Pagsusulit sa Edukasyon sa Pagpapakatao 3

Si Ana ay biniyayaan ng Diyos ng talento sa pagguhit. Siya ang palaging isinasali sa mga paligsahan sa kanilang paaralan. Ano ang mararamdaman ni Ana sa talento niya?

• Magiging mayabang siya

• Magiging mapagpakumbaba

• Magiging masungit sa mga kaklase

Si Marcos ay magaling sa pag-awit. Nakita ng kaniyang guro ang talento niya at hinihikayat siyang sumali sa isang paligsahan sa pag-awit. Ano ang nararapat na gawin ni Marcos?

• Iaalok niya sa kaibigan ang pagsali dito.

• Hindi niya tatanggapin ang alok ng kaniyang guro.

• Tatanggapin niya ang alok ng kaniyang guro upang maipakita niya sa iba ang talento.

Ang mga batang may mga talento katulad ng pag-awit, pagguhit at pagsayaw ay nakapagbibigay ng kasiyahan. Si Alma ay kabilang sa mga batang ito. Ano ang dapat gawin ni Alma upang mahasa pa ang kaniyang talento?

• Magkulong sa kaniyang kuwarto.

• Ipakita ang talento sa mga kaibigan lamang.

• Sumali sa mga paligsahan upang maipakita ang kaniyang talento.

Sumali sa isang patimpalak sa pagsayaw ang grupo nina Mutya. Hindi sila ang itinanghal na kampeyon kundi nakamit lamang nila ang ikalawang puwesto. Ano ang kanilang dapat gawin?

• Magiging masama ang loob sa mga hurado.

• Sisigawan ang mga hurado at duduruin ang mga ito.

• Tatanggapin ang resulta nang maluwag sa kalooban.

Nagkaroon ng pangkatang gawain sa klase nina Gng. Emmanuel Santos at ang mga awtput ay isa- isang pinuna ng bawat mag- aaral. Ano ang magiging damdamin mo kung maraming puna sa gawain ninyo?

• Hindi namin pakikinggan ang mga puna ng aming mga kamag- aral.

• Magbibigay din kami ng masasamang puna sa kanilang gawain.

• Tanggapin nang maluwag sa loob ang puna ng mga kamag- aral.

Magaling kang maglaro ng football. Napili ka ng coach at isinali ka sa koponan ng iyong paaralan. Sa susunod na buwan na ang Palarong Pandistrito. Ano ang dapat mong gawin?

• dumalo tuwing may ensayo ang koponan

• hindi ka sisipot sa iskedyul ng ensayo ng koponan

• sasabihin ko sa coach na hindi na ako sasali sa koponan

Nagkaroon ng paligsahan sa pagguhit ng poster at ikaw ang nanalo sa paligsahan. Ano ang nararapat mong maging asal?

• Hayaan na ang mga nakatunggali.

• Kamayan at batiin ang mga nakatunggali.

• Kantiyawan ang mga natalong katunggali.

Lahat ng tao ay may mga kakayahan at talento na ibinigay ng Diyos. Upang mahasa ang mga ito, ano ang dapat nating gawin?

• itigil ang paggawa sa mga ito

• maging tamad sa pagsasanay

• palaging gawin at laging magsanay

May isa kang kaklaseng palaaway. Hinahamon ka ng suntukan kahit wala kang ginagawang masama sa kaniya. Ano ang gagawin mo?

• lalayo ako sa kanila

• makikipagsuntukan ako

• C. tatawagin ko ang mga kaibigan ko at makikipag-away kami

May isa kang kaklaseng palaaway. Hinahamon ka ng suntukan kahit wala kang ginagawang masama sa kaniya. Ano ang gagawin mo?

• lalayo ako sa kanila

• makikipagsuntukan ako sa mga kaklase ko

• tatawagin ko ang mga kaibigan ko at makikipag-away kami