Сирақтары ісінген. ЭКГда- V1–V4 тіркемелерде QS типіндегі қарыншалық комплекс, ST сегменті изолинияда. Қойылған диагноз: ЖИА инфаркттан кейінгі кардиосклероз, жүрекше фибрилляциясының тұрақты формасы, СЖЖ ФК III. Әрі қарайғы әрекетті анықтаңыз?

• кардиологиялық бөлімшеге жатқызу, ілмектік диуретиктер, бета-блокаторлар, ААФи (иАПФ), спиронолактон, пероральды антикоагулянттар

• терапия бөлімшесіне жатқызу, тиазидті диуретиктер, көп мөлшерде спиронолактон, бета-блокаторлар немесе дилтиазем

• амбулаторлық бақылау, үйде жату, ілмектік диуретиктер, кордарон, бета-блокаторлар

• кардиологиялық бөлімшеге жатқызу, бета-блокаторлар, кальций антагонистері, нитраттар, ААФи (иАПФ), пероралды антикоагулянттар

• терапиия бөлімшесіне жатқызу, кальций антагонистері, ілмектік диуретиктер, бета-блокаторлар, аспирин, иАПФ

Науқас Н., 41 жаста, 2 жылдан бері АҚ бірінші дәрежеге дейін жоғарылайтынын байқаған және АҚ-ды дәрілерсіз қалпына келтіріп отырған. Қазіргі кезде науқас жүкті, 28  апта болған. Бірінші жүктілік. АҚ 160/100 мм сынап бағаны, 3 күннен бері түспей тұрақты болып тұр. Шағымы жоқ. Жағдайы қанағаттанарлық, жүректің қызметі ырғақты, ЖЖЖ минутына 92 рет, жүрек ұшындағы тондары анық. Ісінулер жоқ. Зәр талдауында патология жоқ. Жоспарлы түрде АҚ коррекциялау үшін жүкті әйелге қандай препаратты тағайындауға болады?

• индапамид

• каптоприл

• метилдофа

• эналаприл

• валсартан

Науқаста АГ  2-ші дәрежесі және орта қауіп тобы (2), қосымша аурулары жоқ, ААФ (АПФ) ингибиторларының орташа мөлшерін қабылдауда АҚ деңгейі 130/92 мм сынап бағанын құрайды, ЖЖЖ - минутына 68 рет. Сіздің жасайтын әрекетіңіз:

• бұрынғы тағайындалған емді қалдыру

• индапамид қосу

• бета-блокаторларды максимальды мөлшерде және индапамид қосу

• емді сартандармен ауыстыру

• кальций антагонистерін қосу

Науқас 48 жаста, Артериялық гипертонияға байланысты индапамид 1,5 мг, эналаприлді тәулігіне 10 мг, бисопролол 5 мг мөлшерде қабылдайды. Бірнеше аптадан кейін науқаста құрғақ жөтел пайда болған. Объективті: жағдайы салыстырмалы түрде қанағаттанарлық. Жүректің салыстырмалы тығыз-дыбысты жиектері қалыпты, қолқада ІІ тонның акценті. ЖЖЖ минутына 64 рет, АҚ 145/90 мм сынап бағаны. Өкпесінде везикулалы тыныс, сырылдар жоқ. Ісінулер байқалмайды. Науқаста құрғақ жөтел пайда болуының себебі қандай?

• эналаприл қолдану

• индапамид қолдану

• бисопролол қолдану

• жүрек жеткіліксіздігінің ауыр дәрежесінің дамуы

• синусты брадикардия

50 жастағы әйел жүрек аймағындағы басып ауыруына, бас айналуына шағымданады. Үйінде үй шаруашылығымен айналысып жүргенде, кенет есінен танып қалған. АҚҚ-90/55 мм с.б.б.  ЭКГ-да QS III, II, AVF ST элевациясы, ЖСЖ 32 мин толық ІІІ дәрежелі атривентрикулярлы блокадасы тіркелді. Науқастағы естен танудың болуы мүмкін себебі?

• Дресслер синдромы

• Морганьи-Адамс Стокс синдромы

• Қарыншалық экстрасистолия

• Жүрекшелер фибрилляциясы

• Қарыншалар фибрилляциясы

56 жастағы ер адам бір баспалдаққа көтерілгенде және 150-200 м жүргеннен кейін пайда болып, сол қолға  иррадияцияланатын және нитроглицерин қабылдағанда басылатын төс артындағы басып ауру сезіміне шағымданады. Объективті: ДСИ-31 кг/м2. Перкуссияда жүректің сол жақ шекарасы шамалы кеңейген.  Аускультациясында жүрек тондары бәсеңдеген, ритмі дұрыс. ЭКГ: сол қарынша гипертрофиясы. Физикалық жүктемеге толеренттылықтың өзгерісін анықтау үшін қандай зерттеу әдісін қолданған ең мәліметті?

• Эхокардиография

• Рентгенография

• Велоэргометрия

• Коронарография

• Компьютерлік томография