7 ASTS GANJIL 2024

TATAKRAMA NGANJANG KA IMAH BABATURAN

Hidep sok nganjang ka imah babaturan? Sok nanaonan waé tah? Kumaha anggah-ungguhna mun urang ngajang ka imah babaturan? Urang Sunda mah boga aturan sopan santun kumaha kuduna sikep, paripolah, jeung ucapan dina rupa-rupa kaayaan. Ayeuna nu rék dipedar téh kudu kumaha sikep, paripolah jeung pok-pokkan urang lamun nganjang ka imah babaturan.

Saméméhna, omat kudu jangjian heula. Ulah norojol teu pupuguh, bisi babaturan hidep keur aya kagiatan séjén, jadi teu nyampak di imahna. Apanan ayeuna mah gampang pisan rék jangjian ulin téh, kari chat dina aplikasi Whatsapp (WA). Atawa bisi lila nungguan jawaban, bisa langsung nelepon.

Upamana hidep rék nganjang ka imah Wawan, babaturan sakelas. Lamun geus paheut jangjian, kakara urang indit. Sadatangna ka imah babaturan, ulah poho ngucapkeun salam. Keketrok kana pantona, atawa mun aya bél mah pencét baé bélna. Lamun geus dibukakeun pantona, heug anu muka téh indung, bapa, dulur, atawa réncang nu sok ngurus imahna, urang kudu sarua sopanna. Awak rengkuh, paroman béar marahmay, sora kudu alon, kekecapan pilih anu sopan, nepi ka merenah sagala rupana.

Dumasar kana carita di luhur, nu mimiti kudu dilakukeun nalika urang rék nganjang nyaéta ….

• Jangjian heula

• Langsung datang ka imahna

• Maksa kudu aya di imah

• Maksa kudu aya di imah

Kecap nganjang dina carita di luhur sarua hartina jeung ….

• Ngajak ulin

• Namu/nyémah

• Ngerjakeun tugas

• Ngajak dahar

Upamana hidep rék nganjang ka imah Wawan, babaturan sakelas. Lamun geus paheut jangjian, kakara urang indit. Sadatangna ka imah babaturan, ulah poho ngucapkeun salam. Keketrok kana pantona, atawa mun aya bél mah pencét baé bélna. Lamun geus dibukakeun pantona, heug anu muka téh indung, bapa, dulur, atawa réncang nu sok ngurus imahna, urang kudu sarua sopanna. Awak rengkuh, paroman béar marahmay, sora kudu alon, kekecapan pilih anu sopan, nepi ka merenah sagala rupana.

Lamun pribumi ngamanggakeun, tuluy nitah urang asup ka jero imahna, ulah poho nganuhunkeun, tuluy asup. Sapatu atawa sendal dibuka. Lamun dititah nungguan di rohang tamu, kadé diuk dina korsi sing tartib, ulah sadaékna. Diuk rapih, suku duanana ka handap, jeung ulah culang-cileung nempoan sakuriling rohang tamu.

Nu dilakukeun nalika aya nu pangmukakeun panto nalika geus nepi ka imah babaturan ….

• Awak teugeug

• Paroman béar marahmay

• Sora kudu tarik

• Kekecapan teu kusu sopan

Lamun pribumi ngamanggakeun, tuluy nitah urang asup ka jero imahna, ulah poho nganuhunkeun, tuluy asup. Sapatu atawa sendal dibuka. Lamun dititah nungguan di rohang tamu, kadé diuk dina korsi sing tartib, ulah sadaékna. Diuk rapih, suku duanana ka handap, jeung ulah culang-cileung nempoan sakuriling rohang tamu.

Lamun geus tepung jeung Wawan, tuluy diajak asup ka kamarna upamana, da ulinna rék lila, salila di imah Wawan kadé sopan santun dijaga. Ulah ngagandéngan nu boga imah, ulah pulang-anting ka luar ka jero ti kamar lamun taya kaperluan mah, ulah kakaratak néangan dahareun lamun teu ditawaran ku pribumi. Upamana ulin téh nepi ka beurang. Dina waktuna dahar beurang, heug ditawaran dahar ku kolotna Wawan, tarima kalawan sopan bari ulah poho nganuhunkeun. Lamun urang boga kabiasaan di imah sorangan sok dahar di kamar, tapi di imah Wawan mah kabiasanana dahar téh ngariung dina méja makan, tah kudu milu kana kabiasaan nu boga imah.

Anu teu kaasup kana hal nu biasa dilakukeun nalika urang nganjang ka imah babaturan ….

• Ulah ngagandéngan nu boga imah

• Ulah kakaratak néangan dahareun lamun teu ditawaran

• Ulah ulin kamalinaan ti isuk nepi ka peuting

• Pulang-anting ka luar ka jero kamar

Nono   : Terkenal ku dodol Garutna, nya?

Firas    : Muhun. Dodol Garut sareng domba Garut

Nono   : Éh, ngenalkeun, Nono.

Firas    : Nono kawit sakola ti mana?

Nono   : Nono mah ti Majenang

Bandi  : Paingan basana teu alus, nya, da ti Jawa?

Dumasar téks di luhur, daérah Garut téh kawéntar ku dodol jeung ….

• Domba

• Embé

• Burayot

• Jeruk

Dina paguneman, Bandi ngomong yén basa nu dipaké Nono téh kasar. Nu jadi sabab basa anu dipaké ku Nono téh kasar nyaéta ….

• Lantaran sapopoéna Nono maké basa Jawa

• Lantaran Nono diajarna basa Jawa, lain basa Sunda

• Lantaran Nono asalna ti Majenang, lain urang Sunda

• Lantaran sapopoéna Nono maké campuran basa Sunda jeung Jawa

Nu nanyakeun Garut terkenal ku dodolna nyaéta ….

• Firas

• Bandi

• Nono

• Néti

Sabab pangna Bandi nyebutkeun "Paingan basana teu alus, nya, da ti Jawa?" nyaéta ….

• Lantaran Nono asalna ti Majenang anu aya di wilayah Jawa Tengah

• Lantaran mun urang Jawa maké basa Sunda, basana sok kasar

• Lantaran basa Sunda nu dipaké umumna basa kasar

• Lantaran dina basa Sunda aya tatakrama basa

Kecap "ngenalkeun" lamun dilemeskeun jadi ….

• Manggihkeun

• Ngawanohkeun

• Ngawawuhkeun

• Nepangkeun

Ahmad : “Wan, urang lalajo Persib di imah urang, yu ...!”

Irwan   : “Hayu, ajak atuh nu séjén. Urang lalajo bareng.”

Ahmad : “Kumaha mun ngajak Si Engkus jeung Si Nanang.”

Irwan   : “Enya atuh, di-sms wé.”

Ragam basa naon anu dipaké dina paguneman di luhur ....

• Lemes

• Hormat

• Kasar

• Loma