BAHASA SUNDA KLS 7

Pék baca dongéng di handap pikeun ngajawab pananya no. 1–5! Di jaman baheula aya hiji karaton di nagara reungit, anu diratuan ku reungit bikang. Éta nagara téh pohara beungharna. Tentarana garagah, kitu deui patihna anu satia. Sang ratu kacida gindingna, papakéanana harurung hérang, ditambah maké geulang jeung suweng emas (perhiasan anting-anting jeung giwang emas), mani wibawa pisan pokona mah sang ratu téh. Dina hiji peuting keur jemplang-jempling, aya hiji sosok jelema nu asup ka éta karaton reungit, kabeneran tentara anu jagana téh keur tibra sararé, atuh jongjon éta jelema téh asup ka kamar ratu. Kabeneran ratu ogé keur tibra naker deuih. Karayap éta jelema ngadeukeutan sang ratu reungit, tuluy suweng emas nu dipaké ku ratu reungit dicopot, tapi kakarak gé dicopot sabeulah ratu reungit éta kaburu hudang mantén, tuluy gogorowokan. “Tulung … tulung … tulung…!” Éta jelema langsung kabur kaluar bari mamawa suweng sabeulah. Tentara anu jaragana langsung ngarudag, tapi éta jalma angger teu kaudag. Isukna, sang ratu maréntah ka tentara jeung rahayatna. “Sakabéh bangsa reungit kudu naréangan suweng anu dipaling téa, tempoan kabéh dina unggal ceuli jelema!” ceuk ratu reungit téh. Ti harita, sakabéh reungit naréangan éta suweng. Nepi ka kiwari, reungit-reungit téh masih kenéh naréangan éta suweng nu sabeulahna. Nempoan kana unggal ceuli jelema-jelema bari disada “Suengngng! Suengng! Suengng!” cenah. 1. Anu lain unsur pamohalan dina éta dongéng nyaéta …

• a. jelema bisa asup ka nagara reungit
• b. reungit bisa nyarita
• c. suweng nu dipaké ku reungit bisa dipaké ku jelema
• d. reungit dipingpin ku ratu

2. Iraha jeung di mana latar anu ngadadasaran éta dongéng téh?

• a. beurang di karaton reungit
• b. peuting di karaton reungit
• c. beurang di kamar jelema
• d. peuting di kamar jelama

3. Pesen ti pangarang anu hayang ditepikeun dina éta dongéng nyaéta ….

• a. karaton reungit kudu diduruk
• b. unggal peuting kudu nyeuneut obat nyamuk
• c. teu meunang barang cokot anu lain hakna
• d. jadi pamingpin kudu nitah rahayatna

4. Palaku-palaku dina éta dongéng nyaéta ….

• a. tentara jeung jelema
• b. reungit jeung jelema
• c. ratu jeung jelama
• d. suweng jeung jelema

5. Dina dongéng di luhur, aya kalimah anu ngagunakeun kecap panyambung satata, salah sahijina nyaéta …

• a. Di jaman baheula aya hiji karaton di nagara reungit, anu diratuan ku reungit awéwé.
• b. Éta jelema langsung kabur kaluar bari mamawa suweng sabeulah.
• c. Tentara anu jaragana langsung ngarudag, tapi éta jalma angger teu kaudag.
• d. Sakabéh bangsa reungit kudu naréangan suweng anu dipaling téa, tempoan kabéh dina unggal ceuli jelema!

6. Iklan anu tujuanana pikeun umajak ka masarakat sangkan milampah perkara nu hadé sarta ngajauhan perkara-perkara goréng nyaéta iklan …

• a. komérsial
• b. barang jeung jasa
• c. lowongan gawé
• d. layanan masarakat

7. Salah sahiji ciri tina iklan layanan masarakat nyaéta …

• a. néangan kauntungan
• b. promosi produk
• c. mitrana organisasi sosial
• d. sasaranana heureut

8. Salah sahiji ciri tina iklan layanan masarakat nyaéta …

• a. néangan kauntungan
• b. mitrana organisasi sosial
• c. promosi produk
• d. sasaranana heureut

9. Kalimah di handap anu bisa dijadikeun pikeun iklan layanan masarakat nyaéta …

• a. Ulah aya cai ngeuyeumbeung, bisi jadi sayang reungit!
• b. Peuyeum ti Bandung, pasti pulen!
• c. Balanja di Toko Bahar, barangna lengkep pisan!
• d. Ulah meuli motor séken, bisi kaduhung!

10. Kalimah paréntah di handap anu nuduhkeun pangjurung nyaéta …

• a. Ulah waka indit, rék dipoto babarengan heula!
• b. Pangmareumankeun cai, sigana mah geus mudal!
• c. Hayu urang beresihan kelasna, kapan rék dipeunteun!
• d. Geura solat, bisi kaburu beak waktuna!