Untitled form

NAMA

TETEWAA MORAMO Moramo ieto o’aso okambo laa ikeni iwuta ndolaki. Keto onggo lako meopako imune tinamoako Anduonohu. Keto onggo lako I Moramo ari I Kandari tulei laa 40 okilo. Keto peoto menggauno torukui osala tulei laa aso daa isi. I Moramo ieto lahaano iwoi tinamoako tetewaa. I woi teopopo tenga-tenga ronga dadio. Keto totoai hende iwoi motonda. Iepo hae nggiro iwoi lala ie moiono ronga owatu ako laa-laa ikiro kioki nopesonaru. Ieto keto pebaho-baho kioki totesiloro. Onggo mbu upu uno. Kasuako notinue. Ieto ano lala ie kaa meloluno. Iepo hae keto penao-nao kadui nosana penaondo. Teembe hae opua laa-laa ikiro oleo minggu mbuoki hori mokosisi, dadi onggo molako-lako, menao-nao hendeakono oleo minggu ieto ikiro meambo ano. Keto onggo lako ato poawo oto dowo, laaiki ikiro pona’a, laa toono dumagai’i iamo nonio sumosaa’i. Toono modagai ndee pinowehi odoi reke posewando karitiisi teruo osowu. Ikiro itoono la toono mebalu-balu kinaa ronga inenu-enu, ano kinaa-ngga. Laha aro mebal;u- balu kiro iwowano, ari iwawono peeka mbone laha ano iwoi tinamoako tetewaa tulei laa rua etu torea metere, tomolako-lako nggare tulei hopulo monii ato dunggu. Ikita iwawono laa laika niowai pamarenda ndee pe eusaa keto onggo mebaho-baho ronga ieoto arindo hae mebaho-baho. Keto poawao kinaa dowo, dadi ikaa laloi ikita wawono nolanggai laika ari sinumee, dadi keto metarambuu mo oru-oru dadi kaa kiniwiapo ato mbule.

Opio okilo mondaeno ari i kandari lako i Moramo....

• 43 kilo
• 42 kilo
• 41 kilo
• 40 kilo

Ohawo uluno sarita i wawono ....

• tetewaa moramo
• tetewaa lasolo
• tetewaa ulu moramo
• tetewaa ulu lasolo

Metengga ... pebahoa i Moramo. Pombiihino Tulura iwawono ieito ....

• tengga
• tenggo
• tenggu
• tenggi

Menggauno torukui keto onggo lako mebaho-baho ine tetewaa ....

• aso daa torea
• aso daa
• o’ruo daa
• olimo daa

I Moramo ieito lahaano ... tinamoako tetewaa.

• otahi
• alaa
• iwoi
• ahua

Inehawo lahaano nggiro tetewaa?

• Anduonohu
• I’Moramo
• Wolasi
• Konda

Pamarenda menggena batuano rongga ....

• O’disi
• tolea
• ulu sara
• ulu sala

Menggauno torukui keto onggo lako mebaho-baho ine tetewaa ....

• aso daa torea
• aso daa
• o’ruo daa
• olimo daa