Оқу сауаттылығы 1-нұсқа

Балқаш - сирек кездесетін әрі жойылып бара жатқан жануарларды қорғау мақсатында 1967 жылы Балқаш ауданында құрылған мемлекеттік зоологиялық қорықша. Жер көлемі 503 мың га. Іле өзені мен Тауқұм шөлінің айналасы тоғайлы, қамысты, шалғынды, құмды жерді қамтиды. Қорықшаның жері жануарлар үшін өте қолайлы. Су құстарының 200-ден астам, балықтың 30-ға жуық түрі бар. Сүтқоректілерден қабан, ондатра; құстардан қырғауыл және бауырымен жорғалаушылардан күзен, кесіртке және т.б. кездеседі. Балқаш қорықшасындағы бірқатар аң-құстар мен өсімдіктер Қазақстанның «Қызыл кітабына» енгізілген.

Сөйлемді толықтырыңыз. Балқаш қорықшасы - ... .

•   ұлттық саябақ

• зоологиялық саябақ

• мемлекеттік қорықша

•   жойылып бара жатқан қорықша

Мәтінге сәйкес келмейтін ақпаратты таңдаңыз.

• Балқаш қорықшасы 1967 жылы құрылды.

   

•   Балқаш қорықшасында кесіртке кездеседі.

• Балқаш қорықшасы Балқаш ауданында құрылған.

•   Балқаш қорықшасында су құстарының екі түрі бар.

Мәтіндегі басты тірек сөзді табыңыз.

• мемлекет, қабан, кітап

• аудан, қамыс, қорықша

•   Балқаш, қорықша, жануар

• кесіртке, жануар, өсімдік

Мәтінге сәйкес ақпаратты таңдаңыз.

• Күзен «Қызыл кітапқа» енгізілді.

•   Қорықшада балықтың 200-ге жуық түрі бар.

• Балқаш - сүтқоректілерге ыңғайсыз мекен.

• Іле өзенінің маңы құмды,тоғайлы болып келеді

  Мәтінде жауабы бар сұрақты таңдаңыз.

•   Балқаш ауданы қай жылы құрылды?

  
  

• Балқаш ауданында неше қорықша бар?

• Іле өзенінде қандай балық түрлері өседі?

• Балқаш қорықшасында қандай аң-құстар бар?

Киім дүкенінде

Айжан анасына көйлек алу үшін киім дүкеніне келді. Дүкен бөлімдері көп, үлкен екен. Сатушы Айжанға әйелдерге арналған бөлімді көрсетті. Бұл бөлімде ұлттық киімдер, сәнді киімдер, кешкі киімдер, жаздық, қыстық киімдер бөлімдері бар екен. Ол киім дүкенін аралап шықты. Сатушы Айжанға сәнді көйлек алуға кеңес берді. Айжан анасына жібек матадан тігілген көк түсті, қысқа жеңді сәнді көйлек сатып алды.

1. Сөйлемді толықтырыңыз. Айжан ... .

• киім дүкенінен өзіне сәнді көйлек сатып алды

• киім дүкенінің сәнді сәнді көйлектерін көріп шықты

• киім дүкенінен шешесіне көйлек сатып алды

•   қыстық көйлек алу үшін сатушымен кеңесті

  Мәтінге сәйкес келмейтін ақпаратты таңдаңыз. Айжан сыйлыққа      сатып алды.

•   жаздық кешкі киім

•   көк түсті жібек мата

• киім дүкенінен көйлек

• ұлттық үлгідей сәнді киім

  Мәтіндегі басты тірек сөзді табыңыз.

• ана, мата, бөлім

• Айжан, дүкен, киім

•   сәнді, жаздық, жібек

• Айжан, кешкі, үлкен

  Мәтінге сәйкес ақпаратты таңдаңыз.

•   Сатушы Айжанға көйлек таңдап берді.

• Айжанның анасы киім дүкенінде сатушы болып істейді.

• Айжан анасына көйлек тіктіру үшін көк түсті жібек мата сатып алды.

• Әйелдер бөлімінде ұлттық, кешкі, жаздық, қыстық киімдер бөлімдері бар.