Social Situations Quiz

Lunes ng umaga, mayroong palatuntunan sa bulwagan ng inyong paaralan. Nakita mo na ang iyong kaklase na pilay ay nakatayo lang sa may unahan ng bulwagan dahil wala nang bakanteng upuan. Ano ang dapat mong gawin?

• Titingnan ko siya at pagtatawanan dahil siya ay walang upuan.

• Lalapitan ko siya upang ibigay sa kaniya ang aking upuan.

• Mananatili ako sa aking upuan at hahayaan ko na lang siyang nakatayo hanggang sa matapos ang palatuntunan.

Inutusan ka ng Nanay mo na bumili sa tindahan at nakita mo doon na kinukutya ang isang batang may kapansanan. Ano ang dapat mong gawin?

• Sasabihan ko ang batang may kapansanan na huwag pansinin ang mga batang nangungutya.

• Lalapitan ko ang mga batang nangungutya upang pagsabihan.

• Sasamahan kong umalis sa tindahan ang batang may kapansanan.

Nagkaroon ng palatuntunan ang mga special education children sa inyong paaralan. Unang nagpakita ng kakayahan sa larangan ng tula ay ang hearing impaired child na si Jano. Nasa kalagitnaan na siya ng kaniyang tula nang bigla niyang makalimutan ang susunod na linya. Kung ikaw ay isa sa mga manonood, ano ang dapat mong gawin?

• Tatawanan ko si Jano.

• Tatawagin ko na siya para umupo na.

• Tahimik akong mananalangin na sana ay maalala niya ang nalimutang linya.

Papauwi ka na ng bahay nang makita mo ang kaklase mong mabagal maglakad dahil siya ay naaksidente at naputulan ng kanang paa. Ano ang dapat mong gawin?

• Bibilisan ko ang paglalakad upang maunahan ko siya.

• Maglalakad ako na parang hindi ko siya nakita.

• Tutulungan ko siyang magdala ng kaniyang gamit.

Sa inyong talakayan sa klase ay sumagot ang kaklase mong may bingot. Hindi ninyo masyadong naunawaan ang kaniyang sinabi. Ano ang dapat mong gawin?

• Makikinig ako sa sagot ng kaklase ko.

• Tatayo rin ako at sasabayan ko siyang sumagot upang maunawaan ng iba kong kaklase.

• Sasabihin ko sa katabi ko ang tamang sagot.