Jakarta : Kementrian Lingkungan Hidup nganakake manekawama lomba kanggo mangayubagya pengetan dino kamardikan RI kaping 69 taun 2014 tumraping karyawan ing Kementrian Lingkungan Hidup ( KLH ). Kegiatan iki ditindakake dening Biro Umum KLH, sing pesertane yaiku para karyawan KLH. Senajan dianakake kegiyatan lomba nanging kantor KLH ora tutu plan isih tetep nindakake kegiyatan pelayanan publik kaya biasane.
Manekawarnane lomba iki dibukak kanthi resmi dening Menteri Lingkungan Hidup, Prof. Balthasar Kambuaya. Panjenengane nyengkuyung banget anane kegiatan rutin kaya mangkene iki kanggo nyambung taline siraturahmi lan sportifitas ing antarane karyawan KLH supaya nduweni tumindak kang jujur lan adil. Manekawarna jinis lomba sing dianakake yaiku : lomba futsal wakil saka saben unit Kedeputian, PPE ( Pusat Pengelolaan Ecoregion ), Biro-biro ing kementrian lan lingkungan pomahan Menteri KLH.
Kejaba Futsal, uga ana pertandingan bola volley, bulu tangkis lan tenis meja, kegiatan iki ditindakake wiwit tanggal 12 nganti tumekane tanggal 15 Agustus 2014. Jroning acara pembukaane Menteri bebarengan karo Pejabat Eselon I ing Kementerian Lingkungan Hidup Ngeculake manuk dara minangka tanda diwiwiti manekawarnane tetandhingan antarane unit-unit ing Kementrian Lingkungan Hidup.
Sing diwartakake jroning pawarta ing dhuwur yaiku….
