TES FORMATIF CARPON JEUNG GUGURITAN KELAS 8

Ilikan cuplikan carita pondok di handap !

“Jéndral, tadi basa uing balik sakola dipegat ku Jang Ukon,” ceuk Si Acim basa ngariung memeh ngaji, “awak uing dihompét tuluy ditémbakan.”

“Sarua uing gé poé kamari basa balik sorangan dipegat. Tah, ténjo… ih, geus leungit ayeuna mah. Pokona mah kamari mah awak uing baréntol.” cek Si Duloh.

“Komo uing… komo uing….” cek nu séjén mani raong. Kuring ngahuleng nampa laporan ti anak buah kitu téh. Lain teu apal saenyana mah anak buah kuring dibeunangkeun ku Jang Ukon téh. Ngan, ari kudu ngalawan Jang Ukon mah rumasa teu untupan. Gimir ku tangtunganana. Awakna waé méh sarua jeung Pa Maman. Rék kitu pantes da Jang Ukon mah ngendogna gé aya kana tilu kalina.

Jenderal karya A. Budiman.

Palaku antagonis tina cuplikan carita pondok di luhur, nya éta ....

• Kuring

• Si Acim

• Jang Ukon

• Si Duloh

Ilo cuplikan carpon di handap ieu !

Iman asa-asa narima kanyaah ti jelema anyar pinanggih. Tapi ceuk Ema ogé teu meunang nampik pangasih batur. Eta téh rezeki ti Alloh. Ku urang  kudu ditarimakeun. Tapi omat ulah sakali-kali urang mah nyusahkeun ka batur sok najan urang keur teu boga ogé.

“Nuhun, Bu. Ditampi.” Iman ngahuapkeun sangu bangun nu ni’mateun naker. Diselang ku nginum heula. Geus kitu mah manco deui ka alasna.

“Sok beubeunangan sabaraha waé dagang téh ?”

“Teu tangtos, Bu. Aya sapuluh rébu, paling seueur dua puluh rébu.”

“Dianggo naon baé artos téh  ?”

“Dianggo emam sapalih, dianggo sakola sapalih. Tapi ayeuna mah teu tiasa masihan heula ka Ema kanggo emam, da artosna kanggo lebet ka SMP.”

Sareureuh Hujan karya Dian Wulan

Watek palaku utama dina cuplikan carita pondok di luhur nya éta ....

• Nurut ka kolot, sopan, rikrik

• Wanian, mata duitan, olo-olo

• Gembul, mata duitan, daékan

• Sopan, daékan, sok barang pénta

Jalan carita dina carita pondok  anu nyusun ti awal kajadian nepikeun ka réngséna lalakon, ngaruntuy dumasar urutan waktu, kaasupkana alur .....

• Alur mobok tengah

• Alur mundur

• Alur maju

• Alur simpay

Ilo cuplikan carita pondok di handap !

“Kuring harita téh pangangguran maok jagong di kebon Mang Hamdan. Deuk dibeuleum hareupeun saung jeung Si Ojat, kaburu kacerek mantén ku Si Apa. Ti dinya kuring digusur ku Si Apa, kudu sanduk sanduk ménta dihampura ka Mang Hamdan bari kudu mulangkeun jagong nu geus diala. Geus sanduk-sanduk, digusur deui ka buruan imah. Nya di buruan imah awak dihanca ku hoé. Mimitina mah kuring kokocéakan, mana pada ngadeugdeug, pada ngalalajoanan. Indung kuring ukur bisa ceurik.”

“Meunang sababaraha lila ngunek-ngunek ka bapa téh. Asa diéra-éra. Asa diwiwirang. Kadar maok jagong! Bari jeung harita téh, sabada sasadu, jagongna ku Mang Hamdan diridokeun dibikeun ka kuring. Tapi keukeuh wé bapa téh nyiksa.”.

“Ayeuna geus kelas dalapan, karasa benerna pangwarah kolot téh. Meureun lamun harita teu diwarah ku bapa, kuring bakal kangeunahan maokan banda batur. Mana sabada dilenyepan mah, nganuhunkeun kana pangwarah Bapa téh”

 Bisi karangan Holisoh ME

Amanat nu rék ditepikeun dina carita pondok di luhur, nya éta ....

• Urang teu meulang pulang-paling, lantaran upama kapanggih resikona gedé pisan

• Kolot wijaksana mah upama budakna ngalakukeun kagoréngan sok nyiksa lantaran éra

• Kolot mah siga nu telenges lamun anakna ngalakukeun kasalahan téh. Tapi upama dilenyepan, éta téh hal bener, bukti kanyaahna bisi urang katutuluyan dina lampah goréng

• Lamun urang rék ngala jagong kudu bébéja heula ka nu bogana da pasti nu boga jagong bakal méré, lantaran karunyaeun ka urang

Carita pondok nu dianggap pangheulana nu kaunggel dina majalah Parahiyangan taun 1929, judulna  ….

• Dua dukun

• Si bedog panjang

• Nyair hurang meunang kancra

• Dogdog pangrewong

Ilo cuplikan carita pondok di handap !

Ti saprak aya wabah muntabér, kampung kuring mémang sok meunang kiriman cai beresih ti pamaréntah. Sok dikirim ku PDAM Kabupatén. Biasana mah sok unggal poé datangna téh. Nya ku cara kitu, masyarakat rada kabantu, teu hésé teuing ngala cai.

Nunggu Kiriman karya Duduh M. Rap

Jejer masalah tina ungkara di luhur nya éta ….

• Wabah muntabér

• Kiriman PDAM Kabupatén

• Cara ngabantu masarakat

• Héséna cai beresih

Ilo cuplikan carita pondok di handap !

Réngsé mandi, gancang kuring indit rék muru tajug, milu amum salat Subuh. Ema ditinggalkeun da gégéroh kénéh piring.

“Kadé ka tajug, Ujang!  Bisi si Apa ngambek!” ceuk Ema bari jongjon meresihkeun sabun nu narapel dina baskom.

“Enya eudeuk, mana rurusuhan gé!“

“Heueuh, kudu sieun ku pangrangkét.” Ceuk Ema daria. Nya da Apa mah galak, utamana urusan ngaji, urusan salat, urusan sakola agama, euweuh ampun keur si Apa mah. Apan pokna gé, “Kajeun teu dibantuan ngarit, batan manéh teu sakola agama!”

Basa Sakola Kuring Kabanjiran karya Holison ME

Latar waktu nu diébréhkeun dina carita pondok di luhur, nuduhkeun ….

• Isuk-isuk

• Haneut moyan

• Tengah poé

• Soré

Ilo cuplikan carita pondok di handap !

Sanggeus nyarékan Anisa, peutingna kuring ngahuleng di kamar kontrakan. Kumaha ari isuk kirim entong susu murni ka imah Anisa ? dua léter sapoé hartina untung Rp. 12.000,- sapoé, jadi Rp. 360.000,- sabulan. Asa karasa kaduhung geus nyarékan Anisa. Leungit untung Rp. 360.000,- lain saeutik. Néangan langganan téh hésé. Tapi aya ogé rasa sugema

Susu Murni karya Yosef R

Nurutkeun strukturna cuplikan carita pondok di luhur kaasup kana bagéan ….

• Bubuka

• Mangkat carita

• Konflik

• Resolusi

Pedah sepuh hina sareng miskin

Sangsara kokoro

Ku  sim abdi dihina ditokér

Moal boa manahna ngerik

Lir digeri hinis

Manahna mo lipur

         Amanat nu rék ditepikeun tina eusi guguritan di luhur nya éta .....

• Sok sanajan dinyenyeri ku jadi anak, kolotna mah tangtu ngahampura

• Urang kudu nyaah ka indung-bapa sok sanajan kaayaan hina jeung miskin

• Ulah sok ngalawan ka kolot matak doraka

• Kawajiban anak diantarana ngurus indung-bapana lamun geus kolot

Mun Ujang  nyiar pangarti

Terus sakola ka kota

Sing jadi murid rancagé

Bener pinter bari séhat

Mikahéman sasama

Asih ka nu jadi guru

Gaganti Ema jeung Bapa

       Guguritan di luhur nyaritakeun ….

• Kawajiban budak nu kudu nurut ka nu jadi kolot

• Pépéling kolot ka nu jadi budak nu rék nyiar pangarti

• Kawajiban guru dina  méré atikan ka siswa-siswana

• Kawajiban kolot nyakolakeun anakna