ESP- Lagumang Pagsusulit Bilang 2

Ang sumusunod ay mga gawaing pang-espiritwal upang mapaunlad ang espiritwal na buhay ng isang tao MALIBAN sa isa. Alin ito?

• meditasyon

• pagdarasal

• pagbabasa ng Banal na Aklat

• pagpuna sa mga ibang relihiyon

Nakita mong nanonood ng video sa facebook ang kapatid mo habang nasa loob kayo ng simbahan. Paano mo siya pagsasabihan?

• Makikinood din ako sa kaniya.                        

• Sisigawan ko ang aking kapatid.

• Hablutin ko ang cellphone niya at itago.         

• Pagsasabihan na itigil na ito dahil kasalukuyan ang misa.

Ito ang mga bagay na dapat gawin upang mapanatili ang ugnayan ng tao sa Diyos. Ano ang mga ito?

• pagdarasal, pagninilay, pagnanakaw       

• pagninilay, pagbabasa ng bibliya, makasarili

• pagsisimba, pagsisinungaling, pagtulong sa kapwa

• may malasakit sa kapwa, laging nagsisimba, madasalin

Halos lahat ng upuan sa simbahan ay punong-puno na ng mga nagsisimba, marami pa rin ang nakatayo sa likuran. Nakita mo ang matandang babae na parang matamlay. Ano ang nararapat mong gawin?

• Ipagwalang-bahala ko na lamang ang aking nakita.

• Titignan ko na lang siya dahil bawal lumapit sa matandang babae.

• Magdarasal na lang ako na sana walang mangyari sa matandang babae.

• Makikiusap ako sa mga katabing upuan na bigyan ng mauupuan ang matanda.

Sa mga pagkakataong nakagawa nang mabuti sa iyo ang ibang tao, ano ang ginagawa mo para mapasalamatan sila?

• Binibilhan ko siya ng regalo at ipamamalita ko sa ibang tao.

• Ipagpapasa-Diyos ko na lang ang pagpapasalamat sa ibang tao.

• Ipapahayag ko ang pasasalamat sa mga ginawang tulong ng ibang tao sa akin.

• Hindi na ako magpapasalamat dahil obligasyon naman nila ang tulungan ako.

Ito ang pagtuon ng pansin sa mga espiritwal na bagay o mga bagay na panlangit sa halip na mga pisikal na bagay dito sa lupa.

• espiritwal

• pagsamba

• paniniwala

• relihiyon

Dumating ang malakas na bagyo at lumubog lahat ang palayang sinasaka ng tatay mo. Walang perang pambayad sa matrikula ninyong magkakapatid. Paano mo matutulungan ang tatay mo sa kaniyang suliranin? Ano ang maaari mong sabihin?

• Tatay, hindi na po ako mag-aaral.

• Mangutang po kayo sa iba’t ibang tao para makapagtanim ulit.

• Tatay, ibenta mo ang lupa para may pambayad ka sa pagkakautang.

• Tatay, maglalako po ako ng buko at mga gulay para makaipon ng pera.

Nagkaroon ng sunog sa kabilang kalye. Walang naisalbang gamit ang mga nakatira roon. Kasama sa nasunugan ay ang kaibigan mong si Carding. Paano mo mapatataas o mapasisigla ang kaniyang moral?

• Okay lang yang masunugan, maglimos ka na lang.

• Huwag ka nang umiyak, makakabangon din kayo.

• Iyak ka nang iyak diyan. Wala ka nang magagawa.

• Buti nga sa inyo para mawala na ang mga iskuwater diyan.

May patimpalak sa kantahan sa inyong barangay. Sumali ka dahil gusto mong manalo para makabili ng cellphone na gagamitin mo sa pag-aaral. Nakamit mo ang ikatlong puwesto ngunit kulang ang gantimpala para pambili ng cellphone. Ano ang gagawin mo?

• Hindi na ako sasali ulit.

• Aawayin ko ang nanalo sa patimpalak.

• Mag-eensayo ako nang mabuti para lalong humusay sa pagkanta.

• Magrereklamo ako sa hurado na dapat ako ang tinanghal na panalo.

Si Jona ay mabilis tumakbo kaya't hinikayat siya ng kaniyang guro sa PE na sumali sa takbuhan. Mahiyain si Jona at mahina ang loob. Paano mo siya matutulungan?

• Kaya mo iyan, huwag kang matakot

• Naku, kunwari pa gusto naman talaga.   

• Kung gusto mo, huwag ka nang mag-inarte

• Ang mahina ang loob hindi dapat sumali.