އިސްލާމީ ޙަޟާރަތު 1

ސުވާލު 1: އިނގިރޭސި ބަހުގައި ސިވިލައިޒޭޝަންގެ މާނައަކީ ކޮބާ؟

• ޘަޤާފާތް ނުވަތަ ދިރިއުޅުމުގެ ވައްޓަފާޅި
• އިސްލާމީ ޘަޤާފަތުގެ މަތީގައި ތިބެ، މާއްދީ ގޮތުން އެކިއެކި ދާއިރާތަކުން، ޙާސިލުކޮށްފައިވާ ކުރިއެރުންތައް
• ވަކި ޘަޤާފާތަކާ އެއްގޮތަށް އުޅޭ މީސްތަކުންގެ ޖަމާޢަތް

ސުވާލު 2: ސިވިލައިޒޭޝަންގެ އިޞްޠިލާޙީ މާނައަކީ ކޮބާ؟

• ވަކި ޘަޤާފަތެއްގެ މަތީގައި ތިބެ، މާއްދީ ގޮތުން އެކިއެކި ދާއިރާތަކުން، މުޖުތަމަޢެއް ޙާޞިލުކޮށްފައިވާ ފާހަގަކޮށްލެވޭ ކުރިއެރުންތައް
• އިސްލާމީ ޘަޤާފަތުގެ މަތީގައި ތިބެ، މާއްދީ ގޮތު ން އެކިއެކި ދާއިރާތަކުން، މުސްލިމުން ޙާސިލުކޮށްފައިވާ ފާހަގަކޮށްލެވޭ ކުރިއެރުންތައް

ސުވާލު 3: އިޓަލީ ވިލާތުގައި 300 އަހަރަށްވުރެ ގިނަ ދުވަސް ވެފައިވާ ގަހެއް އެބަހުރިއެވެ. އެ ގަސް ކައިރީގައި ޕާކެއް ވެސް ހަދާފައިވެއެވެ. އެހެންކަމުން އެ ގަސް އެއީ އެމީހުންގެ ޙަޟާރަތުގެ ތެރެއަށް ވަދެގެން ދާނެ އެއްޗެއް ހެއްޔެވެ؟

• ޙަޟާރަތަކީ އެއީ
• އެއީ ޙަޟާރަތެއް ނޫން

ސުވާލު 4: އިސްލާމީ ޙަޟާރާތަކީ އިސްލާމީ ޘަޤާފަތުގެ މަތީގައި ތިބެ، މާއްދީ ގޮތުން އެކިއެކި ދާއިރާތަކުން، މުސްލިމުން ޙާސިލުކޮށްފައިވާ ފާހަގަކޮށްލެވޭ ކުރިއެރުންތަކެވެ. މި ކުރިއެރުންތަކުގެ ތެރޭގައި ހިމެނޭ ކަންތައްތަކަކީ ކޮބާ؟

• އިޖުތިމާޢީ ގޮތުން ކުރިއެރުން
• އިޤްތިޞާދީ ގޮތުން ކުރިއެރުން
• އުމްރާނީ ގޮތުން ކުރިއެރުން
• ޢިލްމާއި ފަންނުވެރިކަމުގެ ގޮތުން ކުރިއެރުން

ސުވާލު 5: އިސްލާމީ ޙަޟާރާތުގެ އަސާސްތަކަކީ ކޮބާ؟

• އިސްލާމީ އަޤީދާ
• ޝަރުޢީ ޙުކުމްތައް
• އިސްލާމީ އަޚްލާޤު
• މައްކާގެ އާދަކާދަ

ސުވާލު 6: އިސްލާމްދީނުގެ ނަޒަރުގައި ހުރިހާ އިންސާނުންނަކީ ހަމަހަމަ ބައެއް ހެއްޔެވެ؟

• ހުރިހާ އިންސާނުން ހަމަހަމަ
• ފިރިހެނުން އަންހެނުންގެ މައްޗަށް މާތްވެގެންވޭ

ސުވާލު 7: އިސްލާމްދީނުގައި އަޅުކަން ކުރުމަށްޓަކައި، ފައްޅީގެ ބަދަލުގައި މިސްކިތްތައް ހެދުނެވެ. މިކަމާ އިސްލާމީ ޙަޟާރަތާ ހުރި ގުޅުމަކީ ކޮބާ؟

• ގެތަކާއި އިމާރާތްތައް ބިނާ ކުރުމުގައި ފައްޅިތަކުގެ ވައްޓަފާޅި ދޫކޮށްލުން
• މީސްތަކުން ގެ ތަކުގައި ނަމާދުކުރުން ދޫކޮށްލުން
• މިސްކިތްތަކުގެ ވައްޓަފާޅިއާއި ގޮތްގަނޑަށް މުސްލިމުންގެ އެކި ބިނާތައް ބަދަލުވެގެން ދިޔުން

ސުވާލު 8: ޝަރުޢީ ޙުކުމްތަކަކީ އިސްލާމީ ޙަޟާރަތުގެ އަސާސްތަކުގެ ތެރޭގައި ހިމެނޭ ކަމެކެވެ. އެހެންކަމުން އިސްލާމީ ޙަޟާރަތާ ގުޅުން ހުރި ޝަރުޢީ ޙުކުމްތައް ވަންނަ ދާއިރާއަކީ ކޮބާ؟

• އަޅުކަމުގެ ޙުކުމްތަކަށް
• މުޢާމަލާތުގެ ޙުކުމްތަކަށް
• އަޅުކަމާއި މުޢާމަލާތައް ވެސް ވަދޭ

ސުވާލު 9: ރިބާ ޙަރާމް ކުރެއްވުމާއި އިސްލާމީ ޙަޟާރަތާ ހުރި ގުޅުމަކީ ކޮބާ؟

• މިއީ އެއްވެސް ގުޅުމެއްވާ ދެ ކަމެއް ނޫން
• މުސްލިމުންގެ އިޤްތިޞާދު ބިނާ ކުރުމުގައި ރިބާގެ މުޢާމަލާތްތަކާ ދުރުވުން
• ރިބާގެ ސަބަބުން ލިބޭ ފައިދާ އަކީ ޙަރާމް އެއްޗެއްކަން ބަޔާންކޮށްދެއްވުން

ސުވާލު 10: ޢިލްމު އުނގެނުން ވާޖިބު ކުރެއްވުމުން އިސްލާމީ ޙަޟާރަތަށް ލިބިގެންދާ ކުރިއެރުމަކީ ކޮބާ؟

• މީސްތަކުން ދީނާމެދު ހޭލުންތެރި ނުވުން
• އެހެން ޙަޟާރާތްތަކުގެ އަހުލުވެރިންގެ ޢިލްމީ ހޯދުންތައް ދިރާސާ ކުރެވުން
• އެކިއެކި ޢިލްމުތަކާއި ފަންނުތަކުން މުސްލިމުންނަށް އާ އީޖާދުތައް ކުރެވުން