ББЖМ-МОДО-АТТЕСТАЦИЯ

Мектеп

...Бүгін қыркүйектің бірі – оқу басталатын күн екен. Киіз үйде орналасқан мектепте оқып жаттық. Әліппе жетіспейді. Екеуара бір оқулық. Дәптерді тіземіздің үстіне қойып немесе жерге етпеттеп жатып жазамыз. Оқулық қана емес, қарындаштың да тапшы кезі.

Бір күні Сағатбай ағай сыныпқа бір уыс қарындаш адлып келді. Екеуара бір қарындаштан үлестірді. «Өздерің пышақпен бөліп алыңдар», - деді. Осы арада сыныпта біраз дау-жанжал туып қалды. Бөлінген қарындаштардың бір жағы ұзындау, бір жағы қысқалау болып шығады. Әркім ұзынырағын алғысы келеді. – Тоқтаңдар! Бөлмей тұра тұрыңдар.

Сағатбай ағай шыбықты қарындаштың бойына дәл етіп туралады. Оны екі бүктеп сындырды. Осы тәсілмен қарындаштың дәл ортасын табуды көрсетті.

Осы оңай тәсіл біздің басымызға негып оңай келмеген?! Ұзынды-қысқалы болып бөлініп қойылған қарындаштар бар ғой. Оларды не істейміз?

Сағатбай ағай бұған да ақыл тапты. Жеребе салып, ешкім ренжіместей етіп бөліп берді. Қарындаштың кесілмеген ұштарын теңестіріп, кесілген жағын көрсетпей, ұстап тұрады. Қалағаныңды суырасың. Ұзыны кез келе ме, қысқасы ма, белгісіз...

1.Мектептің орналасқан жері:

• Киіз үй

• Сарай

• Жертөле

• Алаң

Сағатбай ағайдың сыныпқа әкелген заты:

• Қарындаштар

• Қаламсаптар

• Оқулықтар

• Сызғыштар

«Оқулық ғана емес, қарындаштың да тапшы кезі» деген сөйлемдегі «тапшы» сөзінің мағынасына мәндес сөз.

• Өте көп

• Өте аз

• Мүлдем жоқ

• ізде

Қарындаш бөлудегі дау-жанжалдың болу себебі:

• көп оқушы қарындашты алғысы келмеді

• әркім мұғалім ұсынған қарындашты алғысы келді

• әркім өзі үйінен әкелген қарындашты алғысы келді.

• әркім бөлінген қарындаштың ұзынырағын алғысы келді...

Сағатбай ағайдың балаларға көрсеткен тәсілі:

• қарындашты дұрыс өлшеуді көрсетті             

• қарындашты дұрыс ұштауды көрсетті            

• қарындаштың дәл ортасын табуды көрсетті...

• қарындашпен сызуды үйретті

Гүлдесте

Жаңа оқу жылы. Мектеп алаңы оқушылардың көңілді шуына толы. Қолдарында гүлдесте мен сөмкелері бар. Ұстаздарын күтіп балалар тұр. Алтыншаш сөмкесін ұстап, оқушылардан оқшауланып бөлек тұрды. Оның қолында гүлдесте жоқ болатын. Жуықта Монғолиядан көшіп келген, оқушылармен танысып та үлгермеген еді. Сәния ғана Алтыншашпен танысқан. Алтыншаш оның үйінің жанындағы үйге көшіп келген. Сәния құрбысының қасына келіп:

-      Неге тұрсың, жүр? –деп оқушылардың арасына алып келді. Сәния Алтыншашты оқушыларға таныстырды.

-      Алыстан келген бауырымыз. Бізбен бірге оқиды. Гүлдесте жасап берейік, - деді. Оқушылар келісе кетті. Әрқайсысы өздерінің гүлдестесінен бір-бірден гүл алып берді. Сәния бәрін қосып, гүлдесте жасап еді, әп-әдемі болып шыға келді. Бәрі Алтыншашты ортаға алып, Сәния гүлдестені қолына ұстатты. Ол көңілденіп қуанып кетті.

6.Оқиғаның болған жері:

• Мектеп алаңы

• Саябақ іші

• Орман алаңқайы

• Сынып іші

Балалардың күтіп тұрғаны ?

• Алтыншаш

• Ұстаздар

• Балалар

• Ата-аналар

Алтыншаштың балалардан оқшауланып тұруының себебі?

• ешкіммен араласқысы келмеді

• достарының көмегін күтіп тұрды

• Сәнияның шақыруын күтіп тұрды

• сыныптастарымен танысып үлгермеді

Сәнияның бастамасымен балалардың Алтыншашқа көрсеткен қолдауы

• гүлдесте жасап беруі

• гүлдесте сатып әперді

• гүлдесте жасауды үйретті

• гүлдің суретін салуды үйретті

Балалардың іс-әрекетінен байқалғаны:

• кішіпейілділік

• ұйымшылдық

• алғырлық      

• жанашырлық