Ikatlong Markahang Pagsusulit sa Araling Panlipunan 5

Isang tunggalian ang naganap sa pagitan ng mga bansa sa Europe na tinawag na Seven Years War. Paano nagwakas ang tunggaliang ito?

• Sumuko ang France

• Sumuko ang Great Britain

• Paglagda sa Treaty of Paris

• Sumuko ang mga katutubo.

Naging maganda ang layunin ng pamahalaang Espanyol sa pagpapatupad ng Monopolyo sa Tabako. Bakit kalaonan ay naging pahirap ito sa mga Pilipino?

• Naging mahirap ibenta ang mga inaning tabako sa ibang bansa.

• Hindi lahat ng mga Pilipino ay nabibigyan ng itatanim na tabako.

• Patuloy ang pagmamalabis ng mga Espanyol sa ilalim ng Monopolyo.

• Kulang ang suportang ibinibigay ng mga Espanyol sa mga Pilipino.

Hinangad ng maraming Pilipino na maging malaya ang Pilipinas sa kamay ng mga mananakop kaya nagbuwis sila ng buhay para sa lahat ng mga Pilipino. Ano ang naging implikasyon ng kanilang pakikipaglaban?

• Nalaman ng ibang bansa na maraming matatapang na Pilipino.

• Nakilala sila sa buong mundo dahil sa kanilang katapangan.

• Umusbong sa mga Pilipino ang kamalayang nasyonalismo.

• Dumami ang mga dayuhang namuhunan at nakipagkalakalan.

Gaano kahalaga sa mga Igorot sa Cordillera ang kanilang paniniwalang animismo?

• Pinaniniwalaan nila na ang kalikasan ay tahanan ng mga espiritu.

• Pinapahintulutan nila ang mga dayuhang magsagawa ng mga ritwal.

• Isinagawa nila ang mga patakarang ipinapatupad ng mga mananakop.

• Nagpabinyag sila sa upang lalong lumalim ang kanilang pananampalataya.

Bakit mahalaga sa mga Muslim sa Mindanao na mapanatili ang kalayaan, lalo na sa aspeto ng relihiyong Islam?

• Dahil ito ay pamana sa kanila ng kanilang ninuno.

• Dahil hindi nila naiintindihan ang salita ng mga Espanyol.

• Dahil ito ay ang relihiyon ng lahat ng Muslim sa Mindanao.

• Dahil ang Islam ay hindi lamang isang relihiyon kundi isa ring paraan ng pamumuhay.

Si Lapu-Lapu ang unang nagpakita ng pagtutol sa pananakop ng mga Espanyol. Paano niya ipinakita ang kanyang pagtutol?

• Bumuo siya ng pangkat ng gerilya na lalaban sa mga mananakop.

• Hinarang niya ang pagpapabinyag ng mga tauhan ni Raha Humabon.

• Pinamunuan niya ang pakikipaglaban sa mga Kastila sa Mactan.

• Hinimok niya ang iba pang mga datu na mag-aklas laban sa mga Kastila.

Layon ng misyong relihiyoso ng mga Espanyol na binyagan ang mga katutubo sa Cordillera at makipagtulungan sa kanila. Ano ang naging reaksiyon ng mga Igorot tungkol dito?

• Nakipag-ugnayan sila sa iba pang mga dayuhan.

• Mariin nila itong tinutulan kaya nabigo ang misyong ito.

• Agad nilang iwinaksi ang kanilang sinaunang paniniwala

• Hinikayat nila ang iba pang katutubo na sumunod sa misyong ito.

Maigting ang pagpapadala ng mga Espanyol sa Mindanao para maging ganap ang kanilang pagsakop sa buong Pilipinas. Bakit inilunsad ng mga Muslim ang Jihad o banal na digmaan?

• Upang tuluyang umalis ang mga Espanyol sa ating bansa.

• Upang maipakita sa mga Espanyol na ang mga Muslim ay matatapang.

• Upang ipagtanggol ang kanilang relihiyon at paraan ng kanilang pamumuhay.

• Upang maipakita sa mga Espanyol na mas epektibo ang kanilang relihiyon.

Ano ang nilalaman ng aklat na Doctrina Christiana?

• Mga batas na ipapatupad sa mga Pilipino.

• Mga dasal na ipinapabasa sa mga Pilipino.

• Mga paraan ng pamumuhay ng mga Espanyol.

• Mga katungkulan ng mga pinunong Espanyol

Pinakatanyag sa mga pag-aalsa ang isinagawa ni Diego Silang laban sa mga Espanyol. Ano ang naging dahilan ng kanyang pag-aklas?

• Dahil sa sapilitang paggawa o Polo Y Servicio.

• Dahil sa pangangamkam ng kanilang mga lupain.

• Dahil sa Monopolyo ng Tabako sa ilang lalawigan.

• Dahil sa labis na pagbabayad ng tributo sa mga Espanyol