ulelean pare

Ulelean Pare, lan bahasa Indonesia disa'bu'......

• cerita rakyat

• cerita bergambar

• cerita negara

• berita yang beredar

Pia baine tu kalando liu beluakna lan ulelean parena Toraya yamotu....

• Lebonna

• Dodeng

• Paerangan

• Landorundun

Minda kande pao yato natanan Bendurana ?

Umba nai Landorundun sola Bendurana umpogau' rambu Tuka ?

Lan uleleanna Landorundun, minda tu biasa ala suru' bulawanna na landorundun lan tangga tasi'?

Seba Sola Kayo

Den sangallo nasitammu misa’ seba sola misa’ kayo dio randan paqlak.sipaqkada-kadami soladuai nakuami Seba lako Kayo,”tamantannan tanan punti Kayo !”.Mebalimi Kayo nakua “ iamo ke”. Malemi soladuai unnala anak punti anna tananni .Pada naparakai anna pada lobo’.

Dipakondiq ulelean,membuami tu puntinna kayo,buda buanna na sikapua. Na iatu seba,lenduq mapandingna penanna sabaq mate puntinna nopobuaq pura nakande tu daun puntinna.Maqtanggaq kadakemi tu Seba umba lanakua unnalai puntinna Kayo.

Pebali te pekutana diong,situru' ulelean do !

Apara ulunna te ulelean do ?

Matumbari na matera tu puntinna Seba ?

Mangapai tu serre' datu na mallai lammai banuanna puangna?

Answer explanation

Serre’ Datu

Den misa’ to sugi’ unnampui serre’ datu. Den sangallo nama’kada tu to sugi’ lako serre’na nakua: “Torromoko ammu manda’i pa’kampamu ku malepa undaka’ bale tapa’kandiananni.” Ia tonna makaroen sulemi umbaa bale sangburia’ napatorroi diong sali. Ma’dondomi sae tu serre’ datu unnalai tu bale misa’. Naula’mi naalai dio mai tu bale. Mangka to napesissikimi tu bale, natollo’i. Pakalan saeomi naala serre’ datu tu bale misa’. Naula’mi, nala’ka’i tu serre’ datu anna durru’i api tu danggo’na anna mararang tu pudukna. Mallaimi te serre’ lako leko’ dapo’. Ia tonna la kumandemo te puangna, natambaimi tu serre’ datu dio mai leko’ dapo’, apa noka sae. Pempiran-piran ditambai apa tontong bang ma’dokko dio leko’ dapo’ belanna sengke tu penaanna mangka didurru’ api.

Tonna mamma’mo tu puangna, mengkondongmi tu serre’ datu langngan para anna dedek-dedekki tu Baka Bua nanii balo’ lan sisola maa’, gayang, rara’, lola’ sia mintu’ eanan banua. Napa’kadaimi serre’ datu tu mentu’ parea dao para nakua: “Torromokomi kamu. La malemo’ aku belanna mangkamo’ aku didurru’ api sia puramo danggo’ku nakande api.” Mebalimi tu issinna Baka Bua kumua: “Minda lamorai torro napesserang balao. La male dukakan kami.” Mengkalaomi tu serre’ datu rokko sali nakua kuanni tu La’bo’ Penai: “Torromoko iko la’bo’, la malemo’ aku.” Apa nakua La’bo’ Penai: “Minda lamorai torro nabenga’ balao. La male dukana’ aku.” Kendek omo langngan alang te serre’ datu, nakuami lako Pare: “Torromoko iko bo’bo’, la malemo’ aku.” Nakuami tu Pare: “Minda la torro napesserang sia napura balao, la male dukakan  kami.” Maleomi te serre’ datu ungkuan Tedong tama balana, kumua: “Torromoko iko, Tedong. La malemo’ aku. Mangkamo’ didurru’ api.” Nakuami Tedong: “Minda la torro napebalulangi balao, la undi dukakan kami.” Nakutanaiomi serre’ tu Bai kumua: “Torromoko iko Bai, la malemo’ aku. Mangkamo’ dipa’dikki.” Nakuami Bai ma’kada: “Inda ia latorro nabu’bu’i balao tu bulunta.” Napa’kadaiomi serre’ datu tu Manuk, nakua: “Torromoko iko manuk, la laomo’ aku.” nakuami tu Manuk: “Minda latorro nakondongngi balai, la male dukakan kami.”

Sirampunmi sola nasang anna sangke’deran male. Dolomi tu serre’ datu anna sangundian tu pare sia muntu’ parea sia patuoan dio boko’na. Ullambi’mi misa’ banua nanii tau sengke sia untendang bako bua lako salian. Sangundianmi tu issinna baka bua unturu’ serre’ datu. Ullambi’omi tu to umpakande asunna apa mukkun duka nabamba. Lussu’mi tu asu anna male unturu’ serre’ datu. Nalambi’omi tu to umpakande manuk, apa mukkun duka naleba’ batu. Undi omi tu manuk unturu’ serre’ datu. Na lambi’omi tu tomarassan umpakande tedongna apa marassa duka nabamba tu kamorokna. Mallaimi tu tedong na undi unturu’ serre’ datu.

Marassan lumingka tu serre’ datu sola sangsiturusanna, pakalan anna membali nasangmo tu rupanna susi tolino. Napatarru’i tu kalingkanna anna lambi’ tu da’dua pia baine biungmo marassan ussaro banni’ dio to sugi’ sangbanuanna tu unnampui da’dua anak muane. Sulemi te pia biung sola duai umbawa banni’ lako to’banuanna, anna undi unturu’ serre’ datu sola solana. Tonna rampomo lako banuanna natiromi tu tau undi unturu’i.

Ma’kadami sola duai nakua: “Lendu’komi mai, da’ ammi dio bang salian.” Mebalimi tu serre’ datu nakua: “La tarru’ siakan, melayo bangrakan sattu’. “Nakuami tinde pia biung: “Tama’kalembo’ pissanpa mimane umpatarru’ lalanmi.” Ma’kadaomi tu serre’ datu nakua: “La silasariki’ka tu banni’ mi kalembo’, anna buda-budakan sibaa?” Mebalimi tu pia biung nakua: “Pirarokomi sola nasang?” Mebalimi serre’ datu, nakua: “Tallung annan, tallung pitu, sangpulo pitu kasera” (Kennanu naku serre’ datu kumua; “Buda liukan). Nakuami tu pia biung: “Kita raka la buda na lise’na bo’bo’.”

Masemi penaanna serre’ datu sola sangsiturusanna urrangngi kadanna pia biung. Nakuami serre’ datu: “Iate kami sola nasang, latorromokanni ussisolankomi.” Tiramban kapuami te pia biung sola duai. Naumpu’i serre’ nakua: “Iake tallung bongipa la memala’komi ma’kurre sumanga’ belanna pada la untorroikokan torroan malesoki la ussisolankomi.”

Nakua serre’ datu: “La diona’ aku to’ dapo’.” Ma’kada eanan banua: “La lankan kami baka bua.” Susi dukato tu asu, manuk, tedong, bai, pare sia senga’-senga’na pada umpaka inan natorroi. Pakalan pada umporupamo rupanna tu serre’ datu sola sangsiturusanna anna torro sisola te pia biung. Sugi’ sangattu’mi te pia biung makario-rio. Katampakanna ia te pia baine sola duai sibali tu pia muane anakna to sugi’ nasisangbanuan simisaran. Sakerangngan-rangngannami tu kasugiranna. Apa tae’ napmadao penaai sangadinna tontong nakilalai tu apa mangka dadi, sia tontong napakaboro’ sia nakananna’i tu apa den dio kalena.

Iamoto anna randuk tau umpakaboro’i tu serre’ belanna disangan garonto’na eanan, sia biasa diposengo-sengo dikua:

Serre’ri oto’ eanana,

salimbanna baka bua,

ia petamba eanan,

peongli angge maritik,

dio mai randan langi’,

to dio oloan uran.

Na pa'kadaimi serre' datu tu mentu' parea dao para nakua: “Torromokomi kamu. La malemo' aku belanna mangkamo' aku didurru' api sia puramo danggo'ku nakande api.”

Mebalimi tu issinna Baka Bua kumua:...

• “Minda lamorai torro napesserang balao. La male dukakan kami.”

  
  

• “Minda latorro nakondongngi balai, la male dukakan kami.”

• “Minda lamorai torro napebalulangi balao. La male dukakan kami.”

• “Minda lamorai torro napebalulangi balao. La male dukakan kami.”

Ullambi'omi tu to umpakande asunna apa mukkun duka ... Lussu'mi tu asu anna male unturu' serre' datu.