Evaluasi Materi Carita Pondok

Carpon nya éta karangan rekaan anu ukuranna pondok. Carpon kaaasup karangan wangun?

• Ugeran

• Lancaran

• Kaiket ku aturan

• Ugeran lancaran

   1. Palaku teu loba

2. Ayana aturan

3. Butuh waktu lila pikeun macana

4. Kajadianna loba

5. Dumasar kana kahirupan nyata

6. Latar tempat loba

 Nu kaasup ciri-ciri carpon nya éta?

• 1 jeung 3

• 2 jeung 4

• 3 jeung 6

• 1 jeung 5

Unsur dina carpon nu nuduhkeun lumangsungna kajadian ti mimiti nepika ahir disebut?

• Galur

• Séting

• Amanat

• Téma

Karangan/karya tulis mangrupa hasil tina pamikiran, kahayang, sawangan atawa imajinasi pangarang kana hiji pasualan. Hal poko anu ngadadasaran pakarang nyieun karangan/karya tulis disebut?

• Galur

• Séting

• Amanat

• Tema

Dina carpon ditangtukeun ayana waktu kajadian jeung tempat kajadian.

Hal ieu kaasup unsur intrinsic caopon nya éta?

• Galur

• Séting

• Amanat

• Téma

Sanggeus maca carpon rengse tangtuna  aya hal anu bisa dicokot hikmah atawa pieunteungeun  kalakuan hade jeung goreng. Eta unsur carpon the disebut?

• Galur

• Séting

• Amanat

• Téma

Baca sempalan carpon ieu di handap!

       Tisna jeung Cécép kawas nu sungkan rék balik téh. Leumpangna antaré bari meusmeus ngalieuk ka tukang. Ngalieukan Pa Jaja. Tapi Pa jaja teu témbong deui. Duka terus kamana. “Naha saha nu boga dosana, nya Cép?” omong tisna bangun panasaran. “Nyasat atuh ari uing nyaho mah. Enggeus wé tadi béjakeun ka Pa Jaja.

      Meureun urang moal kasiksa, kababawa ku nu boga dosana,” témbal Cécép. “Enya nya. Aya sajam mah urang ditahan di kelas téh?” “Aya kawasna. Batur mah geus kamana boa.” “Wah, boa batur urang boa saha. Geuning tadi digaradah teu kapanggih?” ceuk Cécép. “Puguh ari kituna mah. Tapi… pék wé pikir. Kapan leungitna artos Pa Jaja téh dina waktu istirahat. Saha jalmana nu wani laha-loho ka kelas urang dina waktu istirahat?” “Ah, teu mustahil murid kelas séjén ogé. Boa teuing aya nu nengetan yén Pa Jaja sok nyimpen artos dina tas éta. Naha atuh nya, make digolérkeun dina méja ari aya artisan mah?” “Bakat ku percaya wé sugan, kapan biasana ogé tara aya nanaon. Mangkaning artos SPP cenah. Sabaraha tadi téh?” “Tilu rébu.”

 

Aya kajadian naon tina carpon di luhur?

• Tisna jeung Cécép embung balik

• Di kelas Tisna jeung Cécép aya guru anyar

• Pa Jaja téh guru Tisna jeung Cécép anu bageur

• Pa Jaja kaleungitan duit SPP di kelas

Naha Tisna jeung Cécép bet siga nu horéam balik?

• Ngarasa capé sanggeus diajar lila

• Ngarasa kasiksa kababawa ku  nu boga dosa

• Ngarasa ripuh nanggung ka éra ku lampah salah

• Ngarasa éra geus ngalakukeun kasalahan

“Huh, lamun uing boga duit sakitu, meureun bisa nambakeun Ema!” omong Tisna ngalimba. “Har, na kunaon indung manéh téh, Tis?” “Geus saminggu ngaringkukna gé. Nyeri bobokong cenah mah. Lapur euy ari Ema gering téh, taya nu usaha. Nu matak bulan ieu mah uing can mayar SPP.” “Wah, keun baé da Pa Jaja gé tara naroskeun!” “Geuraheun euy, da éra najan henteu ditanyakeun ogé. Mun aya mah hayang geura sok wé mayar. Ngarah jongjon”. “Uing gé sarua butuh duit. Najan enya SPP mah geus mayar, tapi hayang meuli buku IPS. Horéam kudu nyatet baé mah, cape.” “Enya nya, saréréa ogé butuh kana duit mah. Lain Cép, moal kitu Tarjan mah nu maling duit téh?” “Ah, moal enya. Bageur si éta mah.” “Atawa… Osih sugan? Da manéhna gé can mayar SPP kawas uing?” “Piraku deui euy, budak caleuy kitu. Euweuh cupat si éta mah.” “Si Ikuk kitu?” “Piraku deui, geuning tadi sakitu kalemna basa digaradah gé.” “Enya, tapi. Naha saha atuh nya bangsatna. Moal Maman mah?” “Pamohalan euy, anak nu beunghar kitu. Bekelna gé réa baé.” “Enya, nya.”

Perkara naon anu dicaritakeun tina sempalan carpon di luhur?

• Pangajaran IPS ngan nyatet jeung nyatet

• SPP kudu dibayar najan teu ditanyakeun Pa Jaja

• Tisna jeung Cécép anu sarua butuh duit

• Pa Jaja guru nu dibéré tugas nyepeng duit SPP

Ayeuna mah yu urang bareng balik!” “Rék balik mah jung baé. Uing mah rék ka ditu heula!” omong Ikuk bari ngasong-ngasong duit. “Ka ditu kamana, Kuk? Mending gé diditu geura bagikeunana!”ceuk Cécép. “Dimana?” Ikuk haripeut. “Di bumi… Pa Jaja!” omong Cécép neuteup seukeut. Ikuk ngagebeg. Ngarti kana maksud baturna. Nyel kaambekna kahudang deui. Lantaran teu sanggup ngalawan nu duaan, Ikuk ngabecir lumpat. Ku Tisna jeung Cécép heunteu diantep. Diberik bari dibangsat-bangsat. Geus kaudag, Ikuk teu nyerah kitu baé. Ger garelut. Tapi teu lila. Dina kituna mah Ikuk téh taya kakuatan pisan. Dipeupeuh ku Cécép gé geus ngajurahroh. Bring baé tiluanana ka bumi Pa Jaja. Ikuk teu sirikna digusur. Pa Jaja teu aya di bumi, cenah mah keur ka Pulisi Désa. Laporan meureun. Kapaksa Tisna jeung Cécép ngadagoan bari ngajaga Ikuk nu ngeluk tungkul bangun kaduhung. Duit téa dikeukeuweuk ku manéhna. “Geuning urang gé bisa jadi Hansip!” omong Tisna. Cécép nyéréngéh. Ari Ikuk teu wani tanggah, ngoéran taneuh ngebul buruan bumi Pa Jaja ku indung sukuna

Naon maksudna Tisna jeung Cecep ka bumi Pa jaja?

• Masrahkeun Ikuk nu geus kanyahoan maling duit

• Nganteur Ikuk rék ménta dihampura

• Rék ngalaporkeun jalma anu maling duit

• Ngalaporkeun   Ikuk anu gelut adu jajatén