ESP QUIZ NUMBER 1

1. Araw ng Biyernes at kailangang malinis ang inyong silid na magkakapatid. Tatlo kayong nasa iisang kuwarto. Nakita mong puno na ang mga basurahan ngunit hindi naman ito ang nakatoka sa iyong responsibilidad sa inyong magkakapatid. Ano ang iyong gagawin?

• A. Itatago ang basurahan sa ilalim ng kama ng aking kapatid.

• B. Maglilinis na lamang at itatapon ang mga basura.

• C. Pagsasabihan nang masakit na salita ang kapatid.

• D. Tatambay muna sila sa iba pang lugar.

2. Maraming natira sa iyong baon sa araw na ito dahil kaarawan ng kaibigan mo at inilibre ka niya ng miryenda. Kaya’t naisipan mong mag-uwi ng pasalubong sa iyong dalawang nakababatang kapatid. Sa tindahang iyong nadaanan ay may isang turon at isang tinuhog na kamote na lamang ang natitira at sakto naman ang pera mo upang makabili. Ano ang iyong gagawin?

• A. Bibilhin at hahatiin ko sa kapatid ko ang turon at kamote.

• B. Hindi na lamang bibili at ipunin ko na lamang ang natira kong pera.

• C. Magagalit sa nagtitinda kung bakit kaunti lamang ang nilutong turon.

• D. Pipilitin ang tindera na magluto pa ng maraming turon para sa akin.

3. May bagong lipat sa inyong paaralan mula sa Cebu. Kakaiba ang kanyang pagsasalita at hindi mahusay magsalita ng Tagalog. Nagpakilala siya sa inyong klase at marami sa kanyang mga sinasabi ang hindi ninyo maintindihan. Ano ang dapat mong ipakita?

• A. Huwag nang pakinggan ang kanyang sinasabi.

• B. Irapan siya sapagkat hindi ninyo siya kauri.

• C. Ngitian siya at tanggapin bilang kaklase.

• D. Tawanan siya sa kanyang mga pagkakamali.

4. May dalang isang kahon ng buko pie ang inyong tiyahin mula sa kanilang pamamasyal sa Laguna. Tamang-tama naman at oras na ng pagmimiryenda ngunit wala sa loob ng bahay ninyo ang iyong mga kapatid dahil nasa likod bahay sila at naglalaro pa. Paborito mo ang pagkaing dala ng inyong tiya. Ano ang iyong gagawin?

• A. Kainin lahat ang mga pasalubong na buko pie.

• B. Kukuha ng isang piraso at magtatabi para sa mga kapatid.

• C. Kukuha ng mas higit sa dalawang piraso ng buko pie.

• D. Itatago ang buko pie sa iyong kuwarto.

5. Nakita mong abala ang inyong kapitan sa pagsasaayos ng mga upuan sa bisita para sa pagrorosaryo bilang pakikiisa sa pagdarasal sa lumalaganap na pandemya. Ano ang maaari mong gawin?

• A. Hindi papansin ang ginagawa ng kapitan

• B. Ipauubaya na lang sa Sangguniang Barangay ang pag-aayos nito.

• C. Lalapitan ang kapitan at tutulong sa pagsasaayos ng mga upuan.

• D. Talikuran ang mga gumagawa at umalis.

6. Pauwi na sila Andrew, Kaiser, Ben at Ronnie nang biglang may makatabig sa kanilang nagmamadali sa pagtakbo na isang umiiyak na batang lalaki. Paglingap nila rito ay kita sa kanyang mukha ang mga pasa maging sa kanyang mga braso at hita ay may paso. Larawan siya ng isang batang inabuso. Sa pagkakatalisod nito ay nahirapan na siyang tumayo. Ano ang dapat na gawin ng magkakaibigan sa bata?

• A. Dalhin ang bata sa pinakamalapit na istasyon ng pulisya.

• B. Huwag pansinin baka madamay sila sa nambugbog dito.

• C. Pabayaan na lamang ang bata at iwan sa kalsada.

• D. Tawagin ang humahabol sa kanya at ituro kung nasaan ang bata.

7. Isang grupo ng mga kabataan sa inyong komunidad ang humihimok sa iyo upang sumali sa ginagawa nilang kampanya laban sa mga nagpa-paskil online ng “Fake News”. Nagkaroon sila ngayon ng mga programang isinasagawa sa pamamagitan ng virtual meetings. Masipag ang organisasyon ng samahang ito na ipakalat ang kahalagahan ng tamang pagsasaulat ng mga balita lalo na sa kaligtasan ng lahat. Ano ngayon ang magiging desisyon mo?

• A. Babalewalain ang kanilang panghihikayat.

• B. Hihikayatin ko rin na makibahagi ang mga kaibigan.

• C. Magpapalista lamang.

• D. Sasali ngunit hindi ako dadalo.

8. Marami ang mga nagtatapon ng basura sa ilog. Ang kapitan ng inyong baryo ay nagpanukala na maglagay ng CCTV at lagyan ng tarangkahan at magtalaga ng mga tanod upang makita ang mga pumapasok sa inyong lugar. Nangangailangan ng tulong ng mga katabing baryo at petisyon ng lahat ng mga taga-barangay. Ano ang maaari mong sabihin sa iyong mga magulang at kakilala?

.

• A. Pumirma para sa katuparan ng mabuting layunin.

• B. Hindi ito ipaaalam sa mga magulang at sa ibang tao.

• C. Huwag silang papirmahin baka mapahamak pa sila.

• D. Magkukunwaring walang nalalaman

9. Isang kamag-anak ninyo ang kasalukuyang frontliner sa inyong lugar. Ngunit sa hindi inaasahang pangyayari ay nahawahan siya ng COVID-19 na sakit. Nagkaroon ng kumplikasyon at ngayon ay nasa Intensive Care Unit ng isang ospital. Ano ang maaaring maitulong ng pamilya mo sa kanya?

• A. Magtago na lamang sa ibang bahay.

• B. Manalangin at kumalap ng maaaring donasyon para sa kanya.

• C. Pagsabihan ang ibang kamag-anak na sila na lamang ang tumulong.

• D. Sasabihan ang mga kilala na umiwas upang hindi mahawa.

10. Natutulog ka ngunit narinig mo ang ingay sa labas ng kuwarto mo. Nag-aaway sa may sala ninyo ang dalawa mong nakababatang kapatid dahil sa isang laruan. Ano ang maaari mong gawin?

• A. Awatin sila at hanapan ng solusyon na magkasundo sa paglalaro.

• B. Balewalain at pumasok muli ng kuwarto dahil hindi mo ito away.

• C. Gagawa ng paraan upang magsabunutan ang iyong mga kapatid.

• D. Tulungan ang paborito mong kapatid na awayin ang isa pa.