"Күй аңызы", "Айдағы жасырынбақ" әңгімелері бойынша тест жұмысы

"Күй аңызы" әңгімесінде кездесетін тау атауы.

• Алатау

• Ипан тауы

• Қаратау

• Хан тауы

«Күй аңызы» әңгімесіндегі Естеместің жас шамасын анықта.

• жетпіске жақындап қалған

• елуді еңсерген

• алпыстарда

• қырықтарда

Үзінді шығарманың қай бөлігінен екенін анықта.

Әй, шырағым-ай, мені қинайтыны да сол ар жағы ғой. Бұл өзі көптен көңілді тербеп жүрген бір күй еді. Дәл осы арадан аса алмай-ақ қойдым. Қашан кемеліне келтіргенше күйді көп алдына салмаған жөн. Халықтың құлағын қажаған күйші күйден садаға кетсін. Қашаннан әдетім: күйімді әбден нақыштап алғанша жанға естірмеуші едім. Ең аяғы қасымдағы жолдасым сенен де бүгіп, осы күйді оңаша толғап жүр едім. Жаңағы бір оқиғаның қозғап жібергені ғой. Ар жағын алып кетем бе деп едім... Әлі де бір түрткі жетпей жатыр-ау.

• эпилог

• шығарманың соңы

• шығарманың басы

• шығарманың ортасы

• пролог

Кейіпкерді сипаттауда мінездеудің қай түрі қолданылғанын анықта.

Күйшінің де көзінен жас тамып кетті. «Заманым өткен екен ғой» деп aһ ұрып жалт бұрылды да: Ар жағын сен тарт, – деп саңқ етіп, домбыраны Оразымбетке тастай берді.

• Тура мінездеу

• Мінездеу берілмеген

• Жанама мінездеу

Үзіндіге тиесілі қай көзқарастың дұрыс екенін анықта.

– Қарағым Оразымбет, маған ергеніңе жыл болып қалды. Құлағың сақ, қолың жүйрік жігітсің. Түбі жақсы күйші сен боларсың. Бірақ күйімді үлгі етсең де, менің өмірімді үлгі етпе.

• шәкіртіне деген қамқорлықты байқауға болады.

• өз өміріне көңілі толмайтынын сеземіз.

• шәкіртіне деген ризашылық көңілін жеткізген.

• барлық жауап дұрыс.

Шығарманың басталған тұсын анықта.

• Түндігі бүркеулі қара көлеңке үйдің ішінде жалғыз шалдан басқа адам жоқ екен. Ол орнынан тұрып қонақтардың сәлемін алып, екі күйшіні төрге отырғызды.

• Әй, шырағым-ай, мені қинайтыны да сол ар жағы ғой. Бұл өзі көптен көңілді тербеп жүрген бір күй еді. Дәл осы арадан аса алмай-ақ қойдым.

• Екі салт атты адырдың басына желе-жортып шықты да, аттарының басып іркіп, алақан астынан алысты шолды. Төмен қарай көлбеп бара жатқан кең жазықтың шетінде мұнартып оқшау тұрған жалаңаш тау көрінді.

• Жаңыл нарды үйге жақынырақ әкеліп байлады. Шал тулақ алып шығып, нардың алдына төседі. Естемес «кепкен шандырыңды жібіте алар ма екем» деп сынағандай нарды шолып өтті.

Оқиға қалай жалғасатынын анықта.

– Еске, дұға оқып жіберіңізші. Елсіз далада мал кейпінде жын-шайтан жүреді деуші еді.

• Естемес дұға оқиды.

• Оразымбет дұғаны өзі оқиды.

• Естемес дұға орнына өлең оқиды.

• Естеместің дұға оқыған, оқымағаны айтылмайды.

Үзінді шығарманың қай бөлігіне жататынын анықта.

Күйшінің де көзінен жас тамып кетті. «Заманым өткен екен ғой!» деп, aһ ұрып, жалт бұрылды да:

– Ар жағын сен тарт, – деп саңқ етіп, домбыраны Оразымбетке тастай берді. Оразымбет домбыраны қағып алып жалғастырып тарта жөнелгенде, нардың сүті де шелекке сауылдап, құйыла берді.

• оқиғаның шарықтау шегі

• оқиғаның дамуы

• оқиғаның шешімі

• оқиғаның шиеленісі

• оқиғаның басталуы

Кейіпкер бейнесін беруде автор қандай тәсілді қолданғанын анықта.

Оның қасындағы күрең атты – жасы елуді алқындырған, әдемі дөңгелек қара сақалды, биік дөңес мұрынды, кішілеу өткір қоңыр көзі биік қабағының астында терең ұялаған, қағылез кісі.

• әсірелеу

• портрет

• психологиялық параллелизм

• мінездеу

Жаңылдың не себепті «Екі күйші де өнерлеріңді бірдей салыңдар» – деп айтқанын анықта.

• Естеместі қаламай тұрғанын астарлап жеткізгісі келді.

• Екі күйшіні де сынағысы келді.

• Екі күйшінің де күйін тыңдағысы келді.

• Екі күйшіні де қаламайтынын жеткізгісі келді