нийгэм 3

Нийгмийн хөгжлийн үе шат бүхэн өмнөх үеэсээ цаг хугацааны хувьд богино үргэлжилсэн байдаг. Хамгийн богино хугацаанд үргэлжилж буй нийгмийн хэв маяг аль нь вэ?

• Аж үйлдвэржсэний дараах нийгэм

• Ан агнуур, түүврийн нийгэм

• Аж үйлдвэржсэн нийгэм

• Хөдөө аж ахуйн нийгэм

Э. Кассирер нь овог аймгуудын хэл, домог, шашин, урлаг зэрэг соёлын үзэгдлүүдийг судалсан соёл судлаач эрдэмтэн юм. Дараах өгөгдлүүдийн аль нь түүний үзэл санааг тодорхойлох вэ?

• • Соёл нь хүн нийгмийн гишүүн болохынхоо хувьд эзэмшдэг мэдлэг, итгэл үнэмшил, урлаг, ёс суртахуун, хууль, зан заншил болон бусад чадвар дадлуудыг багтаасан цогц бүхэллэг зүйл юм.

• Хүн бол бэлгэ тэмдгүүдийг бүтээдэг амьтан.

• Соёл бол өв уламжлан авсан бүтээл, юмс, техникийн үйл ажиллагаа, үзэл санаа, зан үйл, үнэт зүйлс мөн.

• Дэлхийн нэг нэгдмэл соёл байх боломжгүй, харин өөр өөрийн хувь тавилан бүхий янз бүрийн соёл байна.

Эдийн засгийн уналт болон ажилгүйдлийн шалтгаан нь нийт эрэлт хангалтгүй байгаатай холбоотой. Зах зээлийн тогтолцоо нь эдийн засгийн уналтаас өөрийгөө аварч чадахгүй, төрийн оролцоотойгоор нийт эрэлтийг нэмэгдүүлэх замаар энэ зорилтыг шийдэх ёстой хэмээн тайлбарладаг онолын урсгал аль нь вэ?

• Марксизм

• Үл үзэгдэх гарын онол

• Кейнсизм

• Монетаризм

Нийт эрэлтийг нэмэгдүүлэх зорилгоор улсын орлого, зарлагыг өөрчлөх бодлогыг төрийн ............................гэнэ.

• Мөнгөний бодлого

• Сангийн бодлого

• Зээлийн бодлого

• Хүүгийн бодлого

Хэвлэл мэдээллийн хэрэгсэл ашиглан санал бодлоо илэрхийлэх нь улс төрийн оролцооны аль хэлбэрт хамаарах вэ?

• Нийцгүй улс төрийн оролцооны идэвхтэй хэлбэр

• Нийцгүй улс төрийн оролцоо

• Идэвхгүй улс төрийн оролцоо

• Нийцтэй улс төрийн оролцооны идэвхтэй хэлбэр

Хүүхдийн эрхийг хамгаалах чиглэлээр УИХ ямар чиг үүрэг хүлээх вэ?

• Хүүхдийн эрх зөрчигдсөн тухай нэхэмжлэлийг хүлээн авах

• Хүүхдийн эрхийн талаарх хууль тогтоомжийг хэрэгжүүлэх

• Хүүхдийн эрхийг хамгаалах хууль, эрх зүйн орчин бүрдүүлэх

• Хүүхдийн эрх зөрчигдсөн тухай нэхэмжлэлийг хянан шийдвэрлэх

Аливаа этгээд нь хуулиар хориглоогүй, нийтээр хүлээн зөвшөөрсөн зан суртахууны хэм хэмжээнд харшлахгүйгээр эдийн баялаг болох эд юмс болон эдийн бус баялаг болох оюуны үнэт зүйлс, эрхийг олж авч болох бөгөөд энэ тохиолдолд дээрх баялаг нь .................. болно.

• • Хөрөнгө

• Хөрөнгийн зарцуулалт

• Өмчийн эрх

• Хөрөнгийн субъект

Дэлхий ертөнцөд хүч тэнцүү олон улс, гүрэн бий болж, тэдгээр нь өөр хоорондоо ашиг сонирхол, зөрчлөөрөө үлэмж харилцан хамааралтай болж, түүний тэнцвэр дээр олон улсын харилцааны шинэ дэг журам тогтсон гэвэл энэ нь олон улсын харилцааны ямар туйлт тогтолцоо вэ?

• Олон улсын харилцааны нэг туйлт тогтолцоо

• Олон улсын харилцааны олон туйлт тогтолцоо

• Олон улсын харилцааны гурван туйлт тогтолцоо

• Олон улсын харилцааны хоёр туйлт тогтолцоо

Олон улсын харилцаанд оролцогч субъектүүдийн хоорондын харилцааг зохицуулдаг хууль зүйн зарчим, хэм хэмжээний тогтолцоог юу гэж нэрлэдэг вэ?

• Олон улсын харилцааны туйл

• Олон улсын ёс зүйн хэм хэмжээ

• Олон улсын эрх зүй

• Олон улсын харилцааны хэлбэр

Эрдэмтэд соёлыг онолын хувьд олон талаас нь судалж тайлбарладаг. Английн антропологич Э.Тайлор соёлыг хэрхэн тодорхойлсон бэ?

• Соёлын хэлбэрт олон тооны нийтлэг ойлголт, зарчмууд илэрч байдаг.

• Хүн бол бэлгэ тэмдгүүдийг бүтээдэг амьтан

• Соёл бол өв уламжлан авсан бүтээл, юмс, техникийн үйл ажиллагаа, үзэл санаа, зан үйл, үнэт зүйлс мөн.

• Соёл нь хүн нийгмийн гишүүн болохынхоо хувьд эзэмшдэг мэдлэг, итгэл үнэмшил, урлаг, ёс суртахуун, хууль, зан заншил болон бусад чадвар дадлуудыг багтаасан цогц бүхэллэг зүйл юм.