Tengetan ieu paguneman!

Néni : Ibu hapunten, abdi kamari teu lebet sakola.

Ibu Guru : Muhun ku naon? Teu ngintun serat geuning.

Neni : Kamari téh teu raraos. Rupina kacapéan saparantos ngiring pasanggiri.

Ibu Guru : Muhun teu nanaon upami kitu mah, kumaha ayeuna tos damang?

Néni : Alhamdulillah tos sakinten, hatur nuhun pisan, Ibu.

Ibu Guru : Muhun sawangsulna ulah kateterasan, nya.

Néni : Amiiin.

Kalimah mana anu nuduhkeun ménta dihampura?

• A. Ibu hapunten, abdi kamari teu lebet sakola

• B. Teu ngintun serat geuning

• C. Abdi Kamari teu lebet sakola

• D. Muhun sawangsulna, ulah kateterasan, nya

Ilikan ieu gambar!

Rumpaka kakawihan mana anu saluyu pikeun gambar di gigir?

• A. Oray-o Oray-orayan luar-léor mapay sawah

  tong ka sawah paréna keur sedeng beukah

  oray-orayan luar-léor mapay leuwi

  tong ka leuwi di leuwi loba nu mandi

• Eundeuk-eundeukan lagondi

  meunang peucang sahiji

  leupas deui ku nini

  beunang deui ku aki

• Trang-trang koléntrang

  si londok paéh nundutan

  tikusruk kana durukan

  mesat gobang kabuyutan

• Cing ciripit

  tulang bajing kacapit

  kacapit ku bulu paré

  bulu paré seuseukeutna

Baca ieu cutatan pupujian!

Nabi urang sadayana

Kangjeng Nabi anu mulya

Muhamad jenenganana

Arab Qurés nya bangsana

Ramana Sayid Abdulloh

ibuna Siti Aminah

dibabarkeunna di Mekah

wengi Senén taun Gajah

Cindekkeun (simpulkeun), ngeunaan naon eusi cutatan pupujian di luhur?

• A. Naséhat pikeun umat

• B. Pangajaran agama

• C. Solawat ka Kangjeng Nabi

• D. Du’a jeung tobat ka Pangéran

Bandingkeun teks nu aya di gigir, pék cindekkeun bédana narasi pangalaman pribadi jeung dongéng!

• Narasi pangalaman pribadi eusina réalistis; dongéng eusina ngandung unsur pamohalan

• Narasi pangalaman pribadi waktuna geus tangtu; dongéng mah waktuna can tangtu

• Narasi pangalaman pribadi wangun lancaran; dongéng mah wangun ugeran

• Narasi pangalaman pribadi caritana parondok; dongéng mah caritana paranjang

Baca ieu cutatan dongéng!

Jaman baheula, aya randa beunghar ngaranna Nyi Endit. Disebut Nyi Endit lantaran kacida peditna. Sipat meditna kawentar ka mamana. Kacaritakeun harita Nyi Endit tas bérés panén. Kabiasaan di éta lembur, lamun tas réngsé panén kudu sidekah ngondang tatangga. Daék teu daék, Nyi Endit ngalaksanakeun acara sidekah, ngondang tatanggana, nyuguhan. Keur meujeuhna saréréa balakécrakan barangdahar, jol, aki-aki bongkok datang nyampeurkeun. Bajuna sararoék pikawatireun. Si Aki rék ménta dahareun ka Nyi Endit. Ku Nyi Endit lain dibéré tapi kalah dicarékan laklak dasar.

Cutatan dongéng di luhur kagolongkeun kana dongéng .....

• A. fabel

• B. sasakala

• C. parabel

• D. miteu

Baca ieu cutatan dongéng sasakala!

Gunung Puntang ayana di daérah Banjaran, Bandung Selatan. Nurutkeun sesepuh di dinya, Gunung Puntang téh tempat anu dipaké muntang ku Prabu Siliwangi nalika diudag-udag ku anakna, Radén Kéan Santang. Maksud Kéan Santang ngudag-ngudag ka Prabu Siliwangi téh sangkan Prabu Siliwangi lebet agama Islam.

Di mana latar tempatna jeung iraha latar anu kaunggel dina sempalan dongéng di luhur?

• A. Gunung Puntang, Bandung Selatan jaman kiwari

• B. Bandung Barat, mangsa Prabu Siliwangi jumeneng

• C. Bandung Selatan, mangsa Prabu Siliwangi jumeneng

• D. Gunung Puntang, Banjaran, jaman kiwari

Lenyepan ieu cutatan sajak!

Ajengan Cigalumpit

Karya Apip Mustopa

léngkob mana nu can kasaba

pasir mendi nu can kasungsi

Ajengan Cigalumpit

lalaki langit

lamun kedal sora tina bahamna

Allohu Akbar!

aleutan Walanda bubar

tina leungeun leungeunna nu baruluan

bedil nu metet ku pélor maruragan

.....

(tina Sajak Sunda Indonésia Emas, 2010)

Katitén aya imaji panguping dina sajak di luhur :

• A. lamun kedal sora tina bahamna, Allohu Akbar!

• B. léngkob mana nu can kasaba

• C. Ajengan Cigalumpit lalaki langit

• D. tina leungeun-leungeunna nu baruluan

Tengetan ieu cutatan kawih “Cinta Nusa”!

Indonesia gemah ripah loh jinawi

alam éndah héjo lémbok sugih mukti

subur tutuwuhan, beunghar pepelakan

daun héjo ngémploh karaharjaan lemah cai

“Sugih mukti” dina cutatan kawih di luhur hartina .....

• A. ayem tengtrem

• B. beunghar pisan

• C. subur ma’mur

• D. éndah asri

Tengetan ieu cutatan kawih “Cinta Nusa”!

Kakayon tumuwuh sumbur pajangkung-jangkung

petétan ngawujud sirung pagulung-gulung

piraku rék réla piraku rék téga

alam nu ngémploh héjo

pinarengan ngarangrangan, teu kariksa

Tina cutatan kawih di luhur dina padalisan ka sabaraha aya purwakanti sora /o/?

• A. Ka-2

• B. Ka-3

• C. Ka-4

• D. Ka-5

Baca ieu cutatan warta!

Menteri Pekerjaan Umum dan Perumahan Rakyat (PUPR), Basuki Hadimulyono nétélakeun, aya 2.400 stok RISHA (Rumah Instan Sederhana Sehat) anu siap diadegkeun di Cianjur. Éta imah diajangkeun pikeun korban lini 5,6 skala MMI anu ngeundeurkeun Cianjur dina tanggal 21 Nopémber 2022 kaliwat. Targétna, sakabéh wangunan imah kudu geus réngsé diwangun ku Kementerian PUPR saméméh lebaran taun 2023.

“Dinten énjing, tanaga bangunan bakal ditambihan janten 100 urang, supados téréh réngséna,” kitu ditétélakeun ku Basuki. Sakumaha ditepikeun saméméhna, kiwari di Cianjur keur diwangun 200 unit RISHA di Sirnagalih, Kacamatan Cilaku, dina lahan anu legana 2.400 Hektar. Salian ti di Cilaku, Pamaréntah Kabupatén Cianjur ogé nyadiakeun lahan, legana 30 Hektar di Kacamatan Mandé (Diropéa tina kompas.com).

Tina cutatan warta di luhur, kapanggih unsur naon (what) nyaéta .....

• A. aya 2.730 stok imah RISHA pikeun korban lini Cianjur

• B. pikeun ngadegkeun RISHA disadiakeun lahan 2.430 Hektar

• C. kajadian lini di Cianjur tanggal 21 Nopémber 2022 nu kaliwat

• D. jumlah tanaga bangunan bakal ditambahan jadi 200 urang